3.0 Star (Above Average) · Drama · No Dialogues · South Korea

244. MOEBIUS (SOUTH KOREA/DRAMA/2013)

🔺”I am the father, The mother is I, And the mother is the father”

🔸MOVIE : MOEBIUS (2013)
🔸COUNTRY : SOUTH KOREA
🔸GENRE : DRAMA
🔸DIRECTION : KIM KI DUK

🔻 വികാരങ്ങൾ കടിഞ്ഞാണില്ലാത്ത അശ്വങ്ങളെപ്പോലെയാണ്. അവയുടെ മുൻപിൽ രക്തബന്ധങ്ങൾക്കെന്ത് വില? അച്ഛനും അമ്മയും മകനും അടങ്ങുന്ന ഒരു കുടുംബം. അച്ഛന് മറ്റൊരു സ്ത്രീയുമായുള്ള ബന്ധം അമ്മയെ പ്രകോപിതയാക്കുമ്പോൾ മാറിമറിയുന്നത് മകന്റെ ജീവിതമാണ്. തീവ്രമായ വൈകാരിക മുഹൂർത്തങ്ങളിലൂടെ കണ്ടിരിക്കാൻ വളരെ ബുദ്ധിമുട്ടുള്ള രംഗങ്ങളിലൂടെ മനുഷ്യബന്ധങ്ങളുടെ ഇതുവരെ ആരും പറയാത്ത അല്ലെങ്കിൽ പറയാനിഷ്ടപ്പെടാത്ത കഥയാണ് കിം കി ഡുക്ക് മോബിയസ് എന്ന ചിത്രത്തിലൂടെ പറയുന്നത്.

🔺 കിം കി ഡുക്ക് ചിത്രങ്ങളിൽ ഏറ്റവും തീവ്രമായ വിഷയം കൈകാര്യം ചെയ്യുന്നത് മോബിയസ് ആണെന്ന് പറയാം. ചെറിയൊരു വിഭാഗം പ്രേക്ഷകർക്ക് മാത്രമേ ഈ ചിത്രം അത് ഉദ്ദേശിക്കുന്ന രീതിയിൽ കണ്ടിരിക്കാനാവൂ എന്നതും സത്യമാണ്. IFFK 2013 ൽ പ്രദർശിപ്പിച്ച ചിത്രം പങ്കെടുത്ത മേളകളിലെല്ലാം കാണികളെ വ്യത്യസ്ത ധ്രുവങ്ങളിലാക്കി. എന്നാൽ കിം ഇത്രയും കടുത്ത രംഗങ്ങളിലൂടെ പറയാനുദ്ദേശിച്ച കാര്യം അവസാനത്തെ ഒറ്റ രംഗത്തിൽ നിന്ന് മാത്രം മനസ്സിലാക്കാനാവും. ഒറ്റ ഡയലോഗ് പോലുമില്ലാതെ ഇത്തരമൊരു ചിത്രം അവതരിപ്പിക്കാനും അത് പ്രേക്ഷകരിലെത്തിക്കാനും കിം കി ഡുക്ക് എന്ന സംവിധായകന് മാത്രമേ കഴിയൂ. ഈ ചിത്രം നിർബന്ധമായും കാണേണ്ടതാണ് എന്നൊന്നും പറയുന്നില്ല. ചിത്രം കണ്ടിരിക്കാൻ കഴിയുന്നവരും താല്പര്യമുള്ളവരും മാത്രം കാണാൻ ശ്രമിക്കുക.

