5.0 Star (Excellent) · Comedy · Drama · English · USA

141. ONE FLEW OVER THE CUCKOO’S NEST (USA/COMEDY DRAMA/1975)

🔹141. ONE FLEW OVER THE CUCKOO’S NEST (USA/English/1975/Comedy Drama/133 Min/Dir: Milos Forman/Stars: Jack Nicholson, Louise Fletcher, Will Sampson )

🔹 SYNOPSIS 🔹

 

▪ ലോക സിനിമയിലെ ഏറ്റവും മഹത്തായ ചിത്രങ്ങളുടെ നിരയിൽ പെടുത്താവുന്ന അഞ്ച് സുപ്രധാന ഓസ്കാർ അവാർഡുകൾ ( മികച്ച ചിത്രം ,സംവിധായകൻ, നടൻ, നടി, തിരക്കഥ ) നേടിയ One Flew Over The Cuckoo’s Nest അതേ പേരിൽ തന്നെയുള്ള Ken Kesey എഴുതിയ നോവലിന്റെ ചലച്ചിത്രാവിഷ്കാരമാണ് .1963 ൽ ഒറിഗോണിലെ ഒരു മനോരോഗാശുപത്രിയിലാണ് ചിത്രത്തിന്റെ കഥ നടക്കുന്നത് .തന്റേതായ മെത്തേഡുകളിലൂടെ രോഗികളെ താനുദ്ദേശിക്കുന്ന രീതിയിൽ കൺട്രോൾ ചെയ്യുന്ന റാച്ചഡ് എന്ന ഹെഡ് നഴ്സിനാണ് രോഗികളുടെ ചുമതല .പ്രത്യക്ഷത്തിൽ എല്ലാ സൗകര്യങ്ങളും രോഗികൾക്ക് നല്കുന്നു എന്ന് തോന്നിക്കുമെങ്കിലും റാച്ചഡ് അവരെ മനുഷ്യരായിപ്പോലും കാണുന്നില്ല എന്നതായിരുന്നു സത്യം .

▪ ആ ഹോസ്പിറ്റലിലേക്ക് ജോലിയൊന്നും ചെയ്യാതെ സുഖമായി കഴിയാനായി മനോരോഗം അഭിനയിച്ച് മക്മർഫി എന്ന പെറ്റി ക്രിമിനൽ കൂടി എത്തുന്നതോടെ കഥ മാറുന്നു . രോഗികളുടെ ചെറിയ ആവശ്യങ്ങൾ പോലും അംഗീകരിക്കാത്ത നഴ്സ് റാച്ചഡിന്റെ തീരുമാനങ്ങളെ മക്മർഫി വെല്ലുവിളിക്കുന്നു. പല തരത്തിലുള്ള മനോരോഗികൾക്കിടയിൽ ബധിരനും മൂകനുമായ എല്ലാവരും ചീഫ് എന്ന് വിളിക്കുന്ന ഒരാളുമായി മക്മർഫി ചങ്ങാത്തത്തിലാവുന്നു .റാച്ചഡിന്റെ കടുത്ത നിയന്ത്രണങ്ങൾ കാറ്റിൽ പറത്തി രോഗികളെ സ്വാതന്ത്ര്യത്തിന്റെ ലോകം കാട്ടിക്കൊടുക്കുവാൻ മക്മർഫി ശ്രമിക്കുന്നു .എന്നാൽ ആ ശ്രമങ്ങൾ അപ്രതീക്ഷിതമായ ചില സംഭവ വികാസങ്ങൾക്ക് വഴിവയ്ക്കുന്നു .

