4.0 Star (Very Good) · Drama · English · Psychological · USA

136. JACOB’S LADDER (USA/PSHYCHOLOGICAL DRAMA/1990)

🔹136. JACOB’S LADDER (USA/English/1990/Psychological Drama/113 Min/Dir: Adrian Lyne /Stars: Tim Robbins, Elizabeth Pena )

🔹 SYNOPSIS 🔹

 

▪ ബൈബിളിൽ ജേക്കബ് കാണുന്ന ദിവാസ്വപ്നത്തിലെ ഭൂമിയും സ്വർഗവും തമ്മിൽ ബന്ധിപ്പിക്കുന്ന ഏണിയാണ് Jacob’s Ladder എന്നറിയപ്പെടുന്നത് . എന്നാൽ Jacob’s Ladder എന്ന അമേരിക്കൻ ചിത്രത്തിൽ വിയറ്റ്നാം യുദ്ധത്തിൽ പങ്കെടുത്ത് കടുത്ത പീഡനങ്ങൾ അനുഭവിച്ച അമേരിക്കൻ മുൻ പട്ടാളക്കാരനാണ് ജേക്കബ് . വിയറ്റ്നാം യുദ്ധത്തിൽ മാരകമായി മുറിവേറ്റ് പട്ടാളത്തിൽ നിന്ന് വിരമിച്ച ജേക്കബ് യാഥാർത്ഥ്യത്തിനും സ്വപ്നത്തിനും ഹാലൂസിനേഷൻസിനുമിടയിൽ പെട്ടു പോകുന്നു . ഇടയ്ക്കിടക്ക് കാണുന്ന ഭീകരമായ ദുസ്വപ്നങ്ങളും മായക്കാഴ്ചകളും അയാളെ ഉന്മാദത്തിന്റെ മൂർദ്ധന്യാവസ്ഥയിൽ എത്തിക്കുന്നു .പരസ്പര ബന്ധമില്ലാതെ ആവർത്തിക്കുന്ന മായക്കാഴ്ചകളുടെ ലോകത്തിലൂടെ നീങ്ങുന്ന ജേക്കബിന് യഥാർത്ഥത്തിൽ എന്തായിരുന്നു സംഭവിച്ചത്?

▪ ആദ്യ രംഗം മുതൽ അവസാന രംഗം വരെ പ്രേക്ഷകരെ വല്ലാത്ത ഒരു മാനസികാവസ്ഥയിലൂടെ കൂട്ടിക്കൊണ്ട് പോകുന്ന ഒരു ചിത്രമാണ് Jacob’s Ladder. Bruce Joel Rubin  കഥയെഴുതിയ ഈ ചിത്രത്തിന്റെ ക്ലൈമാക്സ് സമ്മാനിക്കുന്ന ഞെട്ടൽ മാറാൻ കുറച്ച് സമയം എടുക്കുമെന്ന് ഉറപ്പാണ്. ഹോണ്ടിംഗ് എന്നോ ഡിസ്റ്റർബിംഗ് എന്നോ നിങ്ങൾക്കതിനെ വിളിക്കാം. Fatal Attraction, Unfaithful തുടങ്ങിയ ചിത്രങ്ങളുടെ സംവിധായകനായ Adrian Lyne ന്റെ ഏറ്റവും വ്യത്യസ്തമായ ചിത്രീകരിക്കാൻ ഏറെ ബുദ്ധിമുട്ടേറിയ ചിത്രമായിരുന്നു ഇത് .ചിത്രത്തിലെ സ്പെഷൽ ഇഫക്ടുകൾ പോസ്റ്റ് പ്രൊഡക്ഷൻ ഇഫക്ടുകൾ ഉപയോഗിക്കാതെ പൂർണമായും ക്യാമറയിൽ ഷൂട്ട് ചെയ്താണ് ചിത്രീകരിച്ചിരിക്കുന്നത് . 

