4.0 Star (Very Good) · Drama · English · Psychological · USA

265. WE NEED TO TALK ABOUT KEVIN (USA/PSYCHOLOGICAL DRAMA/2011)

265. WE NEED TO TALK ABOUT KEVIN ( USA/ENGLISH/PSYCHOLOGICAL DRAMA/2011/DIR: LYNNE RAMSAY)

▪️അച്ഛനും സഹോദരിക്കും സുഹൃത്തുക്കൾക്കും സമൂഹത്തിനും കെവിൻ ഒരു സാധാരണ കൗമാരക്കാരൻ മാത്രമായിരുന്നു.എന്നാൽ അമ്മ ഈവയ്ക്ക് മാത്രമേ മറ്റാർക്കുമറിയാത്ത കെവിന്റെ മറ്റൊരു മുഖം അറിയാമായിരുന്നുള്ളു. കൈക്കുഞ്ഞായിരുന്നപ്പോൾ നിർത്താതെ കരഞ്ഞ് അമ്മയുടെ ഉറക്കം നഷ്ടപ്പെടുത്തിയ വലുതായിട്ടും പോട്ടി ഉപയോഗിക്കാൻ തയ്യാറാവാത്ത അമ്മ പറയുന്ന ഒന്നും അനുസരിക്കാത്ത അമ്മയുടെ സ്നേഹത്തിന് ഒരു വിലയും നല്കാത്ത കെവിൻ അച്ഛന്റെ മുന്നിൽ പുന്നാര മകനായിരുന്നു. എന്നാൽ അതെല്ലാം ഒരു കൊച്ചു കുട്ടിയുടെ വികൃതി മാത്രമാണെന്ന് എല്ലാവരും പറഞ്ഞത് വിശ്വസിക്കാൻ ശ്രമിച്ച ഈവ വളരുമ്പോൾ അവൻ ചെയ്യാൻ പോകുന്നതെന്താണെന്ന് വിദൂര സ്വപ്നത്തിൽ പോലും കരുതായിരുന്നില്ല.

▪️സാഡിസ്റ്റുകളായ മുതിർന്ന മനുഷ്യരുടെ നിരവധി കഥകൾ നാം സിനിമകളിൽ കണ്ടിട്ടുണ്ട്. എന്നാൽ ജനിച്ചപ്പോൾ മുതൽ സാഡിസ്റ്റായ ഒരു കുട്ടിയെ സങ്കല്പിക്കാൻ സാധിക്കുമോ? എങ്കിൽ അതാണ് കെവിൻ . ദി ഒമൻ, ഓർഫൻ, ദി ഹണ്ട് തുടങ്ങിയ ചിത്രങ്ങളിൽ കുട്ടികളിലെ നെഗറ്റീവ് സൈഡ് പ്രമേയമാക്കിയിട്ടുണ്ടെങ്കിലും അവയെക്കാളേറേ വല്ലാത്ത ഒരു ഞെട്ടൽ സമ്മാനിക്കുന്നതാണ് ഈ ചിത്രം. ഭൂതകാലവും വർത്തമാനകാലവും ഇഴപിരിഞ്ഞ് നീങ്ങുന്ന ചിത്രത്തിൽ ഈവയുടെ ഓർമ്മകളിലൂടെയാണ് കഥ വികസിക്കുന്നത്. ഈവയായി ടിൽഡ സ്വിൻടൻ അവരുടെ കരിയറിലെ തന്നെ ഏറ്റവും മികച്ച പ്രകടനമാണ് കാഴ്ച വച്ചിരിക്കുന്നത്. കഥാപാത്രം അനുഭവിക്കുന്ന മാനസിക സംഘർഷങ്ങൾ അമിതാഭിനയമില്ലാതെ മനോഹരമായി അവർ അവതരിപ്പിച്ചിട്ടുണ്ട്.