🔻RATING : 3/5

Movie Review Post No.244
@ http://www.amazingcinemareviews.wordpress.com
ചിത്രം ടെലഗ്രാം ചാനലിൽ ലഭ്യമാണ്
@ t.me/AmazingCinema

©️ PRADEEP V K

Advertisements
3.5 Star (Good) · Drama · Korean · South Korea

241. THE BOW (SOUTH KOREA/DRAMA/2005)

🔺 “Strength and a beautiful sound like in the tautness of a bow. I want to live like this until the day I die”

🔸MOVIE : THE BOW (2005)
🔸COUNTRY : SOUTH KOREA
🔸GENRE : DRAMA
🔸DIRECTION : KIM KI DUK

🔻 കായലിന് നടുവിലെ ഒരു പഴയ ബോട്ട്, അതിൽ താമസിക്കുന്ന രണ്ട് പേർ. ഒരാൾ ഒരു അറുപത് വയസ്കാരനും മറ്റേത് ഒരു പതിനാറ്കാരി സുന്ദരിയും. ആ ബോട്ടിലെത്തിയതിന് ശേഷം ഇന്ന് വരെ പെൺകുട്ടി പുറം ലോകം കണ്ടിട്ടേയില്ല. ബോട്ടിൽ വല്ലപ്പോഴും മീൻ പിടിക്കാനായി എത്തുന്ന ആൾക്കാരെ മാത്രമേ അവൾ കണ്ടിട്ടുള്ളു. അവളെ ആരെങ്കിലും ബുദ്ധിമുട്ടിക്കാൻ ശ്രമിച്ചാൽ അമ്പെയ്ത്തിൽ വിദഗ്ദ്ധനായ അയാളുടെ അമ്പുകളുടെ മൂർച്ച അവർ അറിഞ്ഞിരിക്കും. ആരാണ് അയാൾ? എന്തിനാണ് ആ പെൺകുട്ടിയെ അയാൾ ബോട്ടിൽ താമസിപ്പിച്ചിരിക്കുന്നത്? എന്താണ് അവർ തമ്മിലുള്ള ബന്ധം?

🔺 മുൻ ചിത്രങ്ങളിലെപ്പോലെ കിം കി ഡുക്ക് ഈ ചിത്രത്തിലും നമ്മെ വിസ്മയിപ്പിക്കുകയാണ്. തനിക്ക് മാത്രം സാധ്യമാവുന്ന ദൃശ്യങ്ങളിലൂടെ അതി വിചിത്രങ്ങളായ മനുഷ്യബന്ധങ്ങളിലേക്ക് അദ്ദേഹം നമ്മെ കൂട്ടിക്കൊണ്ട് പോകുന്നു. പ്രധാന കഥാപാത്രങ്ങൾ ചിത്രത്തിൽ സംസാരിക്കുന്നതേ ഇല്ല. എന്നാൽ സംഗീതത്തിലൂടെയും ദ്യശ്യങ്ങളുടെ മാസ്മരികതയിലൂടെയും അവർ നമ്മോട് സംവദിക്കുന്നു. കിം ചിത്രങ്ങളിലെ സ്ഥിരം ചേരുവയായ കടുത്ത വയലൻസോ സെക്സോ ഒന്നും ഈ ചിത്രത്തിലില്ല. കഥ അവസാനത്തേക്കടുക്കുമ്പോൾ അപ്രതീക്ഷിതമായ ചില വഴിത്തിരിവുകളിലൂടെ സത്യമെന്നോ തോന്നലെന്നോ തിരിച്ചറിയാനാവാത്ത കാഴ്ചകളാണ് മുന്നിൽ തെളിയുന്നത്. അല്ലെങ്കിലും മനുഷ്യ മനസ്സിലെ വികാര വിചാരങ്ങളുടെ തിരകൾ ആർക്കാണ് മുൻകൂട്ടി പ്രവചിക്കാനാവുക!

