4.0 Star (Very Good) · Drama · English · Psychological · USA

265. WE NEED TO TALK ABOUT KEVIN (USA/PSYCHOLOGICAL DRAMA/2011)

265. WE NEED TO TALK ABOUT KEVIN ( USA/ENGLISH/PSYCHOLOGICAL DRAMA/2011/DIR: LYNNE RAMSAY)

▪️അച്ഛനും സഹോദരിക്കും സുഹൃത്തുക്കൾക്കും സമൂഹത്തിനും കെവിൻ ഒരു സാധാരണ കൗമാരക്കാരൻ മാത്രമായിരുന്നു.എന്നാൽ അമ്മ ഈവയ്ക്ക് മാത്രമേ മറ്റാർക്കുമറിയാത്ത കെവിന്റെ മറ്റൊരു മുഖം അറിയാമായിരുന്നുള്ളു. കൈക്കുഞ്ഞായിരുന്നപ്പോൾ നിർത്താതെ കരഞ്ഞ് അമ്മയുടെ ഉറക്കം നഷ്ടപ്പെടുത്തിയ വലുതായിട്ടും പോട്ടി ഉപയോഗിക്കാൻ തയ്യാറാവാത്ത അമ്മ പറയുന്ന ഒന്നും അനുസരിക്കാത്ത അമ്മയുടെ സ്നേഹത്തിന് ഒരു വിലയും നല്കാത്ത കെവിൻ അച്ഛന്റെ മുന്നിൽ പുന്നാര മകനായിരുന്നു. എന്നാൽ അതെല്ലാം ഒരു കൊച്ചു കുട്ടിയുടെ വികൃതി മാത്രമാണെന്ന് എല്ലാവരും പറഞ്ഞത് വിശ്വസിക്കാൻ ശ്രമിച്ച ഈവ വളരുമ്പോൾ അവൻ ചെയ്യാൻ പോകുന്നതെന്താണെന്ന് വിദൂര സ്വപ്നത്തിൽ പോലും കരുതായിരുന്നില്ല.

▪️സാഡിസ്റ്റുകളായ മുതിർന്ന മനുഷ്യരുടെ നിരവധി കഥകൾ നാം സിനിമകളിൽ കണ്ടിട്ടുണ്ട്. എന്നാൽ ജനിച്ചപ്പോൾ മുതൽ സാഡിസ്റ്റായ ഒരു കുട്ടിയെ സങ്കല്പിക്കാൻ സാധിക്കുമോ? എങ്കിൽ അതാണ് കെവിൻ . ദി ഒമൻ, ഓർഫൻ, ദി ഹണ്ട് തുടങ്ങിയ ചിത്രങ്ങളിൽ കുട്ടികളിലെ നെഗറ്റീവ് സൈഡ് പ്രമേയമാക്കിയിട്ടുണ്ടെങ്കിലും അവയെക്കാളേറേ വല്ലാത്ത ഒരു ഞെട്ടൽ സമ്മാനിക്കുന്നതാണ് ഈ ചിത്രം. ഭൂതകാലവും വർത്തമാനകാലവും ഇഴപിരിഞ്ഞ് നീങ്ങുന്ന ചിത്രത്തിൽ ഈവയുടെ ഓർമ്മകളിലൂടെയാണ് കഥ വികസിക്കുന്നത്. ഈവയായി ടിൽഡ സ്വിൻടൻ അവരുടെ കരിയറിലെ തന്നെ ഏറ്റവും മികച്ച പ്രകടനമാണ് കാഴ്ച വച്ചിരിക്കുന്നത്. കഥാപാത്രം അനുഭവിക്കുന്ന മാനസിക സംഘർഷങ്ങൾ അമിതാഭിനയമില്ലാതെ മനോഹരമായി അവർ അവതരിപ്പിച്ചിട്ടുണ്ട്.