🔹BEHIND THE SCENES🔹

▪ ശക്തമായ തിരക്കഥയും മികവുറ്റ സംവിധാനവും സൂക്ഷ്മമായ അഭിനയവും അടക്കം എല്ലാ മേഖലകളിലും ഒരേ പോലെ മികച്ച ഒരു ചലച്ചിത്രമാണിത് .നിരൂപകർ എല്ലാം ഒരേ പോലെ വാഴ്ത്തിയ 4.4 മില്യൺ ഡോളർ നിർമ്മാണച്ചെലവുള്ള ഈ ചിത്രത്തിന്റെ ബോക്സ് ഓഫീസ് കളക്ഷൻ 109 മില്യൺ ഡോളറായിരുന്നു . മക്മർഫി എന്ന കഥാപാത്രത്തിലൂടെ ജാക്ക് നിക്കോൾസൺ എന്ന നടൻ ലോകോത്തര നടൻമാരുടെ പട്ടികയിലേക്കുയർന്നു .തമാശയും ദു:ഖവും ദേഷ്യവും നിസ്സഹായതയും എല്ലാം ഒരേ പോലെ പ്രതിഫലിപ്പിച്ച മക്മർഫി എന്ന കഥാപാത്രം പ്രേക്ഷകരുടെ മനസ്സിൽ എന്നും മായാതെ നില്ക്കും .കഥാപാത്രങ്ങളുമായി കൂടുതൽ അടുക്കാൻ അഭിനേതാക്കൾ ഷൂട്ടിങ്ങ് കഴിയുന്നത് വരെ ചിത്രീകരണം നടന്ന  ഒറിഗോൺ സ്റ്റേറ്റ് ഹോസ്പിറ്റലിലെ സൈക്ക്യാട്രിക് വാർഡിൽ തന്നെ താമസിച്ചിരുന്നു. ചിത്രീകരണം നടന്നത് യഥാർത്ഥ മെന്റൽ ഹോസ്പിറ്റലിൽ തന്നെ ആയിരുന്നതിനാൽ യഥാർത്ഥ രോഗികളും ഡോക്ടർമാരും പല രംഗങ്ങളിലും മിന്നിമറയുന്നുണ്ട് . 

▪ നഴ്സ് റാച്ചഡ് എന്ന നെഗറ്റീവ് കഥാപാത്രത്തെ അവതരിപ്പിച്ച ലൂയിസ് ഫ്ലെച്ചർ സമാനതകളില്ലാത്ത അഭിനയമാണ് കാഴ്ച വച്ചത്. ഒരു രംഗത്ത് പോലും സൗമ്യത കൈവിടാത്ത എപ്പോഴും പുഞ്ചിരിക്കുന്ന മുഖഭാവമുള്ള എന്നാൽ ഉള്ളിൽ ക്രൂരതയുടെ കടലിരമ്പുന്ന നഴ്സ് റാച്ചഡ് സത്യത്തിൽ ഒരല്ഭുതമാണ് .ലോക സിനിമയിലെ ഏറ്റവും മികച്ച വില്ലൻ കഥാപാത്രങ്ങളുടെ ലിസ്റ്റിൽ നഴ്സ് റാച്ചഡ് ഉണ്ടാകുന്നതിന്റെ കാരണം ചിത്രം കണ്ടാൽ നിങ്ങൾക്ക് മനസ്സിലാകും. മറ്റൊരു പ്രധാന കഥാപാത്രമായ  ചീഫ് എന്ന ആജാനബാഹുവിനെ  മനോഹരമായി അവതരിപ്പിച്ച വിൽ സാംസൺ പ്രേക്ഷകരെ ഞെട്ടിക്കുമെന്ന് തീർച്ചയാണ് . ചിത്രത്തിൽ അഭിനയിച്ച നടൻമാരിൽ പലരും ആദ്യമായി ക്യാമറയെ അഭിമുഖീകരിക്കുകയായിരുന്നു എന്നത് ശ്രദ്ദേയമാണ് .

▪ മോഹൻലാൽ പ്രധാന വേഷത്തിലെത്തിയ പ്രിയദർശൻ സംവിധാനം ചെയ്ത താളവട്ടം എന്ന മലയാള ചലച്ചിത്രം ഈ ചിത്രത്തിൽ നിന്നും പ്രചോദനം ഉൾക്കൊണ്ടതാണ് .രണ്ട് ചിത്രങ്ങളുമായുള്ള ഒരു താരതമ്യം ഇവിടെ ഉദ്ദേശിക്കുന്നില്ലെങ്കിലും രണ്ട് ചിത്രങ്ങളും കണ്ട് അത് സ്വയം മനസ്സിലാക്കാൻ ശ്രമിക്കുക.  മലയാളത്തിലെ മികച്ച ചിത്രങ്ങളിൽ ഒന്നാണ് താളവട്ടം എന്ന് അംഗീകരിക്കുന്നതിനൊപ്പം തന്നെ മറ്റൊന്ന് കൂടി പറയേണ്ടതുണ്ട്. One Flew Over The Cuckoo’s Nest എന്ന ചിത്രം ഏതൊരു താരതമ്യങ്ങൾക്കും മുകളിലാണ് .ഈ ചിത്രം നല്കുന്ന അനുഭവം വാക്കുകൾക്കതീതമാണ് .അത് സ്വയം അനുഭവിച്ച് തന്നെ മനസ്സിലാക്കുക.