🔻RATING : 3.5/5 ( GOOD)

Movie Review Post No.241
@ http://www.amazingcinemareviews.wordpress.com

©️ PRADEEP V K

3.0 Star (Above Average) · Korean · South Korea · Thriller

232. OFFICE (SOUTH KOREA/THRILLER/2015)

🔺 കിം ബയോങ്ങ് ഓഫീസിലെ ഏറ്റവും മികച്ച ജീവനക്കാരിൽ ഒരാളായിരുന്നു. ഏറ്റെടുക്കുന്ന ജോലികളെല്ലാം ക്യത്യസമയത്ത് ചെയ്ത് തീർക്കാൻ എന്ത് കഷ്ടപ്പാടും സഹിക്കുന്ന കിം അന്നേ ദിവസം വളരെ നിരാശനായാണ് വീട്ടിലെത്തിയത്. പിറ്റേ ദിവസം ഓഫീസിലെ സുഹൃത്തുക്കൾ ആ വാർത്ത കേട്ട് ഞെട്ടിത്തരിച്ചു. പ്രായമായ അമ്മയും ഭാര്യയും മകനുമടങ്ങുന്ന തന്റെ കുടുംബത്തെ കിം ക്രൂരമായി കൊലപ്പെടുത്തിയെന്നതായിരുന്നു ആ വാർത്ത. സ്വതവേ സൗമ്യനും സന്തോഷവാനുമായിരുന്ന കിം എന്തിനായിരുന്നു ആ ക്രൂരകൃത്യം ചെയ്തത്?

🔸MOVIE : OFFICE (2015)
🔸COUNTRY : SOUTH KOREA
🔸GENRE : THRILLER
🔸DIRECTION : HONG WON CHAN

🔻 ത്രില്ലർ സിനിമകളുടെ തട്ടകമായ സൗത്ത് കൊറിയൻ സിനിമയിൽ നിന്ന് പ്രതീക്ഷയുണർത്തുന്ന പ്ലോട്ടുമായി വന്ന ഓഫീസ് എന്ന ചിത്രം ഒട്ടും നിരാശപ്പെടുത്തിയില്ല. നല്ല ഒരു വിഷയം മികച്ച അഭിനേതാക്കളിലൂടെ അവതരിപ്പിച്ചിരിക്കുന്ന ചിത്രത്തിൽ ഒരു അപ്രതീക്ഷിത ട്വിസ്റ്റും കരുതിയിട്ടുണ്ട്. സ്ഥിരമായി കൊറിയൻ ചിത്രങ്ങൾ കാണുന്നവർക്ക് വലിയ സംഭവമായി തോന്നില്ലെങ്കിലും ഒട്ടും ബോറടിക്കാതെ കണ്ടിരിക്കാവുന്ന ചിത്രമാണ് ഓഫീസ്. മറ്റൊരാളുടെ തകർച്ച സ്വന്തം വിജയമാകുന്ന ഈ കാലഘട്ടത്തിൽ ചിത്രത്തിൽ കാണുന്ന ഓഫീസും കഥാപാത്രങ്ങളും നമ്മളിൽ പലർക്കും റിലേറ്റ് ചെയ്യാൻ കഴിയുന്നതാണ് എന്നത് ഒരു പ്ലസ് പോയിൻറാണ്. ദി ഹോസ്റ്റ് എന്ന കൊറിയൻ മോൺസ്റ്റർ ചിത്രത്തിൽ ബാലനടിയായി അഭിനയിച്ച ഗോ ആ സങ്ങിന്റെ മികച്ച പെർഫോർമൻസ് ചിത്രത്തിൽ കാണാം. ത്രില്ലർ പ്രേമികൾ കാണാൻ മടിക്കണ്ട.

🔺RATING : 3/5

🔻Trivia : കൊറിയൻ ചിത്രങ്ങളിലെ പോലീസ് കഥാപാത്രങ്ങളെ കൂടുതലും കഴിവില്ലാത്തവരായി ചിത്രീകരിക്കുന്നത് എന്ത് കൊണ്ടാവാം? ലോകത്ത് ഏറ്റവും മികച്ച പൊലീസ് സംവിധാനമുള്ള രാജ്യങ്ങളിൽ ഒന്നാണ് സൗത്ത് കൊറിയ എന്നതും കൂടി അതോടൊപ്പം ഓർക്കേണ്ടതുണ്ട്.

