3.5 Star (Good) · Drama · Japan · Japanese · Mystery

177. GUKOROKU : TRACES OF SIN (JAPAN/MYSTERY/2017)

🔸177) GUKOROKU : TRACES OF SIN (2017)🔸 A REVIEW🔸

🔸COUNTRY : JAPAN
LANGUAGE : JAPANESE
GENRE : MYSTERY DRAMA
DIRECTION : KEI ISHIKAWA
‎STARRING : SATOSHI TSUMABUKI,
‎HIKARI MITSUSHIMA

🔸 ഉയർന്ന സാമ്പത്തിക ചുറ്റുപാടിൽ ജീവിക്കുന്ന സമൂഹത്തിൽ നല്ല സ്ഥാനമുള്ള ഭർത്താവും ഭാര്യയും കുഞ്ഞുമടങ്ങുന്ന ഒരു കുടുംബം സ്വന്തം വീട്ടിൽ വച്ച് ക്രൂരമായി കൊലചെയ്യപ്പെടുന്നു. കൊലപാതകങ്ങൾ നടന്ന് ഒരു വർഷത്തോളമായെങ്കിലും യാതൊരു തെളിവും അവശേഷിപ്പിക്കാതെ നടത്തിയ ആ കുറ്റകൃത്യത്തിന് കാരണക്കാരെ കണ്ടെത്താനാവാതെ പോലീസ് കുഴങ്ങുന്നു. ആയിടക്ക് ഒരു മാഗസിൻ റിപ്പോർട്ടർ ആയ Tanaka ആ കേസിനെക്കുറിച്ച് പഠിക്കാൻ തീരുമാനിക്കുകയും കൊല്ലപ്പെട്ട ഫാമിലിയുമായി ബന്ധമുണ്ടായിരുന്ന അവരുടെ സുഹൃത്തുക്കളുമായി ഇൻറർവ്യൂ നടത്തുകയും ചെയ്യുന്നു. മരണപ്പെട്ട ദമ്പതികൾക്ക് സമൂഹത്തിൽ നിന്നും മറച്ച് പിടിച്ച മറ്റൊരു മുഖം കൂടി ഉണ്ടായിരുന്നോ?

🔸 ഒരു മർഡർ ഇൻവെസ്റ്റിഗേഷൻ ചിത്രമാണെങ്കിലും അത്തരം ചിത്രങ്ങളിൽ സാധാരണ കാണാറുള്ള ക്ലീഷേ സംഭവങ്ങളെല്ലാം ഒഴിവാക്കി വളരെ സാവധാനമുള്ള അവതരണമാണ് ചിത്രത്തിന്. അതു കൊണ്ട് നല്ല വേഗതയിൽ മുന്നേറുന്ന ചിത്രങ്ങൾ കാണാനാഗ്രഹിക്കുന്നവർക്ക് ഈ ചിത്രം ഇഷ്ടമാകണമെന്നില്ല. സംവിധാനത്തിലും സിനിമാറ്റോഗ്രഫിയിലും നിരവധി പുതുമകൾ കൊണ്ടുവരാൻ സംവിധായകൻ ശ്രമിച്ചിട്ടുണ്ട്. ഒരു പ്രത്യേക സാഹചര്യത്തിൽ ഒരു കഥാപാത്രത്തിന്റെ ശരീരത്തിലൂടെ നിരവധി കൈകൾ കടന്ന് പോകുന്ന രംഗം വളരെ നന്നായിരുന്നു. സംഭവങ്ങൾ ദൃശ്വവത്കരിക്കുന്നതിന് പകരം കഥാപാത്രങ്ങളുടെ സംഭാഷണത്തിലൂടെയാണ് കഥയുടെ പ്രധാന രഹസ്യങ്ങൾ വെളിപ്പെടുത്തുന്നത്. മികച്ച പെർഫോർമൻസുകളിലൂടെ പ്രേക്ഷകരിലേക്ക് അതിന്റെ തീവ്രത പകരാൻ അഭിനേതാക്കൾക്ക് കഴിഞ്ഞു. രണ്ട് മണിക്കൂർ ദൈർഘ്യമുള്ള ചിത്രം മികച്ച ചില ട്വിസ്റ്റുകളിലൂടെ അവസാനിച്ചപ്പോൾ തൃപ്തികരമായ ഒരു ചിത്രം കണ്ട അനുഭവമാണ് ലഭിച്ചത്.