🔹VERDICT :  EXCELLENT ( A Powerful And Touching Cinematic Masterpiece )

©PRADEEP V K (AMAZING CINEMA)

Advertisements
3.0 Star (Above Average) · Comedy · India · Malayalam · Romance

130. CIA (INDIA/ROMANTIC COMEDY/2017)

130. CIA (INDIA/MALAYALAM/2017/ Romantic Comedy/135 Min/Dir: Amal Neerad /Stars: Dulquer Salmaan, Karthika Muralidharan, Siddique, John Vijay)
🔹 SYNOPSIS 🔹

 

▪ മലയാളത്തിലെ ഏറ്റവും സ്റ്റെലിഷ് ആയ സംവിധായകൻ അമൽ നീരദ് തന്റെ കരിയർ ബെസ്റ്റ് അയ ഇയ്യോബിന്റെ പുസ്തകം എന്ന ചിത്രത്തിന് ശേഷം സംവിധാനം ചെയ്യുന്ന ചിത്രമാണ് ദുൽക്കർ സൽമാൻ നായകനായ CIA (Comrade In America). പേര് കൊണ്ട് ഇടത് പക്ഷ രാഷ്ട്രീയത്തിന്റെ കഥ പറയുന്ന ചിത്രമായി റിലീസിന് മുമ്പ് വ്യാഖ്യാനിക്കപ്പെട്ടെങ്കിലും അത് മാത്രമല്ലാതെ പ്രണയവും കുടുംബകഥയും അഭയാർത്ഥി പ്രശ്നങ്ങളുമെല്ലാം വിഷയമാകുന്ന ഒരു ചിത്രമാണിത് .കോട്ടയത്തെ കേരള കോൺഗ്രസ്സ് നേതാവായ മാത്യുവിന്റെ മകനായ അജി മാത്യു ഇടതു പക്ഷ സഹയാത്രികനാണ്. വിദ്യാർത്ഥികളുടെ പ്രശ്നങ്ങളിലും രാഷ്ട്രീയ സമരങ്ങളിലും സജീവമായി പങ്കെടുക്കുന്ന അജി കോളേജ് വിദ്യാർത്ഥിനിയായ സാറ കുര്യനുമായി പ്രണയത്തിലാവുന്നു .യു എസിൽ സ്ഥിര താമസക്കാരിയായ സാറ ഒരു പ്രത്യേക സാഹചര്യത്തിൽ അമേരിക്കയിലേക്ക് പോകുമ്പോൾ അജി അവളെ കാണാനായി അങ്ങോട്ട് പോകാൻ തീരുമാനിക്കുന്നു .എന്നാൽ വിസ ലഭിക്കാനുള്ള സമയം ഇല്ലാത്തതിനാൽ നിക്കരാഗ്വ വഴി മെക്സിക്കൻ ബോർഡർ കടന്ന് അമേരിക്കയിലേക്ക് നിയമവിരുദ്ധമായി കടക്കാൻ അജി നിർബന്ധിതനാകുന്നു .
▪രാഷ്ട്രീയവും കോളേജും കുടുംബ ബന്ധങ്ങളും മികച്ച കോമഡി രംഗങ്ങളും നിറഞ്ഞ ആദ്യ പകുതി ഗംഭീരമായിരുന്നു .അജി മാത്യു എന്ന എനർജറ്റിക് ആയ കഥാപാത്രമായി ദുൽക്കർ മികച്ച അഭിനയം കാഴ്ച വച്ചു .പ്രണയരംഗങ്ങളിലും അക്ഷൻ രംഗങ്ങളിലും വൈകാരിക രംഗങ്ങളിലും എല്ലാം ഒരേ പോലെ തിളങ്ങാൻ അദ്ദേഹത്തിനായി .