▪️കെവിൻ എന്ന ടൈറ്റിൽ കഥാപാത്രത്തിന്റെ കൗമാരപ്രായം അവതരിപ്പിച്ചിരിക്കുന്ന എസ്ര മില്ലർ കഥാപാത്രത്തിന്റെ മാനറിസങ്ങൾ ഭംഗിയാക്കിയപ്പോൾ ബാല്യകാലം അവതരിപ്പിച്ച കുട്ടി ഞെട്ടിച്ചു എന്ന് പറയാം. സാധാരണ ആ പ്രായത്തിലുള്ള കുട്ടിയിൽ നിന്നും പ്രതീക്ഷിക്കാത്ത പെരുമാറ്റവും ഭാവപ്രകടനങ്ങളുമായിരുന്നു ആ രംഗങ്ങളിൽ കണ്ടത്. ഇതേ പേരിലുള്ള നോവലിനെ ആധാരമാക്കിയാണ് സംവിധായിക ലിന്നി റാംസേ ചിത്രത്തിന്റെ തിരക്കഥ തയാറാക്കിയിരിക്കുന്നത്. ഇത്രയും ശക്തമായ വിഷയം അതിന്റെ തീവ്രത ഒട്ടും ചോരാതെ സിനിമയാക്കിയ ലിന്നി റാംസേ തീർച്ചയായും കയ്യടി അർഹിക്കുന്നുണ്ട്. സുഖമായി കണ്ട് തീർക്കാവുന്ന ഒരു ചിത്രമല്ലിത്. ത്രില്ലർ ചിത്ര പ്രേമികളും വേഗതയുള്ള ചിത്രങ്ങൾ മാത്രം ഇഷ്ടപ്പെടുന്നവർക്കും ഉള്ളതല്ല ഈ ചിത്രം.

▪️RATING : 3.75/5 (GOOD)

കൂടുതൽ സിനിമാ റിവ്യൂകൾക്ക് ബ്ലോഗ് സന്ദർശിക്കുക
@ http://www.amazingcinemareviews.wordpress.com

ചിത്രം ടെലഗ്രാം ചാനലിൽ ലഭ്യമാണ്
@ https://t.me/AmazingCinema

©️ PRADEEP V K

Advertisements
4.0 Star (Very Good) · Anthology · English · USA · Western

264. THE BALLAD OF BUSTER SCRUGGS (USA/WESTERN ANTHOLOGY/2018)

#IFFK2018REVIEWS

264. THE BALLAD OF BUSTER SCRUGGS ( USA/ENGLISH/WESTERN ANTHOLOGY/2018/DIR: COEN BROTHERS )

▪️ഫർഗോ, നോ കൺട്രി ഫോർ ഓൾഡ് മെൻ, ട്രൂ ഗ്രിറ്റ് തുടങ്ങി നിരവധി പ്രശസ്ത ചിത്രങ്ങളുടെ സംവിധായകരായ കോയൻ ബ്രദേഴ്സിന്റെ പുതിയ ചിത്രമാണ് ദി ബലാദ് ഓഫ് ബസ്റ്റർ സ്ട്രഗ്സ്. ആറ് ചെറു ചിത്രങ്ങളടങ്ങിയ ഒരു വെസ്‌റ്റേൺ ആന്തോളജിയാണ് ഈ ചിത്രം. 25 വർഷങ്ങളുടെ കാലയളവിൽ ജോയൽ കോയനും ഈഥൻ കോയനും എഴുതിയ ചെറുകഥകൾ ആധാരമാക്കിയ ചിത്രത്തിലെ ആറ് കഥകളും വെസ്റ്റേൺ പശ്ചാത്തലത്തിലുള്ളതാണല്ലാതെ തമ്മിൽ മറ്റ് ബന്ധങ്ങളൊന്നുമില്ല.

▪️ആറ് ചിത്രങ്ങളും ഇഷ്ടമായെങ്കിലും പാട്ടു പാടുന്ന രസികനായ ബസ്റ്റർ സ്ട്രഗ്സ് എന്ന കൗബോയുടെ കഥ പറയുന്ന ബലാദ് ഓഫ് ബസ്റ്റർ സ്ട്രഗ്സ് എന്ന ആദ്യ കഥ തന്നെയാണ് ഏറ്റവും പ്രിയപ്പെട്ടത്. കൈകാലുകളില്ലാത്ത ചെറുപ്പക്കാരനായ ആർട്ടിസ്റ്റിനെ കൊണ്ട് നടന്ന് പരിപാടികൾ അവതരിപ്പിച്ച് ഉപജീവനം നടത്തുന്ന മധ്യവയസ്കന്റെ കഥ പറയുന്ന മീൽ ടിക്കറ്റ് മറ്റ് കഥകളിൽ നിന്നും വ്യത്യസ്തമായി. ഒറ്റയ്ക്ക് ബാങ്ക് കൊള്ളയടിക്കാൻ പോയി പിടിക്കപ്പെടുന്ന ചെറുപ്പക്കാരന്റെ കഥ പറയുന്ന നിയർ അൽഗഡോൺസ്, സ്വർണം തേടി മലയടിവാരത്തിലെത്തുന്ന വയസ്സന്റെ കഥ പറയുന്ന ആൾ ഗോൾഡ് കാന്യൺ, വാഗൺ ട്രയിനിൽ ഓറിഗോണിലേക്ക് സഹോദരനോടൊപ്പം പുറപ്പെടുന്ന പെൺകുട്ടിയുടെ കഥ പറയുന്ന ദി ഗാൾ ഹു ഗോട്ട് റാറ്റിൽഡ്, കുതിരവണ്ടിയിൽ ഒന്നിച്ച് യാത്ര ചെയ്യേണ്ടി വരുന്ന അഞ്ച് അപരിചിതരുടെ കഥ പറഞ്ഞ ദി മോർട്ടൽ റിമൈൻസ് തുടങ്ങിയവയായിരുന്നു മറ്റ് ചിത്രങ്ങൾ.