Movie Review Post No. 232
@ http://www.amazingcinemareviews.wordpress.com

©️ PRADEEP V K

3.0 Star (Above Average) · Horror · Korean · South Korea

214. THE MIMIC (SOUTH KOREA/HORROR/2017)

🔸 THE MIMIC (2017)🔸Korean/Horror

🔺There is an urban legend in Korea about a man eating mythical creature named Jangsan Tiger, which can lure people by mimicking human voices. The 2017 Korean horror flick THE MIMIC is based on this legend. A mother who is still traumatized by the disappearance of her toddler son years ago moved to her old house in the countryside with her family. One day she finds a little girl in the nearby forest who has the similar voice as her missing son and strange things began to happen in their life.

🔸The movie starts with a rather slow note and it’s finest moments are in the starting of the second half. There are some really creepy and terrifying moments in the film but the ending of the film is not so satisfying and typical. Anyway the movie has its moments which can satisfy a horror seeking viewer.

🔻Rating : 3/5 ( Korean Horror Meets Urban Legend )

©️ PRADEEP V K

3.0 Star (Above Average) · Korean · Psychological · South Korea · Thriller

183. BLUEBEARD (KOREA/PSYCHOLOGICAL THRILLER/2017)

🔰ഹാൻ നദീതീരത്തുള്ള ആ ചെറുപട്ടണം വർഷങ്ങൾക്ക് മുമ്പ് തെളിയിക്കപ്പെടാത്ത നിരവധി കൊലപാതകങ്ങൾക്ക് സാക്ഷിയായിരുന്നു. ഹാൻ നദിയിലെ മഞ്ഞുരുകുമ്പോൾ പൊങ്ങി വരുന്ന തലയില്ലാത്ത ശവശരീരങ്ങൾ ആരുടേതാണെന്നോ ആര് കൊലപ്പെടുത്തിയതാണെന്നോ കണ്ടെത്താൻ അന്ന് പോലീസിന് കഴിഞ്ഞിരുന്നില്ല. വർഷങ്ങൾക്കിപ്പുറം പട്ടണം വളർന്നതോടെ കൊലപാതക കഥകളും ജനങ്ങൾ മറന്നു. ആയിടക്ക് നഗരത്തിലെ ക്ലിനിക്കിൽ പുതിയതായെത്തിയ ഡോക്ടർ അബോധാവസ്ഥയിൽ ഒരു രോഗി പറയുന്ന കാര്യങ്ങൾക്ക് പണ്ട് നടന്ന കൊലപാതകങ്ങളുമായി ബന്ധമുണ്ടെന്ന് സംശയിക്കുന്നു. അതോടൊപ്പം ഹാൻ നദിയിൽ തലയില്ലാത്ത മറ്റൊരു മൃതദേഹം കൂടി കണ്ടെത്തുന്നതോടെ ഡോക്ടറുടെ സംശയങ്ങൾ ബലപ്പെടുന്നു.