▪️കെവിൻ എന്ന ടൈറ്റിൽ കഥാപാത്രത്തിന്റെ കൗമാരപ്രായം അവതരിപ്പിച്ചിരിക്കുന്ന എസ്ര മില്ലർ കഥാപാത്രത്തിന്റെ മാനറിസങ്ങൾ ഭംഗിയാക്കിയപ്പോൾ ബാല്യകാലം അവതരിപ്പിച്ച കുട്ടി ഞെട്ടിച്ചു എന്ന് പറയാം. സാധാരണ ആ പ്രായത്തിലുള്ള കുട്ടിയിൽ നിന്നും പ്രതീക്ഷിക്കാത്ത പെരുമാറ്റവും ഭാവപ്രകടനങ്ങളുമായിരുന്നു ആ രംഗങ്ങളിൽ കണ്ടത്. ഇതേ പേരിലുള്ള നോവലിനെ ആധാരമാക്കിയാണ് സംവിധായിക ലിന്നി റാംസേ ചിത്രത്തിന്റെ തിരക്കഥ തയാറാക്കിയിരിക്കുന്നത്. ഇത്രയും ശക്തമായ വിഷയം അതിന്റെ തീവ്രത ഒട്ടും ചോരാതെ സിനിമയാക്കിയ ലിന്നി റാംസേ തീർച്ചയായും കയ്യടി അർഹിക്കുന്നുണ്ട്. സുഖമായി കണ്ട് തീർക്കാവുന്ന ഒരു ചിത്രമല്ലിത്. ത്രില്ലർ ചിത്ര പ്രേമികളും വേഗതയുള്ള ചിത്രങ്ങൾ മാത്രം ഇഷ്ടപ്പെടുന്നവർക്കും ഉള്ളതല്ല ഈ ചിത്രം.

▪️RATING : 3.75/5 (GOOD)

കൂടുതൽ സിനിമാ റിവ്യൂകൾക്ക് ബ്ലോഗ് സന്ദർശിക്കുക
@ http://www.amazingcinemareviews.wordpress.com

ചിത്രം ടെലഗ്രാം ചാനലിൽ ലഭ്യമാണ്
@ https://t.me/AmazingCinema

©️ PRADEEP V K

Advertisements
4.0 Star (Very Good) · Anthology · English · USA · Western

264. THE BALLAD OF BUSTER SCRUGGS (USA/WESTERN ANTHOLOGY/2018)

#IFFK2018REVIEWS

264. THE BALLAD OF BUSTER SCRUGGS ( USA/ENGLISH/WESTERN ANTHOLOGY/2018/DIR: COEN BROTHERS )

▪️ഫർഗോ, നോ കൺട്രി ഫോർ ഓൾഡ് മെൻ, ട്രൂ ഗ്രിറ്റ് തുടങ്ങി നിരവധി പ്രശസ്ത ചിത്രങ്ങളുടെ സംവിധായകരായ കോയൻ ബ്രദേഴ്സിന്റെ പുതിയ ചിത്രമാണ് ദി ബലാദ് ഓഫ് ബസ്റ്റർ സ്ട്രഗ്സ്. ആറ് ചെറു ചിത്രങ്ങളടങ്ങിയ ഒരു വെസ്‌റ്റേൺ ആന്തോളജിയാണ് ഈ ചിത്രം. 25 വർഷങ്ങളുടെ കാലയളവിൽ ജോയൽ കോയനും ഈഥൻ കോയനും എഴുതിയ ചെറുകഥകൾ ആധാരമാക്കിയ ചിത്രത്തിലെ ആറ് കഥകളും വെസ്റ്റേൺ പശ്ചാത്തലത്തിലുള്ളതാണല്ലാതെ തമ്മിൽ മറ്റ് ബന്ധങ്ങളൊന്നുമില്ല.

