3.5 Star (Good) · English · Science Fiction · USA

97. COHERENCE (USA/SCIENCE FICTION/2013)

🔹AMAZING CINEMA # 97

🔹MOVIE TITLE : COHERENCE ( 2013 )
🔹 രാജ്യം : യു എസ് എ
🔹ഭാഷ : ഇംഗ്ലീഷ്
🔹വിഭാഗം : സയൻസ് ഫിക്ഷൻ ത്രില്ലർ
🔹സംവിധാനം : James Ward Byrkit
🔹അഭിനേതാക്കൾ : Emily Baldoni , Maury Sterling , Nicholas Brendan

🔹കഥാ സംഗ്രഹം 🔹

▪ ഹോളിവുഡ് സയൻസ് ഫിക്ഷൻ ത്രില്ലർ എന്ന് കേൾക്കുമ്പോൾ കോടിക്കണക്കിന് ഡോളർ ചെലവഴിച്ച് സ്പെഷൽ ഇഫക്ട്സും ഗ്രാഫിക്സും നിറഞ്ഞ ചിത്രങ്ങൾ ആണ് നമുക്ക് ഓർമ വരുന്നത് .എന്നാൽ ഇതൊന്നുമില്ലാതെ വെറും 50000 ഡോളർ മാത്രം ചെലവഴിച്ച് 90 ശതമാനവും ഒരു വീടിനുള്ളിൽ നടക്കുന്ന 8 പേർ മാത്രം അഭിനയിക്കുന്ന ഒരു സയൻസ് ഫിക്ഷൻ ചിത്രം .അതാണ് 2013 ൽ പുറത്തിറങ്ങിയ Coherence  .

▪ ഭൂമിക്ക് അടുത്തുകൂടി Miller’s Comet എന്ന ധൂമകേതു കടന്നു പോകുകയാണ് . അതേ സമയം ഒരു വീട്ടിൽ എട്ട് സുഹൃത്തുകൾ ഒത്തുകൂടുകയാണ്. നാല് പുരുഷൻമാരും നാല് സ്ത്രീകളും ഉൾപ്പെട്ട സുഹൃത്തുകൾ പലതരത്തിലുള്ള സംഭാഷണങ്ങളിൽ ഏർപ്പെടുന്നു .ഇതിന് മുമ്പ് 1903 ൽ ഇതേ ധൂമകേതു കടന്നുപോയപ്പോൾ പല തരത്തിലുള്ള അവിശ്വസനീയമായ സംഭവങ്ങൾ നടന്നതായി അവരുടെ സംഭാഷണങ്ങളിൽ നിന്ന് നമുക്ക് മനസ്സിലാവുന്നു .ധൂമകേതു കടന്നു പോകുമ്പോൾ മനുഷ്യർ Dice ലെ സൈഡുകൾ പോലെ വ്യത്യസ്തമായ റിയാലിറ്റികളിൽ പെട്ടു പോകുമെന്നതാണ് അവയിൽ പ്രധാനം .

▪ സംസാരത്തിടയിൽ ഇടയ്ക്ക് പലതരം ശബ്ദങ്ങൾ കേൾക്കുകയും കറൻറ് പോകുകയും മൊബൈൽ ഫോണുകൾ പ്രവർത്തനരഹിതമാവുകയും ചെയ്യുന്നു . പുറത്ത് മറ്റൊരു വീട്ടിൽ പ്രകാശം കണ്ട് അത് നോക്കാൻ രണ്ട് പേർ പുറത്ത് പോകുന്നു .എന്നാൽ പുറത്തിറങ്ങിയവർ ഒരു പ്രത്യേക സ്ഥലത്തു കൂടി കടന്നു പോയപ്പോൾ ധൂമകേതുവിന്റെ ശക്തി മൂലം മറ്റൊരു റിയാലിറ്റിയിൽ പെട്ടു പോകുന്നു . അങ്ങനെ ഓരോ തവണവും ആ സ്ഥലത്തു കൂടി അവരിൽ ആരെങ്കിലും കടന്ന് പോകുമ്പോൾ ഓരോ പുതിയ റിയാലിറ്റി രൂപപ്പെടുന്നു . അവയിൽ നിന്നെല്ലാം പുറത്ത് കടന്ന് ആദ്യം ഉണ്ടായിരുന്ന യഥാർത്ഥ ലോകത്തെത്താൻ അവർക്ക് കഴിയുമോ?