183) BLUE BEARD (2017)🔸Korean | Psychological Thriller🔸

🔰കൊറിയൻ സിനിമകളിലെ കഥാപാത്രങ്ങൾ മാത്രം ജീവിക്കുന്ന ഒരു നാട്ടിൽ ചെന്ന് വെറുതെ ഒരു കല്ലെടുത്തെറിഞ്ഞാൽ ഉറപ്പായും ഒരു സൈക്കോപാത്ത് സീരിയൽ കില്ലറിനോ അല്ലെങ്കിൽ പോലീസുകാരനോ കൊള്ളും എന്ന് പറഞ്ഞാൽ അത് അതിശയോക്തി ആവില്ല. കാരണം അത്രയ്ക്കുണ്ട് കൊറിയൻ സിനിമകളിൽ അവരുടെ സാന്നിദ്ധ്യം .എങ്കിലും എത്ര സിനിമകളിൽ വന്നാലും വീണ്ടും മടുപ്പിക്കാതെ പുതുമയോടെ പ്രേക്ഷകരെ പിടിച്ചിരുത്തുന്ന വിധത്തിൽ അത്തരം വിഷയങ്ങൾ അവതരിപ്പിക്കാൻ കഴിയുന്നിടത്താണ് അവയുടെ വിജയം. എന്താണ് യഥാർത്ഥത്തിൽ സംഭവിക്കുന്നത് എന്ന ക്ലൂ അവസാനം വരെ പ്രേക്ഷകന് നല്കാതെ സസ്പെൻസ് നിലനിർത്തിക്കൊണ്ട് തന്നെയാണ് ഈ ചിത്രവും മുന്നോട്ട് പോകുന്നത്. മികച്ച തിരക്കഥയും നായകനടൻ ചോ ജിൻ വൂങ്ങിന്റെ പെർഫോർമൻസും അതിന് തുണയായി. കണ്ട് നോക്കാവുന്ന നല്ലൊരു സൈക്കോളജിക്കൽ ത്രില്ലർ തന്നെയാണ് ഈ കൊറിയൻ ചിത്രം.

🔸RATING : 3.25/5

©️ PRADEEP V K

3.5 Star (Good) · Drama · Korean · South Korea

129. THE ISLE (SOUTH KOREA/DRAMA/2000)

129. THE ISLE (SOUTH KOREA/KOREAN/2000/ Art House Drama/90 Min/Dir: Kim Ki-duk /Stars: Suh Jung, Kim Yu-seok)

🔹 SYNOPSIS 🔹

 

▪ തന്റെ പരീക്ഷണാത്മക ചിത്രങ്ങളിലൂടെ ലോകമെമ്പാടുമുള്ള സിനിമാ പ്രേമികളുടെ പ്രിയങ്കരനായി മാറിയ സൗത്ത് കൊറിയൻ സംവിധായകൻ കിം കി ഡുക്കിന് ലോക സിനിമാ ഭൂപടത്തിൽ ശ്രദ്ദേയമായ സ്ഥാനം നേടിക്കൊടുത്ത ചിത്രമാണ് The Isle.  ഊമയായ ഹീ ജിൻ ഒരു ഫിഷിങ്ങ് റിസോർട്ടിന്റെ നടത്തിപ്പുകാരിയാണ് .വാടകക്ക് നല്കുന്ന ചെറിയ ഫ്ലോട്ടിങ്ങ് കോട്ടേജുകളിലേക്ക് തന്റെ ബോട്ടിൽ താമസക്കാരെ എത്തിക്കുകയും അവർക്ക് വേണ്ട സഹായങ്ങൾ എല്ലാം ചെയ്തു കൊടുക്കുന്നതുമാണ് അവളുടെ ജോലി .ഒരു ദിവസം ഹയോൻ ഷിക്ക് എന്ന ക്രിമിനൽ അവിടെ താമസത്തിന് വരികയും അവർ തമ്മിൽ ഒരു പ്രത്യേക ബന്ധം ഉടലെടുക്കുകയും ചെയ്യുന്നു . അവർക്കിടയിലേക്ക്  ഹയോൺ ഷിക്കിനെ സ്ഥിരമായി കാണാനെത്തുന്ന ഒരു പ്രോസ്റ്റിറ്റ്യൂട്ട് കൂടി എത്തുന്നതോടെ കഥ മറ്റൊരു തലത്തിലേക്ക് വഴി മാറുന്നു .