🔸RATING : 3.5/5 (GOOD)

🔸More Reviews @
http://www.amazingcinemareviews.wordpress.com

🔸Join AMAZING CINEMA Telegram Channel @
http://t.me/AmazingCinema

©PRADEEP V K

Advertisements
4.0 Star (Very Good) · English · Mystery · Thriller · USA

167. WIND RIVER (USA/MYSTERY THRILLER/2017)

🔸167) WIND RIVER (2017)🔸 ഒരു അവലോകനം 🔸

🔸 മഞ്ഞ് മൂടിയ ആ മലനിരകളിൽ വളർത്തുമൃഗങ്ങളെ കൊന്ന് തിന്നുന്ന അജ്ഞാത ജീവിയുടെ കാല്പാടുകൾ പിന്തുടർന്നെത്തിയ ഏജന്റ് കോറി ലാംബർട്ട് കണ്ടെത്തിയത് മഞ്ഞിൽ ഉറച്ച് കമിഴ്ന്ന് കിടക്കുന്ന നിലയിലുള്ള ഒരു പെൺകുട്ടിയുടെ മൃതദേഹമാണ്. അവളുടെ ശരീരത്തിലെ മുറിവുകളും കട്ട പിടിച്ച രക്തവും കണ്ട ലാംബർട്ട് വിദൂരമായ ഓർമ്മകളിൽ ഞെട്ടി വെറുങ്ങലിച്ച് നിന്നു. നോക്കെത്താ ദൂരത്തോളം പരന്ന് കിടക്കുന്ന മഞ്ഞ് പാളികൾക്കിടയിൽ മരണത്തിന്റെ വിളിയുമായി അജ്ഞാതനായ ഒരു കൊലയാളി ഒളിച്ചിരിക്കുന്നുണ്ടോ?

🔸COUNTRY : USA
LANGUAGE : ENGLISH
GENRE : MYSTERY THRILLER
DIRECTION : TAYLOR SHERIDAN
IMDB RATING : 7.9 / 10
‎ROTTEN TOMATOES RATING : 87%

🔹BACKGROUND 🔹

🔸 ജനവാസം വളരെ കുറഞ്ഞ നേറ്റീവ് അമേരിക്കൻസിന് വേണ്ടിയുള്ള വിൻഡ് റിവർ ഇൻഡ്യൻ റിസർവേഷനിലെ വൈൽഡ് ലൈഫ് സർവീസ് ഏജൻറായ കോറി ലാംബർട്ട് അപകടകാരികളായ മൃഗങ്ങളെ കൊല്ലുന്നതിൽ വിദഗ്ദനാണ്. ശൈത്യ കാലത്ത് മഞ്ഞ് മൂടിക്കിടക്കുന്ന മലനിരകൾ നിറഞ്ഞ ആ പ്രദേശത്തിന്റെ മുക്കും മൂലയും അയാൾക്ക് കാണാപാഠമായിരുന്നു .എങ്കിലും നതാലി ഹാൻസൺ എന്ന പതിനെട്ടുകാരിയുടെ മരണം അന്വേഷിക്കാനെത്തിയ FBl ഏജന്റ് ജെയ്ൻ ബാനറിനെ സഹായിക്കാൻ തയ്യാറാവുന്നതിന് അയാൾക്ക് മറ്റ് ചില കാരണങ്ങൾ കൂടി ഉണ്ടായിരുന്നു.