▪ ചിത്രത്തിന്റെ  അവസാന ഭാഗത്തെ ഹോസ്പിറ്റൽ രംഗങ്ങൾ ഏറ്റവും ഭീകരമായ സിനിമാരംഗങ്ങളിൽ ഒന്നായി നിരൂപകർ വിലയിരുത്തുന്നു. ജേക്കബ് സിംഗറിന്റെ വേഷം അവതരിപ്പിച്ച Tim Robbins ന്റെ പെർഫോർമൻസ് അപാരമായിരുന്നു .ഏത് നിമിഷവും കൈവിട്ട് പോകാവുന്ന ആ കഥാപാത്രം അത്രയേറെ തന്മയത്വത്തോടെയാണ് അദ്ദേഹം അവതരിപ്പിച്ചത് .റിലീസ് ചെയ്ത സമയത്ത് തിയേറ്ററുകളിൽ വിജയമായില്ലെങ്കിലും നിരൂപക പ്രശംസ നേടിയ ഈ ചിത്രം പിന്നീട് നിരവധി സംവിധായകർക്ക് പ്രചോദനമായിട്ടുണ്ട് . എല്ലാത്തരം പ്രേക്ഷകർക്കും ഒരുപോലെ ആസ്വദിക്കാനാവാത്ത ഈ ചിത്രത്തിൽ ലോകസിനിമയിലെ തന്നെ ഏറ്റവും മികച്ച ഒരു ക്ലൈമാക്സ് ട്വിസ്റ്റ് നിങ്ങളെ കാത്തിരിക്കുന്നു .

🔹VERDICT :  GOOD ( An Emotionally Disturbing Psychological Drama )

©PRADEEP V K (AMAZING CINEMA)

Advertisements
4.0 Star (Very Good) · Japan · Japanese · Psychological · Thriller

108. CREEPY (JAPAN/PSHYCHOLOGICAL THRILLER/2016)

🔹AMAZING CINEMA # 108

🔹CREEPY (Japan/Japanese/2016/Psychological Thriller/Dir: Kiyoshi Kurosawa/Starring: Hidetoshi Nishijima, Teruyuki Kagawa)

🔹 Japanese movies are well known for edge of the seat Psychological Thrillers which will take viewers to unseen boundaries of cinematic experience. The 2016 film CREEPY is no exception.

🔹 SYNOPSIS  🔹

▪Koichi Takakura ( Hidetoshi Nishijima ) is a Profiler in Japan police department who uses his skills of Psychological assessment for evaluating Psycho Criminals . But one day his assessment falls wrong and he got seriously injured during the process. After that he resigned his job and joined as a university professor in Criminal Psychology and shifted his residence near to his new job with his wife Yasuko ( Yuko Takeyuchi ). During a research related to his study he came across a cold case involving the disappearence of three persons in a family leaving only an unreliable witness.  Koichi visited the crime scene and using his profiling background talked to Saki Honda who is the only remaining member of the disappeared family and witness to the crime. He smells something wrong in the explanation given by Saki and started to investigate the case with the help of his Police friend and without the knowledge of Police Department. 

▪During that time his wife made an acquaintance with their secretive neighbor Masato Nishino ( Teruyuki Kagawa ) and his daughter. But Koichi Takakura finds something mysterious about Masato and saw parallels with the missing family case. Who is this Masato Nishino and does he have any relation with the missing family case? Or does all these are the imaginations of Koichi Takakura’s Psychologist’s mind? See the film the find the answers to all these unanswered questions.

🔹 ASSESSMENT 🔹

▪This film is a type of film which will draw viewers in to it from the very start itself. The film is completely true to its title and is utterly creepy which will draw sheer nervousness inside the viewer’s mind.  Kiyoshi Kurosawa done his best as a director and a made a film which is absolutely thrilling from start to end . The actors done their part very well especially  Teruyuki Kagawa who played the role of the mysterious Masato Nishino with sheer ease . His performance is the key element in this film and you can’t really guess what this character is going to do next. This film is based on a famous Japanese mystery novel and the screenplay is partly done by the director itself. This film is taut and gripping in its 130 min running time and is  recommended to all who love to watch dark Psychological Thrillers​ .

