3.5 Star (Good) · Australia · English · Thriller · Zombie

238. CARGO (AUSTRALIA/ ZOMBIE THRILLER/2017)

🔺 “മനുഷ്യജീവൻ അപകടത്തിലാക്കുന്ന രക്ഷപെടാനാവാത്ത ഒരവസ്ഥയിൽ പെട്ടു പോകുമ്പോൾ നാമോരോരുത്തരും എന്തിനാവും ശ്രമിക്കുക? സ്വന്തം ജീവൻ എങ്ങനെയും രക്ഷിച്ച് അവിടെ നിന്നും രക്ഷപെടാനോ അതോ സ്വജീവൻ പണയം വെച്ച് പ്രിയപ്പെട്ടവരുടെ ജീവൻ രക്ഷിക്കാനോ?”

🔸MOVIE : CARGO (2017)
🔸COUNTRY : AUSTRALIA
🔸GENRE : ZOMBIE THRILLER
🔸DIRECTION : BEN HOWLING, YOLANDA RAMKE

🔻 ലോകമാകെ ഭീകരമായ ഒരു വൈറസിന്റെ പിടിയിലാണ്. ആ വൈറസ് ബാധിച്ചാൽ 48 മണിക്കൂറിനകം മനുഷ്യർ സോംബികളായി മാറും. അത്തരം ഒരവസ്ഥയിൽ പരസ്പരം തുണയായി ആൻഡിയും കേയും അവരുടെ കുഞ്ഞുമകൾ റോസിയും ഒരു ഹൗസ് ബോട്ടിൽ കഴിഞ്ഞുകൂടുന്നു. എന്നാൽ കൈവശമുള്ള ഭക്ഷണം തീരുന്നതോടെ മറ്റൊരു ബോട്ടിൽ നിന്ന് ഭക്ഷണം ശേഖരിക്കാൻ നിർബന്ധിതരാവുന്ന അവർക്ക് തങ്ങളെ കാത്തിരിക്കുന്ന ദുരന്തം മുൻകൂട്ടിക്കാണാനായില്ല. അതേ സമയം ഗോത്രവർഗക്കാരിയായ തൂമി എന്ന പെൺകുട്ടി സോംബി വൈറസ് ബാധിച്ച അച്ഛനെ സ്വന്തം ഗോത്രക്കാരിൽ നിന്നും രക്ഷിക്കാനുള്ള യാത്രയിലാണ്. ഇവർക്ക് രണ്ട് പേർക്കും സുരക്ഷിതമായി അപകടമില്ലാത്ത സ്ഥലത്ത് മറ്റ് മനുഷ്യരുടെ അടുത്ത് എത്താനാവുമോ എന്നാണ് ചിത്രം അന്വേഷിക്കുന്നത്.

🔺 സാധാരണ സോംബി ചിത്രങ്ങളുടെ പശ്ചാത്തലം തന്നെയാണ് ഇവിടെയും. പക്ഷേ മറ്റ് ചിത്രങ്ങളിലെ അതിജീവനത്തെക്കാൾ മറ്റുള്ളവരെ രക്ഷിക്കാനാണ് ഈ ചിത്രത്തിലെ പ്രധാന കഥാപാത്രങ്ങൾ ശ്രമിക്കുന്നത്. സാവധാനം ആരംഭിക്കുന്ന ചിത്രം കൈമാക്സിലേക്കടുക്കുമ്പോൾ ഒരു തുള്ളി കണ്ണീർ പൊഴിക്കാതെ കണ്ടു തീർക്കാനാവില്ല. മാർട്ടിൻ ഫ്രീമാന്റെ ഗംഭീര പെർഫോർമൻസ് ചിത്രത്തിൽ കാണാം. ട്രെയിൻ ടു ബുസാൻ എന്ന കൊറിയൻ ചിത്രത്തിന് ശേഷം ഇമോഷണലി ഒരു പാട് പിടിച്ചിരുത്തിയ മറ്റൊരു സോംബി ചിത്രമാണ് കാർഗോ. സോംബി ചിത്രമാണെന്ന് കരുതി അനാവശ്യമായ ബ്ലഡ് ആൻഡ് ഗോർ രംഗങ്ങളൊന്നും ചിത്രത്തിലില്ല. നെറ്റ് ഫ്ലിക്സ് വഴി പുറത്തിറക്കിയ ഈ ചിത്രം ഏവർക്കും മികച്ച ഒരനുഭവം പ്രദാനം ചെയ്യുമെന്ന് ഉറപ്പാണ്.