🔹ANALYSIS🔹

🔸 അമേരിക്കൻ റിസർവേഷനുകളിലെ കാണാതാവുന്ന പെൺകുട്ടികളുമായി ബന്ധപ്പെട്ട നിരവധി യഥാർത്ഥ സംഭവങ്ങളിൽ നിന്ന് പ്രചോദനം ഉൾക്കൊണ്ടാണ് Taylor Sheridan ഈ ചിത്രത്തിന്റെ തിരക്കഥയും സംവിധാനവും നിർവഹിച്ചിരിക്കുന്നത്.ശക്തമായ തിരക്കഥയും അർത്ഥപൂർണമായ സംഭാഷണങ്ങളും ചിത്രത്തിന് കരുത്തേകുന്നു. ഏജന്റ് കോറി ലാംബർട്ട് എന്ന കഥാപാത്രമായെത്തിയ ജെറമി റെന്നറും FBl ഏജൻറ് ജെയ്ൻ ബാനറായെത്തിയ എലിസബത്ത് ഓൾസണും അടക്കം ചെറിയ കഥാപാത്രങ്ങളായെത്തിയവർ പോലും മികച്ച പ്രകടനം തന്നെ കാഴ്ച വച്ചു. ജെറമി റെന്നറുടെ വളരെ നല്ല കഥാപാത്രങ്ങളിൽ ഒന്നാണ് ഈ ചിത്രത്തിലേത്. വളരെ കുറച്ച് സമയം മാത്രമേ സ്ക്രീനിൽ വരുന്നുള്ളു എങ്കിലും നതാലി ഹാൻസൺ എന്ന കഥാപാത്രം പ്രേക്ഷകരുടെ ഉള്ളിൽ ഒരു നോവായി അവശേഷിക്കും .

🔸ഓരോ നിമിഷവും പ്രേക്ഷകനെ ആകാംഷയുടെ മുൾമുനയിൽ നിർത്തിയാണ് ചിത്രം മുന്നോട്ട് പോകുന്നത്. മഞ്ഞ് നിറഞ്ഞ മലനിരകളുടെ മനോഹാരിതയും ഭീകരതയും ഒന്നുപോലെ ബെൻ റിച്ചാർഡ്സൺ തന്റെ ക്യാമറയിൽ ഒപ്പിയെടുത്തിട്ടുണ്ട്. ചിത്രം കണ്ടിരിക്കുമ്പോൾ അറിയാതെ ഒരു തണുപ്പ് നിങ്ങളുടെ ദേഹത്തും അരിച്ചിറങ്ങും. എല്ലാത്തിലും ഉപരിയായി പ്രേഷകനെ പൂർണമായും തൃപ്തിപ്പെടുത്തുന്ന ഒരു ക്ലൈമാക്സ് ആണ് ചിത്രത്തിന്. ഈ വർഷം പുറത്തിറങ്ങിയ അമേരിക്കൻ ചിത്രങ്ങളിൽ എല്ലാ തരത്തിലും തൃപ്തിപ്പെടുത്തിയ ചിത്രങ്ങളിൽ ഒന്നാണ് വിൻഡ് റിവർ . നതാലി ഹാൻസൺ കുറിച്ചിട്ട ആ വാക്കുകൾ അവസാനിക്കാത്ത ഒരു കവിത പോലെ ആ മലനിരകളിൽ മുഴങ്ങുന്നത് എനിക്ക് ഇപ്പോഴും കേൾക്കാം. നഗ്നപാദയായി മഞ്ഞ് പാളികൾക്ക് മുകളിലൂടെ മൈലുകളോളം ഓടിയ അവളുടെ അവസാന വാക്കുകളും ഇതായിരുന്നു.

🔹🔹🔹There’s a meadow in my perfect world, where wind dances the branches of a tree, casting leopard spots of light across the face of a pond, the tree stands tall and grand and alone, shading the world beneath it . It is here, in the cradle of all I hold dear , I guard every memory of you . And when I find myself frozen in the mud, real far from your loving eyes, I will return to this place, and find solace in the simple perfection of knowing you🔹🔹🔹

🔸RATING : 4/5 (VERY GOOD)

🔸 For Getting The Movie Download Link Join AMAZING CINEMA Telegram Channel @
http://t.me/AmazingCinema

©PRADEEP V K

3.5 Star (Good) · English · Mystery · UK

162. THE LIMEHOUSE GOLEM (UK/MYSTERY/2016)

🔼162) THE LIMEHOUSE GOLEM (2016) 🔼A RECOMMENDATION🔹

🔼 നിരവധി പേരെ അതിക്രൂരമായി കൊലപ്പെടുത്തിയ കൊലയാളി ആണോ അതോ അയാളെ ഉന്മൂലനം ചെയ്തയാളാണോ ആരാവും എക്കാലവും ഓർമ്മിക്കപ്പെടുക?