▪️എല്ലാ ചിത്രങ്ങളിലും അപ്രതീക്ഷിതമായി പ്രേക്ഷകനെ ഞെട്ടിക്കുന്ന ഒരു ട്വിസ്റ്റ് സംവിധായകർ കരുതിവച്ചിട്ടുണ്ട്. ഇഷ്ട ചിത്രങ്ങളുടെ പട്ടികയിൽ വ്യതിയാനങ്ങളുണ്ടാവാമെങ്കിലും ഓരോ ചിത്രവും വ്യത്യസ്തവും മനോഹരവുമായിരുന്നു എന്നത് തന്നെയാണ് ഏറ്റവും ശ്രദ്ദേയമായ വസ്തുത. നെറ്റ്ഫ്ലിക്സിലൂടെ പ്രദർശനത്തിനെത്തിയ ഈ ചിത്രം വെസ്റ്റേൺ കഥാപശ്ചാത്തലത്തിലുള്ള ചിത്രങ്ങൾ പരിചിതരായവർക്ക് ഇഷ്ടമാകുമെന്നതിൽ സംശയമില്ല.

▪️RATING : 4/5 (VERY GOOD)

കൂടുതൽ സിനിമാ റിവ്യൂകൾക്ക് ബ്ലോഗ് സന്ദർശിക്കുക
@ http://www.amazingcinemareviews.wordpress.com

ചിത്രം ടെലഗ്രാം ചാനലിൽ ലഭ്യമാണ്
@ https://t.me/AmazingCinema

©️ PRADEEP V K

4.0 Star (Very Good) · Drama · Hebrew · Israel

261. FOXTROT (ISRAEL/DRAMA/2017)

#IFFK2018REVIEWS

261. FOXTROT ( ISRAEL/HEBREW/DRAMA/2017/DIR: SAMUEL MAOZ )

▪️അപ്രതീക്ഷിതമായ കോളിങ്ങ് ബെൽ കേട്ട് കതക് തുറന്ന ഡാഫ്ന താൻ കേട്ട വാർത്തയുടെ തീവ്രത സഹിക്കാനാവാതെ തളർന്ന് വീണു. ഡാഫ്നയുടേയും മൈക്കലിന്റെയും മകനായ ഇസ്രയേൽ ഡിഫൻസ് ഫോഴ്സിലെ പട്ടാളക്കാരനായ ജോനാഥൻ ഒരാക്രമണത്തിൽ കൊല്ലപ്പെട്ടു എന്നതായിരുന്നു ആ വാർത്ത. എന്നാൽ മകൻ എങ്ങനെ മരിച്ചെന്നോ മൃതദേഹം എവിടെയാണെന്നോ പോലും പറയാൻ വിവരമറിയിക്കാൻ വന്ന പട്ടാളക്കാർ തയ്യാറാവാത്തത് മൈക്കലിനെ കൂടുതൽ പരിക്ഷീണനും ക്രുദ്ധനുമാക്കി.