🔹Rating : 3.75/5 ( Gripping Psychological Thriller )
©PRADEEP V K

3.5 Star (Good) · English · Psychological · Thriller · USA

101. NOCTURNAL ANIMALS (USA/PSYCHOLOGICAL THRILLER/2016)

🔹AMAZING CINEMA # 101
🔹MOVIE TITLE : NOCTURNAL ANIMALS (2016)
🔹 രാജ്യം : USA
🔹ഭാഷ : ENGLISH
🔹വിഭാഗം : NEO NOIR PSYCHOLOGICAL THRILLER
🔹സംവിധാനം : TOM FORD
🔹അഭിനേതാക്കൾ : AMY ADAMS , JAKE GYLLENHAAL , MICHAEL SHANNON, AARON TAYLOR JOHNSON

🔹കഥാ സംഗ്രഹം 🔹

▪ ആർട്ട് ഗ്യാലറി ഉടമയായ സൂസന് ( Amy Adams) തന്റെ മുൻ ഭർത്താവും എഴുത്തുകാരനുമായ എഡ്‌വേർഡി (Jake Gyllenhaal) ൽ നിന്ന് അദ്ദേഹത്തിന്റെ പുതിയ നോവലിന്റെ കയ്യെഴുത്ത് പ്രതി ലഭിക്കുന്നു . നോവലിന് എഡ്വേർഡ് സൂസനെ കളിയാക്കി വിളിച്ചിരുന്ന NOCTURNAL ANIMALS എന്ന പേരാണ് നല്കിയിരുന്നത് . യഥാർത്ഥ സംഭവങ്ങളും നോവലിലെ സംഭവങ്ങളും സമാന്തരമായി പറഞ്ഞു പോകുന്ന ഒരു ആഖ്യാന ശൈലിയാണ് ചിത്രത്തിൽ സ്വീകരിച്ചിരിക്കുന്നത് .

▪  ടോം ഹാസ്റ്റിംഗ്സ് (Jake Gyllenhaal) എന്ന സ്വതവേ സമാധാന പ്രിയനായ വ്യക്തിയുടെ ജീവിതത്തിലുണ്ടാകുന്ന അപ്രതീക്ഷിത സംഭവങ്ങളാണ് നോവലിന്റെ ഇതിവൃത്തം . ഒരു ദിവസം രാത്രിയിൽ ഭാര്യയോടും മകളോടുമൊപ്പം കാറിൽ വിജനമായ റോഡിലൂടെ യാത്ര ചെയ്യുമ്പോൾ മറ്റൊരു കാറിൽ വന്ന മൂന്ന് ചെറുപ്പക്കാർ അവരുടെ വാഹനം തടഞ്ഞു നിർത്തി ടോമിന്റെ ഭാര്യയേയും മകളെയും തട്ടിക്കൊണ്ടു പോകുന്നു .അപരിചിതമായ ഒരു സ്ഥലത്ത് ഉപേക്ഷിക്കപ്പെടുന്ന ടോം പോലീസ് സ്‌റ്റേഷനിൽ എത്തി പരാതിപ്പെടുന്നു . ബോബി ആൻഡിസ് (Michael Shannon) എന്ന പോലീസ് ഓഫീസറുടെ സഹായത്തോടെ നടത്തുന്ന അന്വേഷണത്തിൽ അത്യന്തം സ്തോഭജനകമായ വാർത്തകളാണ് ടോമിന് കേൾക്കേണ്ടി വരുന്നത് . 

▪ വളരെയധികം വയലൻസും ദു:ഖവും മാത്രം നിറഞ്ഞു നില്ക്കുന്ന നോവൽ വായിക്കുന്നതിനിടയിൽ തന്റെ ജീവിതത്തിൽ നടന്ന ഓരോ സംഭവങ്ങളിലൂടെയും സൂസന്റെ മനസ്സ് സഞ്ചരിക്കുന്നു .എന്തിനായിരുന്നു എഡ്വേർഡ് സൂസന് ഇങ്ങനെയൊരു നോവലിന്റെ കയ്യെഴുത്ത് പ്രതി അയച്ചു കൊടുത്തത് ? യാഥാർഥ്യവും ഫിക്ഷനും ഇടകലർന്ന ഒരു ഇമോഷണൽ ത്രില്ലറിലേക്ക് സംവിധായകൻ നമ്മെ കൂട്ടിക്കൊണ്ട് പോകുന്നു .