🔼COUNTRY : UK
LANGUAGE : ENGLISH
GENRE : MYSTERY THRILLER
DIRECTION : JUAN CARLOS MEDINA
IMDB RATING : 6.3/10
‎ROTTEN TOMATOES RATING : 77%

🔼Peter Ackroyd 1994 ൽ എഴുതിയ Dan Leno And The Limehouse Golem എന്ന നോവലിനെ ആധാരമാക്കിയാണ് The Limehouse Golem എന്ന ബ്രിട്ടീഷ് ചിത്രം സംവിധാനം ചെയ്തിരിക്കുന്നത്. 1880 ൽ വിക്ടോറിയൻ ലണ്ടനിലെ Limehouse ൽ നടക്കുന്ന അതിക്രൂരമായ നിരവധി കൊലപാതകങ്ങൾ ജനങ്ങളെ ഭയത്തിലാഴ്ത്തുന്നു. സാധാരണ ഒരു മനുഷ്യന് ചെയ്യാനാവാത്ത തരത്തിലുള്ള ആ കൊലപാതകങ്ങൾ ചെയ്തത് കഥകളിൽ പറയുന്ന Golem എന്ന ഭീകര സത്വമാണെന്ന് അവർ വിശ്വസിക്കുന്നു. അതിനിടയിൽ John Cree എന്ന തന്റെ ഭർത്താവിന് വിഷം നല്കി കൊലപ്പെടുത്തി എന്ന കുറ്റത്തിന് Elizabeth Cree എന്ന തിയേറ്റർ നടിയെ പൊലീസ് അറസ്റ്റ് ചെയ്യുന്നു .Golem കൊലപാതകങ്ങൾ അന്വേഷിക്കാനെത്തുന്ന പുതിയ ഇൻസ്പെക്ടർ John Kildare, ആ മരണങ്ങളും John Cree യുടെ കൊലപാതകവും തമ്മിൽ എന്തോ ചില ബന്ധങ്ങളുണ്ടെന്ന് സംശയിക്കുന്നു . John Kildare ന്റെ അന്വേഷണത്തിൽ നിഗൂഡതകളുടെ ചുരുളുകൾ ഓരോന്നായി അഴിയുമ്പോൾ ഞെട്ടിപ്പിക്കുന്ന സത്യങ്ങളാണ് പുറത്ത് വരുന്നത്.

🔼 വിക്ടോറിയൻ കാലഘട്ടത്തിൽ യഥാർത്ഥത്തിൽ ജീവിച്ചിരുന്ന നിരവധി പ്രശസ്തർ ഈ ചിത്രത്തിൽ കഥാപാത്രങ്ങളിയെത്തുന്നുണ്ട്. പ്രശസ്ത സോഷ്യലിസ്റ്റ് ചിന്തകനായിരുന്ന Karl Marx, തിയേറ്റർ നടനായിരുന്ന Dan Leno എന്നിവരുടെ കഥാപാത്രങ്ങൾ അവയിൽ പെടുന്നു. ഒരു പാട് പ്രതീക്ഷയൊന്നുമില്ലാതെ കണ്ട് തുടങ്ങിയതാണെങ്കിലും അവസാനം അപ്രതീക്ഷിതമായ ക്ലൈമാക്സിലൂടെ ചിത്രം ഞെട്ടിച്ചു കളഞ്ഞു. Elizabeth Cree എന്ന കഥാപാത്രമായെത്തിയ Olivia Cooke ന്റെ പെർഫോർമൻസ് എടുത്ത് പറയേണ്ടതാണ് .പാളിച്ചകളില്ലാത്ത മികച്ച തിരക്കഥയും സംവിധാനവും കോസ്റ്റൂമുകളും അഭിനയ മികവും കൂടിച്ചേർന്നപ്പോൾ ഉയർന്ന നിലവാരമുള്ള ഒരു മിസ്റ്ററി ത്രില്ലർ ആണ് നമുക്ക് ലഭിച്ചത്. ആ കാലഘട്ടത്തിൽ സജീവമായിരുന്ന തിയേറ്റർ മ്യൂസിക്കൽ ഡ്രാമ നടീനടൻമാരുടെ ജീവിതം വളരെ നല്ല രീതിയിൽ ചിത്രത്തിൽ അവതരിപ്പിച്ചിട്ടുണ്ട്. ഈ ബ്രിട്ടീഷ് ചിത്രം നിങ്ങളെയും നിരാശപ്പെടുത്തില്ല എന്ന് വിശ്വസിക്കുന്നു.