▪️ഇസ്രയേലിൽ നിന്നുള്ള ചിത്രം എന്ന് കേൾക്കുമ്പോൾ തന്നെ തീവ്രമായ വൈകാരിക മുഹൂർത്തങ്ങൾ നിറഞ്ഞ ഒരു ചിത്രമാവും നാം പ്രതീക്ഷിക്കുക. ഇവിടെയും അക്കാര്യത്തിൽ മാറ്റമൊന്നുമില്ല. യുദ്ധമാണ് ആന്തരികമായ വിഷയമെങ്കിലും യുദ്ധരംഗങ്ങൾ ഒന്നും ചിത്രത്തിലില്ല. മരുഭൂമിയിലുള്ള ആർമി ചെക്ക് പോസ്റ്റ് ആദ്യമായി ചിത്രത്തിൽ കാണിക്കുന്ന രംഗം വളരെ ശ്രദ്ദേയമാണ്. വളരെയധികം ശ്രദ്ധയോടെ പട്ടാളക്കാരൻ ചെക്ക് പോസ്റ്റ് തുറന്ന് കൊടുക്കുമ്പോൾ കടന്ന് വരുന്നത് വാഹനങ്ങളോ ടാങ്കോ ഒന്നുമല്ല. സാവധാനം നടന്ന് വരുന്ന ഒരു ഒട്ടകമായിരുന്നു അത്. വളരെയധികം സീരിയസായ വിഷയം കൈകാര്യം ചെയ്യുമ്പോഴും ഇത്തരം രസകരമായ ചിരിയുണർത്തുന്ന ചില രംഗങ്ങളും ചിത്രത്തിൽ കാണാം.

▪️ചിത്രം വെനീസ് ഇൻറർനാഷണൽ ഫിലിം ഫെസ്റ്റിവലിലെ ജൂറി പുരസ്കാരമടക്കം നിരവധി അംഗീകാരങ്ങൾ നേടിയെങ്കിലും ഇസ്രയേൽ ഗവൺമെന്റ് ചിത്രത്തിനെതിരായി ആരോപണമുന്നയിച്ചിരുന്നു. ചിത്രം ഇസ്രയേൽ പട്ടാളത്തെ മോശമായി ചിത്രീകരിക്കുന്നു എന്നോരാേപിച്ചായിരുന്നു അത്. ഒരേ വേഗതയിൽ സാവധാനം മുന്നോട്ട് നീങ്ങുന്ന മികച്ച അഭിനയ മുഹൂർത്തങ്ങൾ നിറഞ്ഞ പ്രേക്ഷകനെ അറിയാതെ സിനിമയിലേക്ക് വലിച്ചടുപ്പിക്കുന്ന ഈ ചിത്രം ഇത്തവണ IFFK യിൽ കണ്ട മികച്ച ചിത്രങ്ങളിൽ ഒന്നായിരുന്നു.

▪️RATING : 4/5 ( VERY GOOD )

കൂടുതൽ സിനിമാ റിവ്യൂകൾക്ക് ബ്ലോഗ് സന്ദർശിക്കുക
@ http://www.amazingcinemareviews.wordpress.com

ചിത്രം ടെലഗ്രാം ചാനലിൽ ലഭ്യമാണ്
@ https://t.me/AmazingCinema

©️ PRADEEP V K

4.0 Star (Very Good) · Drama · France · French · Horror

257. ALL THE GODS IN THE SKY (FRANCE/HORROR DRAMA/2018)

#IFFK2018REVIEWS

257. ALL THE GODS IN THE SKY ( FRANCE/FRENCH/HORROR DRAMA/2018/DIR: QUARXX )

▪️ഫാക്ടറി തൊഴിലാളിയായ സൈമണും സഹോദരി എസ്റ്റെലും ഉൾഗ്രാമത്തിലെ ആ വീടിനുള്ളിലാണ് താമസിക്കുന്നത്. കുട്ടിക്കാലത്ത് സഹോദരങ്ങൾ ചേർന്നുള്ള ഒരു കളിക്കിടയിൽ അബദ്ധത്തിൽ സംഭവിച്ച അപകടം മൂലം അന്ന് മുതൽ എസ്റ്റെൽ കോമ അവസ്ഥയിലാണ്. സഹോദരിക്ക് സംഭവിച്ച അപകടത്തിന്റെ കുറ്റബോധവും ഏകാന്ത ജീവിതത്തിന്റെ മടുപ്പും മൂലം മാനസികമായി തകർന്ന സൈമണിന് യാദൃശ്ചികമായി കേൾക്കുന്ന ആ റേഡിയോ സന്ദേശം എല്ലാത്തിൽ നിന്നും ആത്യന്തികമായി രക്ഷ നേടാനുള്ള ഒരുപാദിയായി തോന്നുന്നു.