മാത്യു എന്ന അജിയുടെ അച്ഛനായി വരുന്ന സിദ്ദിഖ് മലയാള സിനിമയിൽ താൻ ഒരു അവിഭാജ്യ ഘടകമാണെന്ന് വീണ്ടും തെളിയിച്ചു .കിട്ടുന്ന ഏത് വേഷവും ഏറ്റവും നല്ല രീതിയിൽ അവതരിപ്പിക്കുന്ന സിദ്ദിഖ് തന്നെയാണ് ചിത്രത്തിൽ ഏറ്റവും മികച്ച പ്രകടനം കാഴ്ചവച്ചതും .അജിയുടെ സുഹൃത്തുക്കളായ ഏര്യാ സെക്രട്ടറി ഹരിയായി വേഷമിട്ട ദിലീഷ് പോത്തനും ജോമോൻ എന്ന കഥാപാത്രമായി വന്ന സൗബിൻ താഹിറും മികച്ച കോമഡി രംഗങ്ങൾ സമ്മാനിച്ചു . സാറയെന്ന യു എസ് ബേസ്ഡ് വിദ്യാർത്ഥിനിയായി പുതുമുഖം കാർത്തിക മുരളീധരൻ തന്റെ വേഷം ഭംഗിയാക്കി . മൺമറഞ്ഞ കമ്മൂണിസ്റ്റ് ചിന്തകരുടെ വ്യത്യസ്തമായ പുനരാഷ്കാരം വളരെ രസകരമായിരുന്നു .എല്ലാം കൊണ്ടും ആദ്യ പകുതി വളരെ മികച്ച രീതിയിൽ തന്നെ അവസാനിച്ചു .
▪എന്നാൽ ചിത്രം രണ്ടാം പകുതിയിൽ പൂർണമായും ട്രാക്ക് മാറുന്നു .നിക്കരാഗ്വ വഴി മെക്സിക്കോയിൽ എത്തി അവിടന്ന് അമേരിക്കൻ ബോർഡർ കടക്കുന്ന പല രാജ്യങ്ങളിൽ നിന്നുള്ള ഒരു സംഘത്തിന്റെ ജീവൻ പണയം വെച്ചുള്ള യാത്രയാണ് രണ്ടാം പകുതിയിൽ .ഇത് വരെ മലയാള സിനിമകളിൽ കണ്ടതിൽ നിന്നും വ്യത്യസ്തമായ രീതിയിലുള്ള  വിദേശ രാജ്യ ചിത്രീകരണമാണ്  ചിത്രത്തിൽ .എന്നാൽ ജോൺ വിജയ് അവതരിപ്പിച്ച ശ്രീലങ്കൻ ഡ്രൈവറുടെ കഥാപാത്രം ഒഴിച്ച് മറ്റ് കഥാപാത്രങ്ങളും അഭിനേതാക്കളും പ്രേക്ഷകരുമായി കണക്റ്റ് ചെയ്യുന്നതിൽ പരാജയപ്പെട്ടു. കഥാപാത്രങ്ങൾ ജീവൻ പോലും പണയം വെച്ച് അതീവ അപകടകരമായ  ഒരു യാത്ര ചെയ്യാൻ  ഉള്ള കാരണങ്ങൾ തികച്ചും പരിതാപകരമായിരുന്നു .( ഉദാഹരണത്തിന് സ്വാതന്ത്ര്യത്തിന്  വേണ്ടി മെക്സിക്കൻ ബോർഡർ കടക്കാൻ ശ്രമിക്കുന്ന ചൈനക്കാരൻ! ). 
▪അഭയാർത്ഥികൾക്കു വേണ്ടി സമർപ്പിച്ചിരിക്കുന്ന  ചിത്രത്തിന്റെ സംവിധായകൻ ‘അഭയാർത്ഥി’ എന്ന വാക്ക് കൊണ്ട് എന്താണ് ഉദ്ദേശിക്കുന്നത്  എന്ന് അറിഞ്ഞാൽ കൊള്ളാമായിരുന്നു. എങ്കിലും ക്ലീഷേ ഒഴിവാക്കിയ ക്ലൈമാക്സ് നന്നായി .