🔹സ്ക്രീനിന് പിന്നിൽ🔹

▪ James Ward Byrkit ന്റെ ആദ്യ സംവിധാന സംരംഭമാണ് ഈ ചിത്രം .ചിലവ് ഏറ്റവും കുറച്ച് സ്പെഷൽ ഇഫക്ടുകൾ ഒന്നുമില്ലാതെ പ്രേക്ഷകനെ പരമാവധി കുഴയ്ക്കുന്ന ഒരു സയൻസ് ഫിക്ഷൻ ത്രില്ലർ ഒരുക്കുക എന്ന ലക്ഷ്യം അദ്ദേഹം ഭംഗിയായി പൂർത്തീകരിച്ചിട്ടുണ്ട് . കൃത്യമായ തിരക്കഥയോ സംവിധാനങ്ങളോ ഒന്നുമില്ലാതെ വെറും അഞ്ച് രാത്രികൾ കൊണ്ടാണ് ഈ ചിത്രം പൂർത്തീകരിച്ചത് . എന്താണ് അടുത്തതായി സംഭവിക്കുന്നതെന്നോ കഥയെക്കുറിച്ചോ ഒന്നും നടീനടൻമാർക്ക് അറിവുണ്ടായിരുന്നില്ല .അത് കൊണ്ട് തന്നെ ഓരോ രംഗത്തും സ്വാഭാവികമായ പ്രതികരണങ്ങൾ തന്നെ യാണ് ചിത്രീകരിച്ചിരിക്കുന്നത് . നൂറ് ശതമാനവും സംവിധായകന്റെ ചിത്രം എന്ന് പറയാവുന്ന അപൂർവ്വം ചിത്രങ്ങളിൽ ഒന്നാണിത് .

🔹സ്ക്രീനിൽ🔹

▪ ചിത്രത്തിൽ എട്ട് കഥാപാത്രങ്ങൾക്കും ഒരേ പോലെ പ്രാധാന്യമുണ്ടെങ്കിലും Emily Baldoni അവതരിപ്പിച്ച എമിലി എന്ന കഥാപാത്രത്തെ പിൻതുടർന്നാണ് കഥ മുന്നോട്ടു പോകുന്നത് .സ്വാഭാവികമായ അഭിനയത്തിലൂടെ എല്ലാവരും തങ്ങളുടെ വേഷം ഭംഗിയാക്കി. ചിത്രത്തിൽ ചില രംഗങ്ങളിൽ പുറത്ത് കേൾക്കുന്ന ശബ്ദങ്ങൾ , കറന്റ് പോകൽ മുതലായവ ഒന്നും നേരത്തേ അഭിനേതാക്കളെ അറിയിച്ചിരുന്നില്ല .അത് കൊണ്ട് തന്നെ അടുത്തതായി എന്താണ് സംഭവിക്കുന്നത് എന്നറിയാത്തതിന്റെ ആകാംഷ അവർ യഥാർത്ഥത്തിൽ തന്നെ അനുഭവിച്ചിരുന്നു .

🔹വിധി നിർണയം🔹

▪ ഒന്നോ രണ്ടോ തവണയല്ലാതെ നിരവധി തവണ അതീവശ്രദ്ധയോടെ കണ്ടാൽ മാത്രം ഒരു പരിധി വരെ മനസ്സിലാക്കാനാവുന്ന ഒരു ചിത്രമാണിത് . ചിത്രം തുടങ്ങി അര മണിക്കൂറിനുള്ളിൽ നിങ്ങൾ ഒന്നും മനസ്സിലാകാതെ എഴുന്നേറ്റ് പോയാൽ അദ്ഭുതപ്പെടാനില്ല . കാരണം ഈ ചിത്രം നിർമ്മിച്ചിരിക്കുന്നത് അങ്ങനെ തന്നെയാണ് .ഷൂട്ട് ചെയ്യാൻ അഞ്ച് ദിവസങ്ങളേ എടുത്തുള്ളുവെങ്കിലും വർഷങ്ങളുടെ അധ്വാനം അതിന് പിന്നിലുണ്ട് .  ഗവേഷണങ്ങൾ പുരോഗമിക്കുന്ന പാരലൽ യൂണിവേഴ്സ് എന്ന ശാസ്ത്ര സങ്കല്പത്തെ അടിസ്ഥാനമാക്കി സംവിധാനം ചെയ്തിരിക്കുന്ന ഈ ചിത്രം സയൻസ് ഫിക്ഷൻ ചിത്രങ്ങൾക്കിടയിൽ തികച്ചും വേറിട്ട ഒരു അനുഭവമായിരിക്കും .

🔹റേറ്റിംഗ് : 3.5/5 ( Mind Bending )

🔹പിൻകുറിപ്പ് : റേറ്റിംഗ് നോക്കി ഈ ചിത്രം കാണാനിരുന്ന് കിളി പോയവരുടെ ശ്രദ്ധക്ക് . ഒരു പ്രാവശ്യം കണ്ടതിന് ശേഷം ഗൂഗിളിൽ സെർച്ച് ചെയ്ത് ചിത്രം എങ്ങനെയാണ് കാണേണ്ടത് എന്ന് മനസ്സിലാക്കി വീണ്ടും കാണുക. ആദ്യകാഴ്ചയിൽ കാണാതിരുന്ന ചില പോയിന്റുകൾ അപ്പോൾ തെളിഞ്ഞു വരും. തുടക്കം മുതൽ അവസാനം വരെ ചിത്രത്തിന്റെ ഓരോ രംഗത്തും ഉപയോഗിച്ചിരിക്കുന്ന ചെറിയ വസ്തുക്കൾ പോലും കഥയെ മനസ്സിലാക്കാനുതകുന്ന രഹസ്യത്തിന്റെ താക്കോലുകൾ ആണെന്ന് ഓർക്കുക. Interstellar പോലുള്ള ചിത്രങ്ങൾ കണ്ട് ഒന്നും മനസ്സിലായില്ല എന്ന് പരിതപിക്കുന്നവർ ഈ ചിത്രം കാണാൻ ശ്രമിക്കാതിരിക്കുന്നതാവും നല്ലത് .
©PRADEEP V K

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s