🔼 For Getting The Movie Download Link Join AMAZING CINEMA Telegram Channel @
http://t.me/AmazingCinema

©PRADEEP V K

4.0 Star (Very Good) · Mystery · Spain · Spanish

126. THE SECRET IN THEIR EYES (SPAIN/MYSTERY/2009)

126. THE SECRET IN THEIR EYES (ARGENTINA-SPAIN/SPANISH/2009/ Mystery Crime Drama/129 Min/Dir: Juan Jose Campanella /Stars: Ricardo Darin, Soledad   Villamil, Pablo Rago, Javier Godino, Guillermo Francella)

🔹SYNOPSIS 🔹

▪ Edyardo Sacheri എഴുതിയ The Question in Their Eyes എന്ന നോവലിനെ ആധാരമാക്കി അദ്ദേഹവും സംവിധായകനായ Juan Jose Campanella യും കൂടി ചേർന്ന് തിരക്കഥയെഴുതിയ സ്പാനിഷ് ചിത്രമാണ് The Secret in Their Eyes. മികച്ച വിദേശഭാഷാ ചിത്രത്തിനുള്ള ഓസ്കാർ നേടിയ ഈ ചിത്രം സ്പാനിഷ് ഭാഷയിലെ ഏറ്റവും ജനപ്രീതി നേടിയ ചിത്രങ്ങളിൽ മുൻപന്തിയിലാണ് .1974ലും 1999 ലും രണ്ട് വ്യത്യസ്ത കാലഘട്ടങ്ങളിൽ  നടക്കുന്ന സംഭവങ്ങൾ അവതരിപ്പിച്ചിരിക്കുന്ന ഈ ചിത്രം നോൺ ലീനിയർ ആഖ്യാനശൈലിയാണ് സ്വീകരിച്ചിരിക്കുന്നത് .

▪ലോ എൻഫോഴ്സ്മെന്റ് ഓഫീസറായിരുന്ന ബെഞ്ചമിൻ എസ്പോസിറ്റോ (Ricardo Darin) ജോലിയിൽ നിന്നും വിരമിച്ചതിന് ശേഷം ഒരു നോവൽ എഴുതാനുള്ള ശ്രമത്തിലാണ് . 25 വർഷങ്ങൾക്ക് മുമ്പ് 1974ൽ നടന്ന ഒരു സ്ത്രീയുടെ കൊലപാതകവും അതുമായി ബന്ധപ്പെട്ട സംഭവങ്ങളും തന്റെ മേലുദ്യോഗസ്ഥയായ ഐറീനുമായി (Soledad Villamil) ഉണ്ടായിരുന്ന പ്രണയവും എല്ലാമാണ് അദ്ദേഹത്തിന്റെ നോവലിന്റെ ഇതിവൃത്തം . ഇപ്പോൾ ജഡ്ജ് ആയ ഐറീൻ നോവൽ പൂർത്തിയാക്കാനുള്ള സഹായങ്ങൾ എല്ലാം വാഗ്ദാനം ചെയ്യുന്നുണ്ടെങ്കിലും തന്റെ വ്യക്തി ജീവിതത്തെപ്പോലും ദോഷമായി ബാധിച്ച  ദുരൂഹത നിറഞ്ഞ പഴയ സംഭവങ്ങൾ കണ്ണികൾ പൊട്ടാതെ ചേർത്തു വയ്ക്കാൻ എസ്പോസിറ്റോക്ക് കഴിയുന്നില്ല.