▪️ആറ് ചിത്രങ്ങളും ഇഷ്ടമായെങ്കിലും പാട്ടു പാടുന്ന രസികനായ ബസ്റ്റർ സ്ട്രഗ്സ് എന്ന കൗബോയുടെ കഥ പറയുന്ന ബലാദ് ഓഫ് ബസ്റ്റർ സ്ട്രഗ്സ് എന്ന ആദ്യ കഥ തന്നെയാണ് ഏറ്റവും പ്രിയപ്പെട്ടത്. കൈകാലുകളില്ലാത്ത ചെറുപ്പക്കാരനായ ആർട്ടിസ്റ്റിനെ കൊണ്ട് നടന്ന് പരിപാടികൾ അവതരിപ്പിച്ച് ഉപജീവനം നടത്തുന്ന മധ്യവയസ്കന്റെ കഥ പറയുന്ന മീൽ ടിക്കറ്റ് മറ്റ് കഥകളിൽ നിന്നും വ്യത്യസ്തമായി. ഒറ്റയ്ക്ക് ബാങ്ക് കൊള്ളയടിക്കാൻ പോയി പിടിക്കപ്പെടുന്ന ചെറുപ്പക്കാരന്റെ കഥ പറയുന്ന നിയർ അൽഗഡോൺസ്, സ്വർണം തേടി മലയടിവാരത്തിലെത്തുന്ന വയസ്സന്റെ കഥ പറയുന്ന ആൾ ഗോൾഡ് കാന്യൺ, വാഗൺ ട്രയിനിൽ ഓറിഗോണിലേക്ക് സഹോദരനോടൊപ്പം പുറപ്പെടുന്ന പെൺകുട്ടിയുടെ കഥ പറയുന്ന ദി ഗാൾ ഹു ഗോട്ട് റാറ്റിൽഡ്, കുതിരവണ്ടിയിൽ ഒന്നിച്ച് യാത്ര ചെയ്യേണ്ടി വരുന്ന അഞ്ച് അപരിചിതരുടെ കഥ പറഞ്ഞ ദി മോർട്ടൽ റിമൈൻസ് തുടങ്ങിയവയായിരുന്നു മറ്റ് ചിത്രങ്ങൾ.

▪️എല്ലാ ചിത്രങ്ങളിലും അപ്രതീക്ഷിതമായി പ്രേക്ഷകനെ ഞെട്ടിക്കുന്ന ഒരു ട്വിസ്റ്റ് സംവിധായകർ കരുതിവച്ചിട്ടുണ്ട്. ഇഷ്ട ചിത്രങ്ങളുടെ പട്ടികയിൽ വ്യതിയാനങ്ങളുണ്ടാവാമെങ്കിലും ഓരോ ചിത്രവും വ്യത്യസ്തവും മനോഹരവുമായിരുന്നു എന്നത് തന്നെയാണ് ഏറ്റവും ശ്രദ്ദേയമായ വസ്തുത. നെറ്റ്ഫ്ലിക്സിലൂടെ പ്രദർശനത്തിനെത്തിയ ഈ ചിത്രം വെസ്റ്റേൺ കഥാപശ്ചാത്തലത്തിലുള്ള ചിത്രങ്ങൾ പരിചിതരായവർക്ക് ഇഷ്ടമാകുമെന്നതിൽ സംശയമില്ല.

▪️RATING : 4/5 (VERY GOOD)

കൂടുതൽ സിനിമാ റിവ്യൂകൾക്ക് ബ്ലോഗ് സന്ദർശിക്കുക
@ http://www.amazingcinemareviews.wordpress.com

ചിത്രം ടെലഗ്രാം ചാനലിൽ ലഭ്യമാണ്
@ https://t.me/AmazingCinema

©️ PRADEEP V K

3.0 Star (Above Average) · English · Thriller · USA

249. HOLD THE DARK (USA/THRILLER/2018)

🔺 “അവിടെ മനുഷ്യർ കൊല്ലപ്പെടുന്നത് ആദ്യമായല്ല. ആ കുന്നിൻ പ്രദേശം മുഴുവൻ മനുഷ്യശരീരാവശിഷ്ടങ്ങൾ കൊണ്ട് നിറഞ്ഞിരിക്കുകയാണ്!”