🔸RATING : 3.5/5 (GOOD)

Movie Review Post No.238
@ http://www.amazingcinemareviews.wordpress.com

©️ PRADEEP V K

Advertisements
3.5 Star (Good) · Australia · English · Science Fiction

237. UPGRADE (AUSTRALIA/SCIENCE FICTION/2018)

🔺 “മനുഷ്യനും മെഷീനുമായുള്ള അതിർവരമ്പ് യഥാർത്ഥത്തിൽ എവിടെയാണ്? മനുഷ്യന് മാത്രം സ്വന്തമായുള്ള സ്വയം ചിന്തിക്കാനും തീരുമാനമെടുക്കാനുമുള്ള കഴിവ് കൂടി മെഷീനിന് ലഭിച്ചാൽ ഇവരിൽ ആരാവും അന്തിമ വിജയി?”

🔸MOVIE : UPGRADE (2018)
🔸COUNTRY : AUSTRALIA/USA
🔸GENRE : SCIENCE FICTION
🔸DIRECTION : LEIGH WHANNEL

🔻 ലോകം സാങ്കേതികമായി വളരെയധികം വികസിച്ച് കഴിഞ്ഞ ഭാവികാലത്തിലാണ് ചിത്രത്തിന്റെ കഥ നടക്കുന്നത്. ഒരു ആക്സിഡൻറിൽ പെട്ട് കൈകാലുകൾ തളർന്ന് പോയ മെക്കാനിക്കായ ഗ്രേ മെഷീനുകളുടെ സഹായത്തോടെയാണ് ഇപ്പോൾ ജീവിക്കുന്നത്. ഒരു ദിവസം ഗ്രേയുടെ മുൻ കസ്റ്റമർ ആയിരുന്ന ഇറോൺ എന്ന എ.ഐ ഡെവലപ്പർ അദ്ദേഹത്തെ കാണാനെത്തുകയും താൻ നിർമ്മിച്ച പുതിയ ഒരു എ.ഐ ചിപ്പ് പരിചയപ്പെടുത്തുകയും ചെയ്യുന്നു. മനുഷ്യന്റെ തലച്ചോറിന് ചെയ്യാനാവുന്നതും അതിലധികവും കഴിവുകളുള്ള സ്റ്റെം എന്ന് വിളിക്കുന്ന ആ ചിപ്പിന് ഗ്രേയെ പഴയ അവസ്ഥയിൽ എത്തിക്കാൻ കഴിയുമെന്ന് ഇറോൺ അവകാശപ്പെടുന്നു. തന്റെ തലച്ചോറിന് പകരമായി സ്റ്റെം എന്ന എ.എ ചിപ്പിനെ ഉൾക്കൊള്ളാൻ ഗ്രേയുടെ ശരീരത്തിന് കഴിയുമോ?

🔺 ഒരു പാട് പ്രതീക്ഷകളൊന്നുമില്ലാതെ കണ്ട് തുടങ്ങുന്ന ചില ചിത്രങ്ങൾ ചിലപ്പോൾ നമ്മളെ ഞെട്ടിച്ചിരിക്കാം. അത്തരമൊരു ചിത്രമാണ് അപ്ഗ്രേഡ്. ബ്ലം ഹൗസ് പ്രൊഡക്ഷൻസിൽ നിന്നും ലെയ് വാനൽ സംവിധാനം ചെയ്ത ഈ ചിത്രം കണ്ട് തുടങ്ങുമ്പോൾ സോ പോലെ മറ്റൊരു ചിത്രം എന്നേ പ്രതീക്ഷിച്ചുള്ളു. പക്ഷേ അതൊന്നുമായിരുന്നില്ല ചിത്രം. പുതുമയുള്ള കഥയോടൊപ്പം നല്ല കിടിലൻ ആക്ഷൻ രംഗങ്ങളും നിറഞ്ഞ ഈ ചിത്രം മികച്ച ട്വിസ്റ്റുകൾ കൊണ്ടും ശ്രദ്ദേയമാണ്. മനുഷ്യനും മെഷീനുമായുള്ള സംഘർഷങ്ങളുടെ കഥകൾ പണ്ട് മുതൽ നിരവധി ചിത്രങ്ങൾക്ക് വിഷയമായിട്ടുണ്ടെങ്കിലും അതൊന്നും ഒട്ടും ബധിക്കാത്ത തരത്തിലാണ് സംവിധായകൻ സിനിമ ഒരുക്കിയിരിക്കുന്നത്. ഗ്രേ ആയെത്തിയ ലോഗൻ മാർഷൽ ഗ്രീനിന്റെ പെർഫോർമൻസ് എടുത്ത് പറയാതെ വയ്യ. സയൻസ് ഫിക്ഷൻ, ആക്ഷൻ സിനിമാ പ്രേമികളെ ഉറപ്പായും തൃപ്തിപ്പെടുത്തുന്ന ഈ ചിത്രം ഏവർക്കും ഇഷ്ടമാകുമെന്ന് പ്രതീക്ഷിക്കുന്നു.

🔸RATING : 3.5/5 (GOOD)

Movie Review Post No.237
@ http://www.amazingcinemareviews.wordpress.com

©️ PRADEEP V K