▪️ഇത്തവണത്തെ IFFK യിൽ വലിയ പ്രതീക്ഷയൊന്നുമില്ലാതെ കണ്ട് നന്നായി ഇഷ്ടമായ ഒരു ചിത്രമാണിത്. ഹൊറർ ഡ്രാമ എന്ന് പറയാമെങ്കിലും ഭയപ്പെടുത്തുന്ന രംഗങ്ങൾ നിറഞ്ഞ ഒരു ചിത്രമല്ലിത്. എന്നാൽ ശക്തമായ തിരക്കഥയിലൂടെയും പെർഫോർമൻസുകളിലൂടെയും പ്രേക്ഷകനെ പിടിച്ചിരിത്താൻ സംവിധായകന് കഴിഞ്ഞിട്ടുണ്ട്. സൈമൺ എന്ന കഥാപാത്രത്തിന്റെ മാനസികാവസ്ഥ കാണികളിൽ എത്തിക്കാനായി ഉപയോഗിച്ചിരിക്കുന്ന വിഷ്വൽസ് എല്ലാം ഗംഭീരമായിരുന്നു.

▪️അഭിനേതാക്കളുടെ കാര്യം പറയുമ്പോൾ ഡിസേബിൾഡ് ആയ എസ്റ്റേൽ എന്ന കഥാപാത്രമായെത്തിയ മെലാനി ഗെയ്ഡോസ് എന്ന നടിയെക്കുറിച്ച് പറയാതിരിക്കാനാവില്ല. തന്റെ കഥാപാത്രത്തിന് ചേർന്ന നടിയെത്തേടി രണ്ട് വർഷത്തെ അലച്ചിലിന് ശേഷമാണ് ക്വാർക്സ് മെലാനിയെ കണ്ടെത്തുന്നത്. അപൂർവ്വമായ ഒരു ജനറ്റിക് ഡിസോർഡർ നിമിത്തം എല്ലുകളുടേയും പല്ലുകളുടേയും വളർച്ച മുരടിച്ച മെലാനി മോഡലിങ്ങിലെ ഒരു അപൂർവ്വ വ്യക്തിത്വമാണ്. എസ്റ്റേൽ എന്ന കഥാപാത്രത്തിന് ഇതിലും മികച്ച ഒരു അഭിനേത്രിയെ കിട്ടില്ല എന്ന് നിസംശയം പറയാം. കഥാപാത്രങ്ങളുടെ അപ്രതീക്ഷിതമായ സ്വഭാവവ്യതിയാനങ്ങളും മികച്ച വിഷ്വൽസും പശ്ചാത്തല സംഗീതവും നിറഞ്ഞ ഈ ചിത്രം ഏവർക്കും ഇഷ്ടമാകുമെന്ന് പ്രതീക്ഷിക്കുന്നു.

▪️RATING : 3.75/5 ( VERY GOOD )

കൂടുതൽ സിനിമാ റിവ്യൂകൾക്ക് ബ്ലോഗ് സന്ദർശിക്കുക
@ http://www.amazingcinemareviews.wordpress.com

©️ PRADEEP V K

4.0 Star (Very Good) · Fantasy · Hindi · Horror · India

255. TUMBBAD (INDIA/FANTASY HORROR/2018)

#IFFK2018REVIEWS

255. TUMBBAD ( INDIA / FANTASY HORROR / 2018 / DIR: RAHI ANIL BARVE- ADESH PRASAD-ANAND GANDHI)

•”Earth provides enough to satisfy every man’s needs, but not every man’s greeds – Mahatma Gandhi”

•തലമുറകളായി തുടരുന്ന ഒരു വൻശാപത്തിനാൽ ഗ്രസിച്ച് പ്രകൃതിക്ഷോഭങ്ങളാലും ദാരിദ്രത്താലും കഷ്ടപ്പെടുകയാണ് തുംബാദ് എന്ന ഉത്തരേന്ത്യൻ ഗ്രാമം. എന്നാൽ ആ ശാപം അനുഗ്രഹമായി കരുതുന്ന ഒരാൾ അങ്ങകലെ പൂനെയിൽ വസിക്കുന്നുണ്ടായിരുന്നു. തുംബാദിലെ ഉപേക്ഷിക്കപ്പെട്ട ആ പഴയ ബംഗ്ലാവിന്റെ ഇപ്പോഴത്തെ അവകാശിയായ വിനായക് റാവുവായിരുന്നു അത്. വിനായകിനോടൊപ്പം കാലങ്ങളിലൂടെയുള്ള ഭയപ്പെടുത്തുന്ന ഒട്ടനവധി രഹസ്യങ്ങളുടെ ഗർഭസ്ഥാനത്തേക്കാണ് പിന്നീട് നമ്മുടെ യാത്ര.