▪ക്രൂരമായ ബലാത്സംഗത്തിന് ശേഷം കൊല്ലപ്പെടുന്ന ലിലിയാന എന്ന യുവതിയും നീതിക്ക് വേണ്ടി വാദിക്കുന്ന അവളുടെ ഭർത്താവായ റിക്കാർഡോയും (Pablo Rago) യും സംശയത്തിന്റെ മുൾമുനയിൽ നിന്ന ഇസിഡോറോ ഗോമസും (Javier Godino) കേസന്വേഷണത്തിൽ തന്നെ സഹായിച്ച സരസനും മദ്യപാനിയുമായ സഹപ്രവർത്തകൻ  പാബ്ലോ സാൻഡോവലും (Guillermo Francella) എല്ലാം അദ്ദേഹത്തിന്റെ ഓർമകളിലൂടെ കടന്ന് പോകുന്നു . അവയിൽ നിന്ന് സംഭവങ്ങളുടെ ദുരൂഹതകൾ വേർതിരിച്ച് യാഥാർത്ഥ്യങ്ങൾ   കണ്ടെത്താനും അങ്ങനെ തന്റെ നോവൽ പൂർത്തിയാക്കാനും എസ്പോസിറ്റോയ്ക്ക് കഴിയുമോ എന്നതാണ് ഈ ചിത്രത്തിന്റെ ഇതിവൃത്തം .

▪എല്ലാ അർത്ഥത്തിലും പൂർണതയുള്ള ചിത്രം എന്ന് ഈ ചിത്രത്തെ വിശേഷിപ്പിക്കാം .ശക്തമായ തിരക്കഥയും സംഭാഷണങ്ങളും പുതുമയാർന്ന സംവിധാന ശൈലിയും അഭിനേതാക്കളുടെ മികച്ച പെർഫോർമൻസും എല്ലാം ഈ ചിത്രത്തെ വേറിട്ടു നിർത്തുന്നു .കാലത്തിന് കെടുത്താനാവാത്ത പ്രണയത്തിന്റെ  തീക്ഷ്ണതയും കുറ്റാന്വേഷണത്തിന്റെ ഉദ്യോഗ നിമിഷങ്ങളും അപ്രതീക്ഷിതവും മനോഹരവുമായ ക്ലൈമാക്സും ഉള്ള The Secret In Their Eyes തീർച്ചയായും കണ്ടിരിക്കേണ്ട ചിത്രങ്ങളിൽ ഒന്നാണ് . ഈ ചിത്രം ഇതേ പേരിൽ 2015ൽ ഹോളിവുഡിൽ റീമേക്ക് ചെയ്തിട്ടുണ്ടെങ്കിലും ആദ്യ ചിത്രത്തിന്റെ ജനപ്രീതിയോ നിരൂപക പ്രശംസയോ നേടാനായില്ല എന്നത് ഈ ചിത്രത്തിന്റെ മാറ്റ് വീണ്ടും കൂട്ടുന്നു .

🔹VERDICT :  VERY GOOD ( A Brilliant and Unpredictable Crime Drama )

©PRADEEP V K (AMAZING CINEMA)

4.5 Star (Brilliant) · English · Mystery · USA

70. MULHOLLAND DRIVE (USA/MYSTERY/2001)

🔹AMAZING CINEMA # 70

🔹MULHOLLAND DRIVE (USA/English/2001/Mystery/146Min/Dir: David Lynch/Starring: Naomi Watts, Justin Theroux, Laura Elena Harring)