🔸MOVIE : HOLD THE DARK (2018)
🔸COUNTRY : USA (ENGLISH)
🔸GENRE : THRILLER
🔸DIRECTION : JEREMY SAULNIER
🔸STARRING : JEFFREY WRIGHT, ALEXANDER SKARSGARD

🔻 അലാസ്കയിലെ മഞ്ഞ് മൂടിയ ആ താഴ്‌വരയിലേക്ക് ചെന്നായ വേട്ടക്കാരനായ റസ്സൽ കോർ എത്തിയത് മെഡോറയുടെ അഭ്യർത്ഥന മാനിച്ചാണ്. മറ്റ് നിരവധി കുട്ടികളെപ്പോലെ തന്റെ മകൻ ബെയ്ലിയും ചെന്നായ്ക്കളുടെ പിടിയലകപ്പെട്ടതോടെ കോറിന്റെ സഹായം തേടുകയല്ലാതെ മെഡോറക്ക് മറ്റ് വഴികളൊന്നുമില്ലായിരുന്നു. എന്നാൽ ആ ഗ്രാമത്തിലെത്തിയ കോർ താൻ ഒട്ടും പ്രതീക്ഷിക്കാത്ത സംഭവങ്ങൾക്കാണ് സാക്ഷിയാകുന്നത്. ഇറാഖിലെ യുദ്ധമുഖത്ത് നിന്നും മെഡോറയുടെ ഭർത്താവായ വെർണൻ സ്ലോൺ കൂടി എത്തുന്നതോടെ ഉത്തരമില്ലാത്ത ചോദ്യങ്ങളുടെ പട്ടിക വലുതാകുന്നു.

🔺 മികച്ച പ്രേക്ഷകാഭിപ്രായം നേടിയ ബ്ലൂ റൂയിൻ, ഗ്രീൻ റൂം എന്നീ ത്രില്ലർ ചിത്രങ്ങൾക്ക് ശേഷം ജെറമി സോൾനിയറുടെ പുതിയ സംവിധാന സംരംഭമാണ് ഹോൾഡ് ദി ഡാർക്ക്. മുൻ ചിത്രങ്ങളിൽ നിന്ന് വിഭിന്നമായ രീതിയിൽ പെട്ടെന്നൊന്നും പിടി തരാത്ത ആഖ്യാനശൈലിയാണ് ഈ ചിത്രത്തിന് സോൾനിയർ സ്വീകരിച്ചിരിക്കുന്നത്. വെസ്റ്റ് വേൾഡ് സീരീസിലൂടെ പ്രശസ്തനായ ജെഫ്രി റൈറ്റ് മുഖ്യവേഷത്തിലെത്തുന്ന ചിത്രത്തിന്റെ വിതരണാവകാശം നെറ്റ്ഫ്ലിക്സിനായിരുന്നു. വളരെ നിഗൂഢത നിറഞ്ഞ സ്വഭാവ സവിശേഷതകളുള്ള വെർണൻ സ്ലോൺ എന്ന കഥാപാത്രമായെത്തിയ അലക്സാണ്ടർ സ്കാർസ്ഗാർഡിന്റെ പ്രകടനം എടുത്ത് പറയേണ്ടതാണ്.

🔻സ്പൂൺ ഫീഡിംഗ് ആഗ്രഹിക്കുന്ന പ്രേക്ഷകർക്കുള്ളതല്ല ഈ ചിത്രം. പല ചോദ്യങ്ങൾക്കും ഉത്തരം പറയാതെയാണ് ചിത്രം അവസാനിക്കുന്നത്. അവ പൂരിപ്പിക്കേണ്ട ഉത്തരവാദിത്തം സംവിധായകൻ പ്രേക്ഷകർക്ക് വിട്ട് തരുന്നു. സോൾനിയർ ചിത്രങ്ങളുടെ മുഖമുദ്രയായ കടുത്ത വയലൻസ് ഈ ചിത്രത്തിലുമുണ്ട്. എന്നാൽ ഒന്നിനുമുളള ഉത്തരങ്ങളോ അവയുടെ ക്ലുവോ ഒരിടത്തും നല്കാൻ സംവിധായകൻ ശ്രമിക്കാതിരുന്നത് ഒരല്പം നിരാശ പ്രേക്ഷകന് ഉണ്ടാക്കുമെന്ന് ഉറപ്പാണ്. എന്നാൽ ഇരുട്ട് നിറഞ്ഞ മനസ്സുകളിലെ ചില നിഗൂഢതകൾ അവ ആഗ്രഹിക്കുന്ന കാലത്തോളം അങ്ങനെ തന്നെ തുടരുമെന്ന സത്യവും നമുക്ക് മറക്കാതിരിക്കാം.