•ഷിപ്പ് ഓഫ് തീസ്വൂസ് എന്ന ചിത്രത്തിന് ശേഷം ആനന്ദ് ഗാന്ധി ക്രിയേറ്റീവ് ഡയറക്ടറായി വരുന്ന ഈ ചിത്രം ഹിന്ദി സിനിമ ഇതുവരെ കാണാത്ത ഒരു ലോകത്തേക്കാണ് നമ്മെ കൂട്ടിക്കൊണ്ട് പോകുന്നത്. ഒന്നേ മുക്കാൽ മണിക്കൂർ നേരം ശ്വാസമടക്കിപ്പിടിച്ച് മാത്രം കണ്ടിരിക്കാവുന്ന ചിത്രം അതിമനോഹരമായ സിനിമാറ്റോഗ്രഫിയും ഗംഭീരമായ പശ്ചാത്തല സംഗീതവും കൊണ്ട് ശ്രദ്ധേയമാണ്. അഭിനേതാക്കളായി വന്നവരിൽ വിനായക് ആയെത്തിയ സോഹം ഷാ ഒഴിച്ചുള്ളവരെല്ലാം താരതമ്യേന പുതുമുഖങ്ങളായിരുന്നു. എല്ലാവരും പ്രത്യേകിച്ച് വിനായകിന്റെ മകനായ പാണ്ടുരാംഗിനെ അവതരിപ്പിച്ച മൊഹമ്മദ് സമദിന്റെ പെർഫോർമൻസ് അതിഗംഭീരമായിരുന്നു. വി എഫ് എക്സ് രംഗങ്ങളെല്ലാം വളരെ ഭംഗിയായി ചിത്രീകരിച്ചിരിക്കുന്ന ചിത്രത്തിന്റെ ക്ലൈമാക്സ് തരുന്ന ഇംപാക്റ്റ് കണ്ട് തന്നെ അറിയേണ്ടതാണ്.

•ഒരിക്കലും കാണാതെ ഒഴിവാക്കരുതാത്ത ചിത്രം. അത് മാത്രമേ തുംബാദിനെക്കുറിച്ച് പറയാനുള്ളു. ചിത്രത്തിന്റെ രണ്ടാം ഭാഗം അണിയറയിൽ ഒരുങ്ങുന്നുണ്ട്. ഒരു മുത്തശ്ശിക്കഥയെന്ന് പറയാവുന്ന ത്രെഡിൽ നിന്നും ഇത്രയും ഭംഗിയായ തിരക്കഥയും അതിന് ചേർന്ന രീതിയിലുള്ള സംവിധാനവും നിർവഹിച്ച അണിയറ പ്രവർത്തകരെ എങ്ങനെ അഭിനന്ദിക്കണമെന്ന് അറിയില്ല. യാതൊരു ബഹളങ്ങളോ അവകാശവാദങ്ങളോ ഇല്ലാതെ കഥയോട് പൂർണമായും നീതി പുലർത്തുന്ന ഇത്തരം ചിത്രങ്ങളെയാണ് വിദേശ ചിത്രങ്ങളോട് താരതമ്യപ്പെടുത്തേണ്ടത് എന്ന കാര്യം പലരും വിസ്മരിക്കുന്നുണ്ട്. ഈ ചിത്രം ഇത്തവണത്തെ IFFK യിൽ മിഡ്നൈറ്റ് സ്ക്രീനിങ്ങ് വിഭാഗത്തിൽ ഉൾപ്പെടുത്തിയിട്ടുണ്ട്.