അമൽ നീരദിന്റെ മുൻ ചിത്രങ്ങളിൽ നിന്നും വ്യത്യസ്തമായ ഒരു പശ്ചാത്തലമാണ് ചിത്രത്തിന് .പലപ്പോഴും ഇത് ഒരു അമൽ നീരദ് ചിത്രമാണോ എന്ന് സംശയം തോന്നിക്കുന്ന ഈ ചിത്രം അദ്ദേഹത്തിന്റെ വ്യത്യസ്തമായ ഒരു ചുവടുമാറ്റമായി കരുതാം .രാഷ്ട്രീയത്തിന്റെ സഖാവിൽ നിന്നും വ്യത്യസ്തമായി പ്രണയത്തിന്റെ സഖാവിന്റെ കഥയാണ് ചിത്രമെന്ന് പറയാം .ദുൽക്കറിന്റെ സ്ക്രീൻ പ്രസൻസും മികച്ച പശ്ചാത്തല സംഗീതവും ഛായാഗ്രഹണവും നിറഞ്ഞ ഈ ചിത്രം അമിത പ്രതീക്ഷകളില്ലാതെ  സമീപിച്ചാൽ നിങ്ങളെ  നിരാശപ്പെടുത്തില്ല .

VERDICT : ABOVE AVERAGE ( Good First Half and Average Second Half )

©PRADEEP V K (AMAZING CINEMA)

4.5 Star (Brilliant) · Animation · Comedy · English · USA

14. RATATOUILLE (USA/ANIMATION/2007)

🔹AMAZING CINEMA # 14

MOVIE TITLE : RATATOUILLE
COUNTRY : USA
LANGUAGE : English
YEAR : 2007
GENRE : Animation, Comedy
DIRECTED BY : Brad Bird
STARRING : Patton Oswalt, Lou Romano, Ian Holm
RUNNING TIME : 111min
IMDB RATING : 8/10
ROTTEN TOMATOES RATING : 96%
AWARDS & NOMINATIONS : 
* Academy Award for Best Animated Feature Film
🔹SYNOPSIS🔹
▪Ratatouille is a 2007 american computer animated comedy film produced by Pixar Animation studios and released by Walt Disney Pictures. The title refers to a French dish, “ratatouille”, which is served at the end of the film.
▪In this movie,  a rat named Remy (Patton Oswalt) dreams of becoming a great French chef despite his family’s wishes and the obvious problem of being a rat in a decidedly rodent-phobic profession. When fate places Remy in the sewers of Paris, he finds himself ideally situated beneath a restaurant made famous by his culinary hero, Auguste Gusteau. Despite the apparent dangers of being an unlikely – and certainly unwanted – visitor in the kitchen of a fine French restaurant, Remy’s passion for cooking soon sets into motion a hilarious and exciting rat race that turns the culinary world of Paris upside down.
▪Ratatouille is a hilarious animation film in which everything from the animation to the score to the voice acting to the story is excellent. It will definitely win the hearts of adults and kids in the same rate. 
▪Animated features are always great to watch because; they have a unique to quality to them that makes them a truly memorable viewing experience. With Ratatouille, Pixar have taken a simple idea, and crafted a thoroughly entertaining film experience that stands out. From start to finish, the film is entertaining, fun, and memorable because, the simple nature of the story, mixed with wonderful animation and great voice acting, you have a film that is a feast of animation. Watch this movie and you will definitely love Remy and his Ratatouille.
🔹AMAZING CINEMA RATING  : 4.5/5

4.5 Star (Brilliant) · Comedy · France · French · Romance

2. AMELIE (FRANCE/ROMANTIC COMEDY/2001)

🔹AMAZING CINEMA # 2
Movie Title.            : Amelie

Country                : France

Year                     : 2001

Directed By          : Jean-Pierre Jeunet

Running Time      : 2 hr 03 min

IMDB Rating        : 8.4/10

Rotten Tomatoes : 89%

Awards                : Won several awards like the European film awards and People’s choice Awards and nominated for 5 Academy awards.
🔹SYNOPSIS​🔹
▪Amelie is a romantic comedy which tells the story of a shy waitress, who decides to change the lives of those around her for the better , while struggling with her own isolation. Watch it to see the beauty of french cinema.
🔹Amazing Cinema Rating  : 4.5/5