🔺RATING : 3/5

Movie Review Post No.249
@ http://www.amazingcinemareviews.wordpress.com
ചിത്രം ടെലഗ്രാം ചാനലിൽ ലഭ്യമാണ്
@ t.me/AmazingCinema

©️ PRADEEP V K

3.0 Star (Above Average) · English · Horror · USA

246. THE EVIL WITHIN (USA/HORROR/2017)

🔺 സിനിമാ രംഗത്ത് വലിയ ഗോഡ്ഫാദേഴ്സ് ഒന്നുമില്ലാത്ത ഒരാൾ 2002 ൽ തന്റെ ആദ്യ സിനിമ സ്വന്തം തിരക്കഥയിൽ സ്വന്തം പണം മുടക്കി ചിത്രീകരണം ആരംഭിക്കുന്നു. പ്രധാന ഷൂട്ടിങ്ങ് ലൊക്കേഷൻ സ്വന്തം ബംഗ്ലാവ് തന്നെ. സിനിമയുടെ പൂർണതയ്ക്ക് വേണ്ടി സ്വയം ഡെവലപ്പ് ചെയ്ത സ്പെഷ്യൽ ഇഫക്ടുകളും അനിമട്രോണിക്സും ഉപയോഗിക്കുന്നു. സാമ്പത്തിക ബുദ്ധിമുട്ടുകൾ മൂലം ചിത്രീകരണം വർഷങ്ങൾ നീണ്ട് നിന്നു. അവസാനം സിനിമയുടെ പോസ്റ്റ് പ്രൊഡക്ഷൻ വർക്കുകൾ കഴിയുന്നതിന് മുമ്പ് 2015ൽ അദ്ദേഹം മരണപ്പെടുന്നു. അവസാനം ചിത്രീകരണം തുടങ്ങി പതിനഞ്ച് വർഷത്തിന് ശേഷം 2017ൽ ചിത്രം റിലീസ് ചെയ്യുന്നു. The Stotyteller എന്ന പേരിൽ 2002 ൽ ചിത്രീകരണം തുടങ്ങി 2017ൽ റിലീസായ The Evil Within ആയിരുന്നു ആ ചിത്രം.

🔸MOVIE : THE EVIL WITHIN (2017)
🔸COUNTRY : USA (ENGLISH)
🔸GENRE : HORROR
🔸DIRECTION : ANDREW GETTY

🔻 സ്പെഷ്യൽ കെയർ ആവശ്യമുള്ള ഡെന്നീസിനെ കുട്ടിക്കാലം മുതൽ ഭീകര സ്വപ്നങ്ങൾ വേട്ടയാടിയിരുന്നു. താൻ ജീവിക്കുന്നത് റിയാലിറ്റിയിലാണോ അതോ സ്വപ്നത്തിലാണോ എന്ന് പോലും മനസ്സിലാക്കാൻ ഡെന്നീസിന് കഴിയുന്നില്ല. എന്നാൽ ഇന്ന് ഡെന്നീസിനെ വേട്ടയാടുന്നത് കണ്ണാടികൾക്കുള്ളിൽ ഒളിച്ചിരിക്കുന്ന കഡാവർ എന്ന ഭീകരരൂപിയായ ഡെമൺ ആണ്. ഡെന്നീസിന്റെ ഇഷ്ടത്തിന് വിപരീതമായി സഹോദരൻ അവന്റെ ബെഡ് റൂമിൽ വലിയൊരു കണ്ണാടി കൂടി സ്ഥാപിക്കുന്നതോടെ കഡാവർ ഡെന്നീസിന് മേൽ കൂടുതൽ പിടിമുറുക്കുന്നു.