RATING : 4/5 ( A Stunning Cinematic Experience With Strong Visuals )

കൂടുതൽ സിനിമാ റിവ്യൂകൾക്ക് ബ്ലോഗ് സന്ദർശിക്കുക
@ http://www.amazingcinemareviews.wordpress.com

ചിത്രം ടെലഗ്രാം ചാനലിൽ ലഭ്യമാണ്
@ https://t.me/AmazingCinema

©️ PRADEEP V K

4.0 Star (Very Good) · English · Thriller · UK

248. STRAW DOGS (UK/THRILLER/1971)

🔺 “മറ്റുള്ളവരുടെ സ്വകാര്യ ജീവിതത്തിലേക്ക് ഒളിഞ്ഞ് നോക്കാൻ ചിലർക്ക് പ്രത്യേക താല്പര്യമാണ്. പ്രത്യേകിച്ചും അവർ ചെറുപ്പക്കാരായ ഒരു സ്ത്രീയും പുരുഷനും ആവുമ്പോൾ. അതിര് വിടുന്ന അവരുടെ പ്രവൃത്തികൾ ഏറ്റവും സൗമ്യനായ മനുഷ്യനെപ്പോലും ചിലപ്പോൾ വേട്ടനായ ആക്കിയെന്നിരിക്കും!”

🔸MOVIE : STRAW DOGS (1971)
🔸COUNTRY : UK/USA (ENGLISH)
🔸GENRE : THRILLER
🔸DIRECTION : SAM PECKINPAH
🔸STARRING : DUSTIN HOFFMAN, SUSAN GEORGE

🔻 മാത്തമാറ്റിഷ്യനായ ഡേവിഡും ഭാര്യ ആമിയും അമേരിക്കയിൽ നിന്ന് ആ ഗ്രാമത്തിലേക്ക് താമസം മാറി വന്നത് ഡേവിഡിന്റെ റിസർച്ച് പൂർത്തിയാക്കാനും സ്വസ്ഥമായ ഒരു കുടുംബ ജീവിതം കൊതിച്ചുമാണ് .എന്നാൽ ആമിയുടെ ജന്മസ്ഥലമായ അവിടെയുള്ളവർ അവരെ മറ്റൊരു കണ്ണിലൂടെയാണ് നോക്കിക്കണ്ടത്. പ്രത്യേകിച്ചും ആമിയുടെ മുൻ കാമുകനായ ചാർളിയും അയാളുടെ സുഹൃത്തുക്കളും. സ്വതവേ ഉൾവലിഞ്ഞ പ്രകൃതക്കാരനായ ഡേവിഡും വളരെ സോഷ്യലായ ആമിയും തമ്മിലുള്ള സ്വഭാവവ്യത്യാസങ്ങളും അതോടൊപ്പം അവരുടെ സ്വകാര്യ ജീവിതത്തിലേക്കുള്ള ചാർളിയുടേയും സുഹൃത്തുക്കളുടേയും കടന്ന് കയറ്റവും തീർത്തും അപകടകരമായ അവസ്ഥയിലേക്ക് അവരെ കൊണ്ടെത്തിക്കുന്നു.

🔺1971 ൽ റിലീസായ ഈ ചിത്രം അതിലെ കോൺട്രവേഴ്സ്യൽ ആയ രംഗങ്ങൾ കൊണ്ട് ശ്രദ്ദേയമായിരുന്നു. 2011 ൽ ഇതേ പേരിൽ തന്നെ ചിത്രം റിമേക്ക് ചെയ്തിരുന്നുവെങ്കിലും ഒറിജിനലിന്റെ മികവിനെ വെല്ലാൻ ആ ചിത്രത്തിനായില്ല. 2018ൽ റിലീസായ വരത്തൻ എന്ന മലയാള ചിത്രവും ഈ ചിത്രത്തിന്റെ അൺഒഫിഷ്യൽ അഡാപ്റ്റേഷൻ ആണ്. ഡസ്റ്റിൻ ഹോഫ്മാന്റെ കരിയറിലെ ഏറ്റവും മികച്ച വേഷങ്ങളിലൊന്നാണ് ഈ ചിത്രത്തിലെ ഡേവിഡ് എന്ന കഥാപാത്രം. സാവധാനം നീങ്ങുന്ന ആദ്യ പകുതിക്ക് ശേഷമുള്ള വളരെ വയലന്റ് ആയ ക്ലൈമാക്സ് ചിത്രത്തിന്റെ സ്വഭാവം തന്നെ മാറ്റുന്നുണ്ട്. റിലീസ് ആയി 47 വർഷങ്ങൾക്ക് ശേഷവും ചിത്രം നല്കുന്ന ഫ്രഷ്നെസ്സ് എടുത്ത് പറയേണ്ടതാണ്. ചിത്രം കൈകാര്യം ചെയ്യുന്ന വിഷയത്തിന്റെ സാമൂഹിക പ്രസക്തിയും അത് അവതരിപ്പിച്ചിരിക്കുന്ന രീതിയും എല്ലാം ചിത്രത്തിന് ഒരു കൾട്ട് ക്ലാസിക് പദവി നേടിക്കൊടുത്തിട്ടുണ്ട്. സിനിമാ പ്രേമികൾ തീർച്ചയായും കണ്ടിരിക്കേണ്ട ചിത്രങ്ങളിൽ ഈ ചിത്രത്തിനും മുൻപന്തിയിൽ തന്നെ സ്ഥാനമുണ്ടാവും.