▪പൂർണമായും ഒരു കിം കി ഡുക്ക് ശൈലിയിലുള്ള ചിത്രം എന്ന് ഇതിനെ വിശേഷിപ്പിക്കാം . സാധാരണ ചിത്രങ്ങളിൽ നിന്ന് വിഭിന്നമായ സ്വഭാവ സവിശേഷതകളുള്ള കഥാപാത്രങ്ങളെ ഈ ചിത്രത്തിൽ കാണാം .മൃഗങ്ങളോടുള്ള ക്രൂരതയും ഫിഷ് ഹൂക്ക് ഉപയോഗിച്ചുള്ള ആത്മഹത്യാശ്രമങ്ങളും കണ്ടിരിക്കാൻ എല്ലാവർക്കുമാകില്ല .വെനീസ് ഫിലിം ഫെസ്റ്റിവലിൽ ചിത്രം പ്രദർശിപ്പിച്ചപ്പോൾ നിരവധി പേർ ഛർദിക്കുകയും ബോധം കെടുകയും ചെയ്തിരുന്നു . കിം കി ഡുക്ക് എന്ന സംവിധായകന് മാത്രം സാധ്യമാകുന്ന ഇത്തരം ഒരു ചിത്രം അദ്ദേഹത്തിന്റെ മറ്റ് ചിത്രങ്ങൾ ഇഷ്ടപ്പെടുന്നവർ ഒരിക്കലും ഒഴിവാക്കാൻ പാടില്ലാത്തതാണ്. എന്നാൽ എല്ലാത്തരം പ്രേക്ഷകർക്കും ഒരു പോലെ കാണാനാവുന്ന ഒന്നല്ല ഈ ചിത്രം എന്ന് പ്രത്യേകം ഓർക്കുക .

VERDICT : GOOD ( A Haunting And Brutal Film With Unconventional Imagery – Not Everyone’s Cup of Tea )

©PRADEEP V K (AMAZING CINEMA)

4.0 Star (Very Good) · Drama · Korean · South Korea

125. THE CRUCIBLE (SOUTH KOREA/DRAMA/2011)

125. THE CRUCIBLE ( SILENCED ) (SOUTH KOREA/KOREAN/2011/ Drama/125 Min/Dir: Hwang Dong-hyuk/Stars: Gong Yoo, Jung Yu-mi, Kim Hyun-soo, Jung In-seo, Baek Seung-hwan)

🔹SYNOPSIS 🔹

▪ ഒരു കലാരൂപം എന്ന നിലയിലും  വിനോദോപാദി എന്ന നിലയിലും സിനിമകൾ ശ്രദ്ധിക്കപ്പെടാറുണ്ടെങ്കിലും സമൂഹത്തിലും നിയമ വ്യവസ്ഥയിലും കാതലായ മാറ്റങ്ങൾ വരുത്താൻ കഴിഞ്ഞ സിനിമകൾ ലോക സിനിമാ  ചരിത്രത്തിൽ  തന്നെ അപൂർവ്വമാണ് . സെൻസിറ്റീവ് ആയ വിഷയങ്ങൾ കൈകാര്യം ചെയ്യുമ്പോൾ നേരിട്ട് ഒന്നും പറയാതെ ആരെയും കുറ്റപ്പെടുത്താതെ പൂർണമായും സിനിമാറ്റിക് ആയാണ് സാധാരണ സിനിമകളിൽ പ്രത്യേകിച്ച് ഇന്ത്യൻ സിനിമകളിൽ ചിത്രീകരിക്കുന്നത് .എന്നാൽ അവയിൽ നിന്നെല്ലാം വിഭിന്നമായി യഥാർത്ഥത്തിൽ  സംഭവിച്ച ആരിലും ഞെട്ടലുളവാക്കുന്ന ഒരു വിഷയം അതിന്റെ തീവ്രത ഒട്ടും തന്നെ ചോർന്നു പോകാതെ ആരെയും രക്ഷിക്കാൻ ശ്രമിക്കാതെ വിട്ടുവീഴ്ച ഒട്ടും തന്നെ ഇല്ലാതെ അവതരിപ്പിച്ചിരിക്കുകയാണ് THE CRUCIBLE ( International Title : SILENCED ) എന്ന സൗത്ത് കൊറിയൻ ചിത്രത്തിൽ .