🔹സ്ക്രീനിന് പിന്നിൽ🔹

▪ 2009 ൽ ഇറങ്ങിയ A Single Man എന്ന ചിത്രത്തിലൂടെ സംവിധാന രംഗത്തെത്തിയ Tom Ford ന്റെ രണ്ടാമത്തെ ചിത്രമാണ് Nocturnal Animals . Austin Wright ന്റെ Tony and Susan എന്ന നോവലിനെ ആധാരമാക്കി Tom Ford തന്നെയാണ് ചിത്രത്തിന്റെ തിരക്കഥയും രചിച്ചിരിക്കുന്നത് .

🔹സ്ക്രീനിൽ🔹

▪ സൂസൻ എന്ന നായികാ കഥാപാത്രത്തെ അവതരിപ്പിച്ച Amy Adams വളരെ മിതത്വമാർന്ന അഭിനയമാണ് കാഴ്ച വച്ചത് . എഡ്വേർഡ് എന്ന എഴുത്തുകാരനായും ടോം എന്ന നോവലിലെ കഥാപാത്രമായും Jake Gyllenhaal എപ്പോഴത്തേയും പോലെ തന്റെ വേഷങ്ങൾ അതിഗംഭീരമാക്കി . ലങ്ങ് കാൻസർ ബാധിച്ച ബോബി ആൻഡിസ് എന്ന പോലീസ് ഓഫീസറായെത്തിയ Michael Shannon ഈ കഥാപാത്രത്തിന് മികച്ച സഹനടനുള്ള ഓസ്കാർ നോമിനേഷൻ നേടി .വില്ലൻ വേഷത്തിലെത്തിയ Aaron Taylor Johnson ഈ ചിത്രത്തിലൂടെ മികച്ച സഹനടനുള്ള ഗോൾഡൻ ഗ്ലോബ് പുരസ്കാരവും നേടിയിരുന്നു .

🔹വിധി നിർണയം🔹

▪ വളരെ സങ്കീർണമായ ഈ ചിത്രത്തിൽ സിംബോളിക് ആയ നിരവധി രംഗങ്ങൾ ഉണ്ട് .ചിത്രത്തിന്റെ ആദ്യ രംഗം തന്നെ സാധാരണ പ്രേക്ഷകന്റെ നെറ്റി ചുളിച്ചേക്കാം . സിനിമയിലും സിനിമക്കുള്ളിലെ നോവലിലും ദുരന്തങ്ങളും വേദനയും ആണ് നിറഞ്ഞു നില്ക്കുന്നത്.അത് കൊണ്ട് തന്നെ എല്ലാവർക്കും ഈ ചിത്രം ഒരു പോലെ ഇഷ്ടപ്പെടാൻ സാധിക്കില്ല .

▪ പ്രത്യക്ഷത്തിൽ ഒരു നെഗറ്റീവ് ആയ അനുഭൂതി ആണ് ഈ ചിത്രം കണ്ടാൽ ലഭിക്കുന്നത് .പക്ഷേ ഒറ്റ കാഴ്ചയിൽ നമുക്ക് മനസ്സിലാവുന്നതിൽ കൂടുതൽ ചിന്തയിലൂടെ അറിയേണ്ട ഒരു ചിത്രമാണിത് . പക്വതയാർന്ന സംവിധാനവും മികച്ച ക്യാമറയും അഭിനേതാക്കളുടെ തകർപ്പൻ പ്രകടനവും ഈ ചിത്രത്തെ മികച്ച ഒരനുഭവമാക്കുന്നുണ്ട് .