🔺RATING : 3.75/5

Movie Review Post No.248
@ http://www.amazingcinemareviews.wordpress.com
ചിത്രം ടെലഗ്രാം ചാനലിൽ ലഭ്യമാണ്
@ t.me/AmazingCinema

©️ PRADEEP V K

4.0 Star (Very Good) · Bengali · India · Psychological · Thriller

234. BAISHE SRABON (INDIA/PSYCHOLOGICAL THRILLER/2011)

🔺 കൊൽക്കത്തയിൽ പലയിടങ്ങളിലായി സമാന രീതിയിൽ അരങ്ങേറുന്ന കൊലപാതകങ്ങൾ പോലീസിന് തലവേദനയാകുന്നു. ഓരോ കൊലപാതകത്തിനും ശേഷം പ്രശസ്തരായ ഏതെങ്കിലും ബംഗാളി കവിയുടെ കവിതയിലെ പ്രസക്തഭാഗങ്ങൾ എഴുതി വയ്ക്കുന്നതായിരുന്നു കൊലപാതകിയുടെ രീതി. ചീഫ് ഡിറ്റക്ടീവായ അഭിജിത്ത് കേസന്വേഷണം ആരംഭിക്കുന്നുവെങ്കിലും അത്രയും നാൾ അന്വേഷിച്ചിട്ടുള്ള കേസുകളിൽ നിന്നും വിഭിന്നമായ എന്തോ ഒരു നിഗൂഢത ഈ കൊലപാതകങ്ങൾക്ക് പിറകിൽ ഒളിഞ്ഞിരിക്കുന്നതായി അദ്ദേഹത്തിന് തോന്നുന്നു.

🔸MOVIE : BAISHE SRABON (2011)
🔸COUNTRY : INDIA (BENGALI)
🔸GENRE : PSYCHOLOGICAL THRILLER
🔸DIRECTION : SRIJIT MUKHERJI

🔻 പരിപൂർണ തൃപ്തി നല്കുന്ന ക്രൈം ത്രില്ലർ ചിത്രങ്ങൾ കാണാനാവുന്നത് വളരെ അപൂർവ്വമായാണ്. അത്തരത്തിൽ പൂർണമായും തൃപ്തിപ്പെടുത്തിയ ചിത്രങ്ങളിൽ ഒന്നാണ് പ്രശസ്ത ബംഗാളി സംവിധായകൻ ശ്രീജിത് മുഖർജിയുടെ ബൈഷെ സ്ട്രബോൺ എന്ന ചിത്രം. ആകാംക്ഷ ഉണർത്തുന്ന കഥാപശ്ചാത്തലവും അഭിനേതാക്കളുടെ അത്യുഗ്രൻ പെർഫോർമൻസുകളും മികച്ച ഛായാഗ്രഹണവും സംഗീതവും എല്ലാം ചേർന്ന് വളരെ മികച്ച ഒരു അനുഭവമാണ് ചിത്രം നല്കിയത്. പ്രൊസേനജിത് ചാറ്റർജി, പരംബ്രത ചാറ്റർജി, റെയ്മ സെൻ തുടങ്ങി ബംഗാളി ചിത്രങ്ങളിലെ ഏറ്റവും മികച്ച താര നിര തന്നെ ചിത്രത്തിലുണ്ട്. ആദ്യവസാനം പ്രേക്ഷകനെ മുൾമുനയിൽ നിർത്തുന്ന ചിത്രം അപ്രതീക്ഷിതമായ ക്ലൈമാക്സിലൂടെ നിങ്ങളെ ഞെട്ടിക്കുമെന്നുറപ്പ്!

🔻RATING : 4/5 ( VERY GOOD )

Movie Review Post No. 234
@ http://www.amazingcinemareviews.wordpress.com

©️ PRADEEP V K