▪സൗത്ത് കൊറിയയിൽ നടന്ന ഒരു യഥാർത്ഥ സംഭവത്തെ ആധാരമാക്കി Gong Ji-young എഴുതിയ The Crucible എന്ന നോവലിനെ ആധാരമാക്കിയാണ് ഈ ചിത്രം സംവിധാനം ചെയ്തിരിക്കുന്നത് .കാങ്ങ് ഇൻ ഹോ (Gong Yoo) യൂജിനിൽ ബധിര മൂക വിദ്യാർത്ഥികൾക്കായുള്ള ഒരു സ്കൂളിൽ പുതിയതായി വന്ന അധ്യാപകനാണ് . എന്നാൽ തന്റെ ക്ലാസിലുള്ള ചില കുട്ടികളിൽ എന്തോ ഭയം ഉള്ളതായും അവർ എല്ലാവരിൽ നിന്നും  അകന്ന് നില്ക്കാൻ ശ്രമിക്കുന്നതായും കാങ്ങിന് അനുഭവപ്പെടുന്നു .അദ്ധ്യാപകരുടെ റൂമിൽ വച്ച് ഒരു കുട്ടിയെ അതിക്രൂരമായി മർദ്ദിക്കുന്നതും രാത്രിയിൽ സ്കൂളിൽ നിന്ന് കേൾക്കുന്ന നിലവിളികളും പ്രിൻസിപ്പലിന്റെ അസ്വാഭാവികമായ പെരുമാറ്റവും എല്ലാം ശ്രദ്ധയിൽപ്പെട്ട കാങ്ങ് അവിടെ എന്തൊക്കെയോ അരുതാത്തത് നടക്കുന്നുണ്ടെന്ന് സംശയിക്കുന്നു .ഒരു ദിവസം മർദ്ദനത്തിനിരയായ ഇയോൻ ഡോ (Kim Hyun-soo) എന്ന പെൺകുട്ടിയെ സുഹൃത്തായ മനുഷ്യാവകാശ പ്രവർത്തക സിയോ യൂജിന്റെ (Jung Yu-mi) സഹായത്തോടെ ഹോസ്പിറ്റലിലെത്തിക്കുന്ന അദ്ദേഹം മനസാക്ഷിയെ മരവിപ്പിക്കുന്ന ചില സത്യങ്ങൾ മനസ്സിലാക്കുന്നു . സമാനമായ അനുഭവങ്ങൾ മറ്റ് കുട്ടികളായ യൂറി (Jung In-seo) , മിൻ സൂ (Baek Seung-hwan) എന്നിവർക്കും ഉണ്ടായതായി മനസ്സിലാക്കുന്ന കാങ്ങ് പ്രിൻസിപ്പലിനും അദ്ധ്യാപകർക്കും എതിരെ നിയമ നടപടിക്ക് ഒരുങ്ങുന്നതും അതിനോടുള്ള മതനേതാക്കൻമാരുടേയും പോലീസിന്റെയും കോടതിയുടേയും  പ്രതികരണവുമാണ്  ചിത്രം പറയുന്നത് .