🔹റേറ്റിംഗ് : 3.5/5 ( An Exceptional Multilayered  Thriller)

🔹പിൻകുറിപ്പ് :  ചിത്രം കാണുന്നവർ ഇതിൽ ആദ്യ രംഗം മുതൽ ഉപയോഗിച്ചിരിക്കുന്ന സിംബോളിസം ശ്രദ്ധിക്കുക .കഥാപാത്രങ്ങളുടെ മാനസികാവസ്ഥ സംവിധായകൻ അവയിലൂടെ വ്യക്തമാക്കാൻ ശ്രമിച്ചിട്ടുണ്ട് .

©PRADEEP V K

3.5 Star (Good) · Austria · German · Psychological · Thriller

88. FUNNY GAMES (AUSTRIA/PSHYCHOLOGICAL THRILLER/1997)

🔹AMAZING CINEMA # 88
🔹MOVIE TITLE : FUNNY GAMES (1997)
🔹COUNTRY : AUSTRIA 
🔹LANGUAGE : GERMAN / FRENCH
🔹GENRE : PSYCHOLOGICAL THRILLER 
🔹DIRECTOR : MICHAEL HANEKE
🔹 STARRING : SUSANNE LOTHAR, ULRICH MUHE, ARNO FRISCH, FRANK GIERING

🔹SYNOPSIS🔹

▪ജോർജ് , അന്ന ,അവരുടെ മകൻ എന്നിവർ അടങ്ങുന്ന കുടുംബം ആസ്ട്രിയയിലെ അവരുടെ ലേക്ക് ഹൗസിൽ അവധിക്കാലം ചെലവഴിക്കാൻ എത്തുന്നിടത്തു നിന്നാണ് ഈ മൈക്കൽ ഹനേകേ ചിത്രത്തിന്റെ തുടക്കം . കുറച്ച് സമയത്തിന് ശേഷം അവരുടെ അയൽക്കാരന്റെ ബന്ധു എന്ന് പരിചയപ്പെടുത്തിക്കൊണ്ട് ഒരു ചെറുപ്പക്കാരൻ അവരുടെ വീട്ടിൽ എത്തുന്നു .പെരുമാറ്റത്തിൽ വളരെ  മാന്യനായി കാണപ്പെട്ട അയാളുടെ ആവശ്യം വളരെ ചെറുതായിരുന്നു . ഭക്ഷണം പാകം ചെയ്യാനായി നാല് മുട്ടകൾ വേണം . കുറച്ച് സമയത്തിനകം അയാളുടെ സുഹൃത്തായ മറ്റൊരു ചെറുപ്പക്കാരനും കൂടി അവിടെ എത്തുന്നു .എന്നാൽ അവരുടെ ഉദ്ദേശ്യം മറ്റ് പലതും ആയിരുന്നു . പതിയെപ്പതിയെ ആ വീടിന്റെ നിയന്ത്രണം ഏറ്റെടുക്കുന്ന ആ ചെറുപ്പക്കാരുടെ സാഡിസ്റ്റിക് ഗെയിംസിൽ പങ്കാളികളാകാൻ ആ കുടുംബം നിർബന്ധിതരാകുന്നു . 

▪ഒരിക്കലും സംഭവിക്കരുതേ എന്ന് ആരും ചിന്തിച്ചു പോകുന്ന സംഭവങ്ങൾ ഒന്നിന് പിറകേ ഒന്നായി നടക്കുന്ന ചിത്രങ്ങൾ മാനസികമായി ചിലരെ ബുദ്ധിമുട്ടിച്ചേക്കാം . അത്തരക്കാർക്ക് പറ്റിയതല്ല ഈ ചിത്രം . വളരെ കുറച്ച് അഭിനേതാക്കളെ വച്ച് റിയലിസ്റ്റിക് ആയി ചിത്രീകരിച്ചിരിക്കുന്ന ഈ ചിത്രത്തിൽ മൈക്കൽ ഹനേകേ എന്ന സംവിധായകന്റെ കഴിവ് വ്യക്തമാക്കുന്ന നിരവധി ഷോട്ടുകൾ ഉണ്ട് .ചെറുപ്പക്കാരുടെ വേഷം അഭിനയിച്ചിരിക്കുന്ന നടൻമാർ പലപ്പോഴും പ്രേക്ഷകനോട് കൂടി സംവദിക്കുന്ന രീതിയിൽ ചിത്രീകരിച്ചിരിക്കുന്ന ഈ ചിത്രം കാണുമ്പോൾ നിങ്ങളും കഥയുടെ ഒരു ഭാഗമാണെന്ന്  അനുഭവപ്പെടും . മികച്ച അഭിനയ മുഹൂർത്തങ്ങളും  ചിത്രത്തിന്റെ തീവ്രത വ്യക്തമാക്കുന്ന തരത്തിലുള്ള സംഗീതവും വളരെ മികച്ച ഒരു എൻഡ് നോട്ടും ചിത്രത്തിനുണ്ട് .പക്ഷേ Funny Games പേര് പോലെ അത്ര Funny അല്ല ചിത്രം എന്ന് മാത്രം ഓർക്കുക . 

