3.5 Star (Good) · English · Fantasy · USA

98. EDWARD SCISSORHANDS (USA/FANTASY/1990)

🔹AMAZING CINEMA # 98

🔹MOVIE TITLE : EDWARD SCISSORHANDS (1990)
🔹 രാജ്യം : യു എസ് എ
🔹ഭാഷ : ഇംഗ്ലീഷ്
🔹വിഭാഗം : റൊമാൻറിക് / ഫാന്റസി
🔹സംവിധാനം : Tim Burton
🔹അഭിനേതാക്കൾ : Johnny Depp , Winona Ryder , Dianne Wiest

🔹കഥാ സംഗ്രഹം 🔹

▪ ആ ഗ്രാമത്തിലെ മലയുടെ മുകളിലുള്ള പ്രേത ഭവനം പോലെ തോന്നിക്കുന്ന ബംഗ്ലാവിലാണ് എഡ്വേർഡ് (Johnny Depp) താമസിക്കുന്നത് . പൂന്തോട്ടത്തിലെ ചെടികൾ എല്ലാം മനോഹരമായി വെട്ടിയുണ്ടാക്കിയ വിവിധ രൂപങ്ങൾ നിറഞ്ഞ ആ കെട്ടിടത്തിന് വെളിയിലുള്ള സ്ഥലങ്ങൾ ഇതുവരെ എഡ്വേർഡ് കണ്ടിട്ടില്ല .കാരണം അയാൾ ഒരു സാധാരണ മനുഷ്യനല്ല .ആ ബംഗ്ലാവിൽ താമസിച്ചിരുന്ന അരക്കിറുക്കനായ ഒരു ശാസ്ത്രജ്ഞന്റെ സൃഷ്ടിയാണ് അയാൾ .തന്റെ സൃഷ്ടി പൂർത്തിയാക്കുന്നതിന് മുമ്പ് ശാസ്ത്രജ്ഞൻ മരിച്ചു പോയി .അതുകൊണ്ട്  എഡ്വേർഡിന് കൈകളുടെ സ്ഥാനത്ത് പകരം മൂർച്ചയുള്ള കത്രികകളാണ് ഉള്ളത് .അങ്ങനെ അയാൾ എഡ്വേർഡ് സിസർഹാൻഡ്സ് ആയി .

▪  ഒരു ദിവസം പെഗ് ബോഗ്സ്(Dianne Wiest) എന്ന സെയിൽസ് വുമൺ ആ ബംഗ്ലാവിൽ എത്തുകയും എഡ്വേർഡിനെ കാണുകയും ചെയ്യുന്നു .ആദ്യം ഭയന്നെങ്കിലും നിഷ്കളങ്കനായ അയാളെ അവർ തന്റെ വീട്ടിലേക്ക് കൊണ്ടു പോകുന്നു . തന്റെ കത്രികക്കൈകൾ ഉപയോഗിച്ച് അതിവിദഗ്ദ്ധമായി ചെടികളിലും ഐസിലും മനോഹരമായ വിവിധ രൂപങ്ങൾ സൃഷ്ടിക്കുന്ന അയാൾ പെഗ് ബോഗ്സിന്റെ വീട്ടുകാർക്കും നാട്ടുകാർക്കും പ്രിയങ്കരനാവുന്നു . അയാളുടെ നന്മ നിറഞ്ഞ മനസ്സ് ബോഗ്സിന്റെ മകളായ കിമ്മിനെ (Winona Ryder) ആകർഷിക്കുന്നു .അത് കിമ്മിന്റെ കാമുകനെ എഡ്വേർഡിന്റെ ശത്രുവാക്കുന്നു .ഏതു വിധത്തിലും എഡ്വേർഡിനെ കിമ്മിന്റെ വീട്ടിൽ നിന്നും പുറത്താക്കാൻ അയാൾ കരുക്കൾ നീക്കുന്നു .