▪Train To Busan എന്ന ചിത്രത്തിലൂടെ ഏവർക്കും പരിചിതനായ Gong Yoo , കാങ്ങ് ഇൻ ഹോ എന്ന അദ്ധ്യാപകനായി മികച്ച പ്രകടനം തന്നെ കാഴ്ച വച്ചു . മൂന്ന് കുട്ടികളുടെയും പെർഫോർമൻസ് അതിഗംഭീരം എന്നേ പറയാനാവൂ . ആ കുട്ടികളുടെ നിശബ്ദമായ നിലവിളി ഇപ്പോഴും ഹൃദയത്തെ കൊളുത്തി വലിക്കുന്നു . ചിത്രത്തിലെ പല രംഗങ്ങളിലും  അറിയാതെ നിങ്ങൾ സ്ക്രീനിൽ നിന്നു തല ചെരിച്ചു പോകുമെന്ന് ഉറപ്പാണ്. ചിത്രം മുഴുവനും കണ്ട് നിറകണ്ണുകളോടെ എഴുന്നേല്ക്കുന്ന നിങ്ങൾ കുഞ്ഞുങ്ങളുണ്ടെങ്കിൽ അവരുടെ അടുത്തേക്കാവും  ആദ്യം ഓടിയെത്തുക എന്നത് തീർച്ചയാണ് .തന്റെ രണ്ടാമത്തെ ഫീച്ചർ ഫിലിമിന് ഇത്രയും മികച്ച ഒരു വിഷയം തിരഞ്ഞെടുക്കുകയും അത് വിട്ടുവീഴ്ച യേതുമില്ലാതെ ചിത്രീകരിക്കുകയും അത് വഴി നിയമ സംവിധാനത്തിന് വരെ മാറ്റം വരുത്താൻ കാരണക്കാരനുമായ  സംവിധായകൻ Hwang Dong-hyuk ന് അഭിനന്ദനങ്ങൾ .സിനിമയെ വെറും വിനോദോപാദി മാത്രമായി കണ്ട് ആരുടേയും എതിർപ്പ് പിടിച്ചുപറ്റാതെ ഏറ്റവും സുരക്ഷിത പാതയിൽ മാത്രം യാത്ര ചെയ്യുന്ന നമ്മുടെ പല മുൻനിര സംവിധായകരും ഇദ്ദേഹത്തെപ്പോലുള്ളവരെ കണ്ട് പഠിക്കണം .

▪കേരളത്തിൽ അടുത്ത കാലത്ത് നടന്ന ചില സംഭവങ്ങളുമായി  ചിത്രത്തിന് സാമ്യമുണ്ട് .പ്രതികരണ ശേഷി  പോലും ഇല്ലാത്ത കൊച്ചു കുട്ടികളുടെ നേർക്ക് കാണിക്കുന്ന ക്രൂരതക്ക് എന്ത് ശിക്ഷയാണ് അവർക്ക് ലഭിച്ചതെന്ന് നമുക്കറിയാം . ശക്തമായ നിയമ സംവിധാനങ്ങളുള്ള സൗത്ത് കൊറിയ പോലൊരു രാജ്യത്ത് ഇങ്ങനെ സംഭവിച്ചുവെന്ന് വിശ്വസിക്കാനാവുന്നില്ല .യഥാർത്ഥ സംഭവത്തിൽ നിയമത്തിന്റെ പഴുതുകളും Statute of Limitations ഉം ഉപയോഗപ്പെടുത്തി വളരെ ചെറിയ ശിക്ഷ മാത്രം നേടി കുറ്റവാളികൾ രക്ഷപ്പെട്ടിരുന്നു .എന്നാൽ ഈ ചിത്രം സൗത്ത് കൊറിയയിൽ വൻ ജനപ്രക്ഷോഭത്തിന് വഴിവെക്കുകയും  അത് കേസ് റീ ഓപ്പൺ ചെയ്യാനും അപ്പോഴും പ്രവർത്തിച്ചുകൊണ്ടിരുന്ന സംഭവം നടന്ന സ്കൂൾ പൂട്ടാനും കുറ്റവാളികൾക്ക് കൂടുതൽ ശിക്ഷ ലഭിക്കാനും കാരണമായി .അതു പോലെ പ്രായപൂർത്തിയാവാത്തവർക്ക്  എതിരെയുള്ള പീഡനങ്ങളിൽ Statute of Limitations ബാധകമല്ലാതാക്കി നിയമം പരിഷ്കരിക്കുകയും  ചെയ്തു . സിനിമ എന്ന മാദ്ധ്യമത്തിന് സമൂഹത്തിൽ ശക്തമായ ഇടപെടലുകൾ നടത്താനാവുമെന്നതിന്റെ ഉത്തമോദാഹരണമാണ് ഈ ചിത്രം .

 

🔹VERDICT :  VERY GOOD ( Shockingly Real and Powerful )

©PRADEEP V K (AMAZING CINEMA)