🔺 ഒരു പാട് ഭയപ്പെടുത്തുന്ന തരത്തിലുള്ള ഒരു ഹൊറർ ചിത്രം അല്ലിത്. എന്നാൽ സമാനമായ മറ്റ് ചിത്രങ്ങളിൽ നിന്നും വ്യത്യസ്തമായ ട്രീറ്റ്മെന്റാണ് ചിത്രത്തിൽ സംവിധായകൻ ഉപയോഗിച്ചിരിക്കുന്നത്. ഡെന്നീസ് എന്ന കഥാപാത്രമാണ് ചിത്രത്തിന്റെ ആത്മാവ്. ആ കഥാപാത്രം ഫ്രെഡറിക് കോഹ്ളർ ഭംഗിയായി അവതരിപ്പിച്ചിട്ടുണ്ട്. സാമ്പത്തികമായ കുറവുകൾ ചിത്രത്തിൽ പലയിടത്തും പ്രകടമാണ്. ചിത്രത്തിന്റെ അവസാന ഭാഗത്തെ ഇഫക്ടുകൾ പലതും സംവിധായകൻ സ്വയം നിർമ്മിച്ച മോഡലുകൾ ഉപയോഗിച്ച് ചിത്രീകരിച്ചതാണ്. വളരെ അണ്ടർറേറ്റഡ് ആയ ചിത്രമാണ് ദി ഈവിൽ വിത്തിൻ. പേരും പ്രശസ്തിയുമുള്ള നിർമ്മാണ കമ്പനികളുടെ പിൻബലം ഉണ്ടായിരുന്നെങ്കിൽ ഏറെ ശ്രദ്ദിക്കപ്പെടേണ്ടിയിരുന്ന ചിത്രമാണിത്. വ്യത്യസ്തകൾ തേടുന്നവർക്ക് പരീക്ഷിക്കാവുന്ന മറ്റൊരു ചിത്രം.

🔺RATING : 3/5

Movie Review Post No.246
@ http://www.amazingcinemareviews.wordpress.com
ചിത്രം ടെലഗ്രാം ചാനലിൽ ലഭ്യമാണ്
@ t.me/AmazingCinema

©️ PRADEEP V K

4.0 Star (Very Good) · English · Horror · USA

229. HEREDITARY (USA/HORROR/2018)

#Movies_Watched_From_Theatres_2018

🔺 ആനി ഗ്രഹാമിന്റെ അമ്മയായ എലന്റെ മരണം ആ കുടുംബത്തെ പല തരത്തിലും ബാധിക്കുന്നു. മകളുമായും കുടുംബവുമായും വ്യക്തിപരമായി അകൽച്ച പാലിച്ചിരുന്ന, ഒരു പാട് രഹസ്യങ്ങൾ സൂക്ഷിച്ചിരുന്ന എലന് ആകെ അടുപ്പമുണ്ടായിരുന്നത് ആനിയുടെ മകളായ പതിമൂന്ന്കാരി ചാർലിയോട് മാത്രമായിരുന്നു. എലന്റെ മരണത്തോടെ സ്വതവേ അന്തർമുഖിയായിരുന്ന ചാർലിയുടെ പെരുമാറ്റത്തിൽ പെട്ടെന്നുണ്ടാകുന്ന മാറ്റം ആ കുടുംബത്തെ ചൂഴ്ന്ന് നില്ക്കുന്ന ആപത് സൂചനയാകുമോ?