🔹SYNOPSIS🔹

▪സിനിമ ഒരു സ്പൂൺ ഫീഡിംഗ് ആണ് എന്ന് വിശ്വസിക്കുന്നവർക്ക് ഉള്ളതല്ല David Lynch സംവിധാനം ചെയ്ത Mulholland Drive . പല പ്രാവശ്യം കണ്ട് തല പുകച്ച് മനസ്സിലാക്കേണ്ട ഒരു ചിത്രമാണിത് . ഇവിടെ സിനിമ എന്താണ് , എന്തിനെക്കുറിച്ചാണ്  എന്ന് കണ്ടു പിടിക്കേണ്ട ഉത്തരവാദിത്തം പ്രേക്ഷകനാണ് .ഒരു സിനിമാ നിരൂപകൻ പറഞ്ഞത് പോലെ വിഭവസമൃദ്ധമായ ഒരു ഭക്ഷണം കഴിച്ച് കഴിഞ്ഞ് എന്താണ് കഴിച്ചത് എന്ന് അറിയാൻ കഴിയാത്ത ഒരവസ്ഥ അതാണ് ഈ ചിത്രം സമ്മാനിക്കുന്നത് .

▪യാഥാർത്ഥ്യം , സ്വപ്നം , ഫ്ലാഷ്ബാക്ക് ,ഹാലൂസിനേഷൻസ് എല്ലാം ഇടകലർന്ന വ്യത്യസ്ഥ കാലഘട്ടങ്ങളിലുള്ള ഒരു കഥയാണ് ഈ ചിത്രം പറയുന്നത് . പരാജിതയായ ഒരു ഹോളിവുഡ് നടിയുടെ മറ്റൊരു നടിയുമായുള്ള പ്രണയബന്ധവും അതിന്റെ തകർച്ചയും പ്രതികാരവുമാണ് ചിത്രത്തിന്റെ പ്രധാന കഥ എന്ന് പറയാം .പലപ്പോഴും കഥാപാത്രങ്ങൾ തമ്മിലുള്ള ബന്ധം മനസ്സിലായി വരുമെന്ന് തോന്നുമെങ്കിലും  ഒന്നും എവിടെയും അവസാനിക്കുന്നില്ല . 

▪ഒന്നുറപ്പാണ് ഈ ചിത്രത്തിന്റെ കഥ ആദ്യം മുതൽ അവസാനം വരെ കോർത്തിണക്കി പറയാൻ ആർക്കും സാധിക്കില്ല .പക്ഷേ ഈ ചിത്രം ഒരിക്കലും നിങ്ങളെ ബോറടിപ്പിക്കില്ല .ആദ്യാവസാനം തികഞ്ഞ ആകാംഷയോടെ കണ്ടിരിന്നു പോകുന്ന ചിത്രം . ഒരു മാസ്റ്റർ പീസ് സിനിമ എന്ന വിശേഷണം ഏറ്റവും നന്നായി ചേരുന്ന ലോകമെമ്പാടും ഉള്ള സിനിമാ നിരൂപകരുടെ ഇഷ്ട ചിത്രമായ Mulholland Drive നിരവധി പുരസ്കാരങ്ങളും സ്വന്തമാക്കിയിട്ടുണ്ട് .

🔹AMAZING CINEMA RATING # 4.5/5 ( Brilliant )

© PRADEEP V K (AMAZING CINEMA)