🔹സ്ക്രീനിന് പിന്നിൽ🔹

▪ ഫാൻറസി ചിത്രങ്ങളുടെ തമ്പുരാനായTim Burton ന്റെ സംവിധാനമികവ് തെളിയിക്കുന്ന ചിത്രമാണിത് .സ്ക്രീനിൽ എടുത്ത് ഫലിപ്പിക്കാൻ വളരെ ബുദ്ധിമുട്ടുള്ള ഒരു വിഷയം വളരെ രസകരമായി തന്നെ അവതരിപ്പിക്കാൻ അദ്ദേഹത്തിന് കഴിഞ്ഞിട്ടുണ്ട് . ചിത്രത്തിലെ മനോഹരമായ വിഷ്വൽസ് എടുത്ത് പറയേണ്ടതാണ് .എഡ്വേർഡ് ഐസ് കട്ട് ചെയ്ത് രൂപങ്ങളുണ്ടാക്കുന്ന രംഗം അതി മനോഹരമായി ചിത്രീകരിച്ചിരിക്കുന്നു .

🔹സ്ക്രീനിൽ🔹

▪ ടോം ക്രൂയിസ് ,ടോം ഹാങ്ക്സ്, ഗാരി ഓൾഡ്‌മാൻ തുടങ്ങി നിരവധി പ്രശസ്തരായ നടൻമാരെ പരിഗണിച്ചതിന് ശേഷമാണ് അന്ന് മുൻ നിരയിലേക്ക് എത്തിയിട്ടില്ലാത്ത ജോണി ഡെപ്പിന് നറുക്ക് വീണത് .അദ്ദേഹം എഡ്വേർഡ് സിസർഹാൻഡ്സ് എന്ന കഥാപാത്രം അവിസ്മരണീയമാക്കിത്തീർക്കുകയും അങ്ങനെ മികച്ച ഹോളിവുഡ് നടൻമാരുടെ നിരയിലേക്ക് ഉയരുകയും ചെയ്തു . നിരവധി മണിക്കൂർ കഷ്ടപ്പെട്ടിട്ടാണ് ഈ കഥാപാത്രത്തിന്റെ മേക്കപ്പ് ചെയ്തിരുന്നത് . എഡ്വേർഡ് എന്ന ഫാന്റസി കഥാപാത്രം പ്രേക്ഷകരുടെ മനസ്സിൽ എന്നുമുണ്ടാകും .

🔹വിധി നിർണയം🔹

▪ ഒരു ഫാന്റസി ചിത്രം നമ്മുടെ മനസ്സിൽ ഇടം നേടുന്നത് അപൂർവ്വമാണ് .വെറുതെ കണ്ട് മറക്കുക എന്നതിൽ കവിഞ്ഞ് മനസ്സിൽ ഒരു ചെറു നൊമ്പരം സൃഷ്ടിക്കാൻ ഈ ചിത്രത്തിന് കഴിഞ്ഞു . Beauty and The Beast എന്ന സങ്കല്പത്തിന്റെ മറ്റൊരു തലത്തിലുള്ള ആവിഷ്കാരമായി കാണാവുന്ന ഈ ചിത്രം എല്ലാ വിഭാഗത്തിലുള്ള പ്രേക്ഷകർക്കും പ്രിയപ്പെട്ടതാവുമെന്ന് ഉറപ്പാണ് .

🔹റേറ്റിംഗ് : 3.5/5 ( Good )

🔹പിൻകുറിപ്പ് : ചിത്രത്തിൽ എഡ്വേർഡ് നിർമ്മിക്കുന്ന ചെടികളിലുള്ള രൂപങ്ങൾ എല്ലാം യഥാർത്ഥ ചെടികൾക്ക് പകരം സിന്തറ്റിക് വസ്തുക്കൾ ഉപയോഗിച്ച് നിർമിച്ചവയാണ്.

©PRADEEP V K

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s