🔸MOVIE : HEREDITARY (2018)
🔸COUNTRY : USA
🔸GENRE : HORROR
🔸DIRECTION : ARI ASTER
🔸THEATRE : ARIESPLEX , TRIVANDRUM

🔻 ഷോർട്ട് ഫിലിം സവിധായകനായ ആരി ആസ്റ്ററുടെ ആദ്യ ഫീച്ചർ ഫിലിം സംരംഭമായ ഹെറഡിറ്ററി ട്രെയിലർ കണ്ടത് മുതൽ വൻ പ്രതീക്ഷയുള്ള ചിത്രമായിരുന്നു. ആ പ്രതീക്ഷകളെയെല്ലാം കവച്ച് വയ്ക്കുന്ന അനുഭവമായിരുന്നു ചിത്രം നലകിയത്. സാധാരണ ഹൊറർ സിനിമകളിൽ കാണുന്ന മാതിരിയുള്ള ജമ്പ് സ്കെയേഴ്സിലൂടെയും ഭീകര രൂപങ്ങളിലൂടെയും പ്രേക്ഷകനെ ഭയപ്പെടുത്തുന്ന ഒരു ഹൊറർ ചിത്രമല്ല ഹെറഡിറ്ററി. സിനിമ ക്രിയേറ്റ് ചെയ്യുന്ന അന്തരീക്ഷത്തിലൂടെയും ബാക്ക് ഗ്രൗണ്ട് മ്യൂസിക്കിലൂടെയുമാണ് കാണികളിൽ ഭയം ജനിപ്പിക്കാൻ സംവിധായകൻ ശ്രമിക്കുന്നത്. വളരെ കുറച്ച് കഥാപാത്രങ്ങൾ മാത്രമുള്ള ചിത്രത്തിൽ ഏറ്റവും ശ്രദ്ധിക്കപ്പെടുന്നത് ആനി ഗ്രഹാമിനെ അവതരിപ്പിച്ച ടോണി കോളറ്റ് ആണെങ്കിലും പുതുമുഖ നടി മിലി ഷെപിറോയും അലക്സ് വുൾഫും അടക്കം എല്ലാ നടീനടൻമാരും മികച്ച പ്രകടനം തന്നെ കാഴ്ചവച്ചു. കാഴ്ചയിൽ വല്ലാത്തൊരു ലുക്ക് തന്നെയായിരുന്നു മിലി ഷെപിറോവിന്റെ കഥാപാത്രമായ ചാർലിക്ക് നല്കിയത്. അത് ചിത്രത്തിന് നല്കിയ ഇഫക്ട് പറഞ്ഞറിയിക്കാനാവാത്തതാണ്.

🔺ഒരു മിനിയേച്ചറിസ്റ്റ് ആർട്ടിസ്റ്റ് ആയ ആനി ഗ്രഹാമിന്റെ സൃഷ്ടികളിലൂടെയാണ് പലപ്പോഴും കഥ മുന്നോട്ട് പോകുന്നത്. ആ ദ്യശ്യങ്ങളിലെ ക്യാമറാമികവും ബിജിഎമ്മും അതിഗംഭീരമായിരുന്നു. കഥ ഏകദേശം മധ്യഭാഗത്തെത്തുമ്പോൾ സിയാൻസും മീഡിയവുമായി ബന്ധപ്പെട്ട പരിചിത രംഗങ്ങൾ വരുമെങ്കിലും പിന്നീട് വളരെ അപ്രതീക്ഷിതമായ രംഗങ്ങളിലൂടെ തീർത്തും ബ്രില്യൻറും യുണീക്കും ആയ ഒരു ക്ലൈമാക്സിലാണ് ചിത്രം അവസാനിക്കുന്നത്. ചിത്രവുമായി ബന്ധപ്പെട്ട് തിരക്കഥാകൃത്തും സംവിധായകനുമായ ആരി ആസ്റ്റർ നടത്തിയ ഗവേഷണങ്ങളെ അഭിനന്ദിക്കാതെ തരമില്ല.