4.0 Star (Very Good) · India · Malayalam · Mystery

37. MUNNARIYIPPU (INDIA/MYSTERY/2014)

🔹AMAZING CINEMA # 37
🔹MUNNARIYIPPU ( India / Malayalam / 2014 / Mystery Thriller / 115 Min / Dir: Venu / Starring: Mammootty, Aparna Gopinath )
🔹SYNOPSIS 🔹
▪പേര് പോലെ തന്നെ ഈ ചിത്രം പലർക്കും ഒരു മുന്നറിയിപ്പാണ്. മലയാള സിനിമയിൽ  മമ്മൂട്ടി എന്ന നടന്റെ സ്ഥാനം ആർക്കും തട്ടിയെടുക്കാനാവില്ല എന്ന മുന്നറിയിപ്പ്. രണ്ട് സ്ത്രീകളെ കൊലപ്പെടുത്തി എന്ന പേരിൽ ജീവപര്യന്തം തടവുശിക്ഷ അനുഭവിക്കുന്ന ആളാണ് മമ്മൂട്ടി അവതരിപ്പിക്കുന്ന സി.കെ.രാഘവൻ എന്ന കഥാപാത്രം .            അദ്ദേഹത്തിന്റെ ജീവിതകഥയിൽ നിന്നും ഒരു പുസ്തകം എഴുതുന്നതിന് വേണ്ടി അപർണ ഗോപിനാഥിന്റെ ജേർണലിസ്റ്റ് കഥാപാത്രം നടത്തുന്ന ശ്രമങ്ങളാണ് ഈ ചിത്രം പറയുന്നത്. ക്ലൈമാക്‌സിന് തൊട്ട് മുൻപുള്ള നിമിഷം വരെ സസ്പെസസ് നിലനിർത്തുന്ന ഈ ചിത്രത്തിലെ സി.കെ.രാഘവൻ മമ്മൂട്ടി എന്ന നടന്റെ അഭിനയ ജീവിതത്തിലെ ഏറ്റവും മനോഹരമായ കഥാപാത്രങ്ങളിൽ ഒന്നാണ്. വളരെ എളുപ്പം കൈയിൽ നിന്നും വഴുതി വീഴാവുന്ന ഈ കഥാപാത്രം അതീവ സൂക്ഷ്മതയോട് കൂടിയാണ് അദ്ദേഹം അവതരിപ്പിച്ചിരിക്കുന്നത് . ഇനിയും കണ്ടിട്ടില്ലാത്തവർ ഉടൻ തന്നെ ഈ ചിത്രം കാണുക .
🔹AMAZING CINEMA RATING : 4/5

4.5 Star (Brilliant) · Canada · Drama · French · Mystery

12. INCENDIES (CANADA/MYSTERY/2010)

🔹AMAZING CINEMA # 12
MOVIE TITLE : INCENDIES
CUNTRY : Canada
LAUNGUAGE : French, Arabic
YEAR : 2010
GENRE : Mystery,  Drama
DIRECTED BY : Denis Villeneuve
STARRING : Lubna Azabal, Melissa Desormeaux-Poulin
RUNNING TIME : 130min
IMDB RATING : 8.2/10
ROTTEN TOMATOES RATING : 92%
AWARDS & NOMINATIONS : 
* Nomination for Academy award for best foreign language film 

* Best Feature Film awarded by the jury at the 2011 Adelaide Film Festival * Best Film, Director, Actress, Adapted Screenplay, Cinematography, Editing, Sound and Sound Editing awards in 31st Genie Awards.
🔹SYNOPSIS🔹
▪Incendies is a Canadian mystery drama film adapted from Wajdi Mouawad’s play of the same name. During the reading of the will of their mother’s (Lubna Azabal), a twin brother and sister learn of some unusual last wishes. Amongst other requests, two envelopes need to be delivered to respectively the father of the two and a brother whom are both unknown. The quest leads the twins through the Middle East where they slowly learn of the horrific tales which is the life history of their late mother. This movie tells a very shocking story , perfectly shot and acted which makes the viewer fully immersed into the journey. Through flashbacks we learn about the hardship of their mother and unusual fate of their father and brother. The stunning climax of the movie will definitely shock the viewer .

This review will not complete without mentioning about the acting of the main actress Lubna Azabal who portrayed the character of Nawal Marwan, the mother. She is absolutely fantastic, no two words about it. Other departments including the haunting music and songs will definitely make you glued to the seats. 
▪In its Middle Eastern setting, the film takes on a contemporary feel, and the scenes of battle, rape and torture are concise and pitiless. All horror of civil war in middle eastern countries is explicit in this movie. The screen play of this movie is absolutely chilling when it shows young adolescents with rifles, killing others of their own age when neither shooter nor target is old enough to understand the gift of life.This movie is much more than a thriller and succeeds in demonstrating how senseless and hate others because of their religion.  Most people do not choose their religions but have them forced upon themselves by birth, and the lesson of “Incendies” is that an accident of birth is not a reason for hatred. After all the most happiest thing in life is to be together.
🔹AMAZING CINEMA RATING : 4.5/5 ( Highly Recommended)