▪ മൈക്കൽ ഹനേകേ തന്നെ 2007 ൽ ഇംഗ്ലീഷിൽ ഈ ചിത്രം ഇതേ പേരിൽ റീമേക്ക് ചെയ്തിട്ടുണ്ട് .അത് പോലെ വൈറ്റ് ബോയ്സ് എന്ന പേരിൽ മലയാളത്തിലും ഈ ചിത്രം റിമേക്ക് ചെയ്തിട്ടുണ്ട് . എങ്കിലും 1997ലെ ഒറിജിനൽ തന്നെ കാണാൻ ശ്രമിക്കുക.

🔹AMAZING CINEMA RATING : 3.5/5 (Good)
©PRADEEP V K

4.0 Star (Very Good) · Hindi · India · Psychological · Thriller

74. PHOBIA (INDIA/PSYCHOLOGICAL THRILLER/2016)

🔹AMAZING CINEMA # 74

🔹FILM : PHOBIA (2016)

🔹LANGUAGE : HINDI

🔹GENRE : PSYCHOLOGICAL THRILLER

🔹DIRECTOR : PAVAN KIRPALANI

🔹 RUNNING TIME : 99Min

🔹 STARRING : RADHIKA APTE

🔹SYNOPSIS 🔹

▪മെഹക്  പ്രശസ്തയായ ഒരു ആർട്ടിസ്റ്റ് ആണ് . തന്റെ ഒരു പെയിൻറിംഗ് എക്സിബിഷനു ശേഷം രാത്രി ഒറ്റയ്ക്ക് തിരികെ പോകുമ്പോൾ ഉണ്ടായ ഒരു ആകസ്മിക സംഭവത്തിനു ശേഷം അവർക്ക് വീടിന് പുറത്തിറങ്ങാൻ ഭയം ഉണ്ടാക്കുന്ന Agoraphobia എന്ന രോഗം ബാധിക്കുന്നു .അപരിചിതരായ വ്യക്തികളോ സ്ഥലങ്ങളോ എല്ലാം അവർക്ക് നിയന്ത്രിക്കാനാവാത്ത ഭയം ഉണ്ടാക്കുന്നു .അതോടൊപ്പം അവർക്ക് മാത്രം കാണാനാവുന്ന ചില ഭീകര ദൃശ്യങ്ങളും അവരെ വേട്ടയാടുന്നു .യാഥാർത്യമേത് തോന്നലേത് എന്നറിയാൻ കഴിയാത്ത ഈ ഒരവസ്ഥയിൽ നിന്ന് രക്ഷപെടാൻ മെഹക് നടത്തുന്ന ശ്രമങ്ങളാണ് ഫോബിയ എന്ന ഈ ചിത്രം പറയുന്നത് .