🔻തിയേറ്റർ വേർഷനിൽ ഇന്ത്യൻ സെൻസർ ബോർഡ് യാതൊരാവശ്യവുമില്ലാതെ ചില രംഗങ്ങളിൽ കത്രിക വച്ചത് മാത്രമാണ് ആകെ ബോറായി തോന്നിയത്. സെൻസർ ബോർഡിന്റെ ഇടപെടൽ പല രംഗങ്ങളുടേയും പൂർണത നഷ്ടപ്പെടുത്തിയിട്ടുണ്ട്. ഒരു പാളിച്ചയുമില്ലാത്ത ശക്തമായ തിരക്കഥയും മികവുറ്റ സംവിധാനവും ടെക്നിക്കൽ വിഭാഗവും അഭിനേതാക്കളുടെ വിട്ടുവീഴ്ചയില്ലാത്ത പെർഫോർമൻസുകളും കൂടി ചേർന്നപ്പോൾ വളരെയധികം സംതൃപ്തി നല്കിയ ഒരു ചലച്ചിത്രാനുഭവമാണ് ഹെറഡിറ്ററി നല്കിയത്. എന്നാൽ എല്ലാത്തരം പ്രേക്ഷകർക്കും ഒരു പോലെ ആസ്വദിക്കാനാവുന്ന ഒരു ചിത്രമല്ല ഇതെന്ന് കൂടി ഓർമ്മിപ്പിച്ച് കൊള്ളട്ടെ. അതായത് ഒരു സാധാരണ ഹൊറർ ചിത്രം പ്രതീക്ഷിച്ച്‌ ഈ ചിത്രം കാണാൻ പോകരുത് എന്നർത്ഥം.

🔸RATING : 4/5 ( A Brilliant Horror Masterpiece)

Movie Review Post No.229
@ http://www.amazingcinemareviews.wordpress.com

©️ PRADEEP V K

2.5 Star (Average) · English · Horror · Psychological · USA

224. A CURE FOR WELLNESS (USA/PSYCHOLOGICAL HORROR/2016)

#MovieMania_AMovie_ADay
12. A CURE FOR WELLNESS (2016)🔸USA/Psychological Horror/R

🔺An ambitious young man is send to a mysterious wellness centre in Swiss Alps to retrieve his company’s CEO. Soon he finds something odd happening in the wellness centre which claims to have miraculous treatments for all diseases.

🔻The movie has strong premises and the cinematography is extremely good. But the problem is that the film loses its track somewhere in the middle and climax twist is not at all convincing. Two and a half hour length is a big drawback of a film like this and the screenplay by Justin Haythe lacks thrilling elements. The movie is visually stunning which uses brilliant imagery and beautiful locations. The direction by Gore Verbinski who directed the first three Pirates of the Caribbean films is promising but not at all gripping. Anyway A Cure For wellness gave me an average experience thanks to the interesting plot and nice visuals.

🔻Rating : 2.5/5 ( A Visually stunning Film With Mediocre Execution)

Movie Review Post No. 224
@www.amazingcinemareviews.wordpress.com

©️ PRADEEP V K

3.0 Star (Above Average) · Drama · English · USA

221. PLEASE STAND BY (USA/DRAMA/2017)

#MovieMania_AMovie_ADay
9. PLEASE STAND BY (2017)🔸USA/Drama

🔺Wendy is a 21 year old beautiful, energetic and brilliant girl who is very fascinated by the Star Trek television show and she is writing a Star Trek show script to be submitted for a contest at Paramount Pictures. But she has Asperger’s Syndrome, which is a developmental disorder resulting in difficulties associating social interactions. Since her sister who is her only guardian found it difficult to keep her at home Wendy is staying at a caregiver’s apartment. The movie tells the struggling of Wendy to be an independent person without making a burden to anybody.

🔻Dakota Fanning done a wonderful job as Wendy and she transforms in to that character both physically and mentally. The movie is a simple feel good drama with no such big surprises. The storyline is pretty ordinary and we can figure out the entire story long before it is happening. The movie has lot of mentions about the characters in Star Trek movies but unfortunately I can’t figure out any thing since I didn’t watched any Star Trek films. Anyway Please Stand By is a watchable film and you will not regret in watching it.

🔻Rating : 3/5 ( A Feel Good Drama )

©️ PRADEEP V K