▪ഒരു സൈക്കോളജിക്കൽ  ത്രില്ലറിന് വേണ്ട എല്ലാ ചേരുവകളും ചിത്രത്തിലുണ്ട് .എന്നിരുന്നാലും മെഹക് എന്ന കഥാപാത്രത്തെ അവതരിപ്പിച്ച രാധിക ആപ്തേയുടെ പെർഫോർമൻസ് ആണ് ചിത്രത്തിന്റെ ഹൈലൈറ്റ് . അപാരമായ  കൈയടക്കത്തോടെ രാധിക ആപ്തേ ശരിക്കും ഞെട്ടിച്ചു കളഞ്ഞു എന്നതാണ് സത്യം. Agoraphobia എന്ന രോഗത്തിന്റെ ഭീകരത ഓരോ ഫ്രയിമിലും നമ്മെ ബോധ്യപ്പെടുത്താൻ അവർക്ക് സാധിച്ചു . മികച്ച സംവിധാനത്തിലൂടെ ആദ്യവസാനം കാണികളെ പിടിച്ചിരുത്താൻ സംവിധായകൻ പവൻ കൃപലാനിക്ക് സാധിച്ചിട്ടുണ്ട് .ഇന്ത്യൻ സിനിമകളിൽ അപൂർവ്വമായ മികച്ച ഒരു സൈക്കോളജിക്കൽ ത്രില്ലർ ആണ് ഈ ചിത്രം .

🔹AMAZING CINEMA RATING # 4/5
© PRADEEP V K (AMAZING CINEMA)

3.0 Star (Above Average) · Drama · France · French · Psychological

65. IRREVERSIBLE (FRANCE/DRAMA/2002)

🔹AMAZING CINEMA # 65

🔹IRREVERSIBLE (France/French/2002/Psychological Drama/97Min/Gaspar Noe/Starring: Monica Bellucci, Vincent Cassel)

🔹SYNOPSIS 🔹

▪വ്യത്യസ്തമായ സിനിമകൾ , സിനിമയിലെ പുതിയ പരീക്ഷണങ്ങൾ മുതലായവ കാണാൻ ആഗ്രഹിക്കുന്നവർ മാത്രം ഈ ചിത്രം കാണുക .Gasper Noe സംവിധാനം ചെയ്ത ഈ ചിത്രം ലൈംഗികതയുടേയും വയലൻസിന്റെയും അതിപ്രസരം മൂലം കണ്ടിരിക്കാൻ വളരെ ബുദ്ധിമുട്ടുള്ള ഒന്ന് തന്നെയാണ് . തങ്ങളുടെ കാമുകിയെ ക്രൂരമായി ബലാൽസംഘം ചെയ്തയാളെ കണ്ടു പിടിച്ച് പ്രതികാരം ചെയ്യാനിറങ്ങുന്ന രണ്ട് പേരിലൂടെ മുന്നോട്ട് പോകുന്ന ഈ ചിത്രം വിപരീത ദിശയിലാണ് കഥ പറയുന്നത് .അതായത് കഥയുടെ അവസാനം ആദ്യം തുടങ്ങി തുടക്കത്തിൽ അവസാനിക്കുന്നു .

▪പത്ത് മിനിട്ട് ദൈർഘ്യമുള്ള ഒറ്റ ഷോട്ടിൽ എടുത്തിരിക്കുന്ന റേപ്പ് സീനും ഗേ സെക്സും  നിറയുന്ന ഈ ചിത്രത്തിലെ ക്യാമറ മൂവ്മെന്റ്സ് മറ്റൊരു ചിത്രത്തിലും ഇതു വരെ കണ്ടിട്ടില്ല എന്ന് തന്നെ പറയാം .പ്രേക്ഷകനെ വൈകാരികമായി എങ്ങനെയൊക്കെ തളർത്താൻ കഴിയുമോ അങ്ങനെയൊക്കെ തളർത്താൻ സംവിധായകൻ മനപൂർവ്വം ശ്രമിച്ചിട്ടുണ്ട് .മോണിക്ക ബെലൂച്ചി എന്ന നടിയുടെ വിട്ടുവീഴ്ച ഇല്ലാത്ത പെർഫോർമൻസ് ചിത്രത്തിന് തുണയായി . 

🔹AMAZING CINEMA RATING: 3/5

© PRADEEP V K (AMAZING CINEMA)