4.0 Star (Very Good) · Crime · India · Tamil

180. THEERAN ADHIGARAM ONDRU (INDIA/CRIME THRILLER/2017)

⏺️ ബ്രിട്ടീഷ് ഭരണകാലത്തിന് മുമ്പ് മൃഗങ്ങളെ വേട്ടയാടി ജീവിച്ചിരുന്ന ബാവരിയ ഗോത്രവർഗക്കാർ വർഷങ്ങൾക്കിപ്പുറം കാടും മൃഗങ്ങളും കുറഞ്ഞപ്പോളും വേട്ടയാടൽ എന്ന തങ്ങളുടെ കുലത്തൊഴിൽ മറന്നില്ല. മൃഗങ്ങൾക്ക് പകരം ഇന്ന് അവർ വേട്ടയാടുന്നത് മനുഷ്യരെ ആണെന്ന് മാത്രം!

🔸180) THEERAN ADHIGARAM ONDRU (2017)🔸 Tamil | Crime Thriller🔸

⏺️ സിനിമ തുടങ്ങുമ്പോൾ സീറ്റിൽ ചാരിക്കിടക്കുന്ന നിങ്ങൾ ഒരു ഘട്ടത്തിൽ താൻ പോലുമറിയാതെ സീറ്റിന്റെ അറ്റത്തേക്ക് നീങ്ങിവരുന്ന അനുഭവം നിങ്ങൾക്കുണ്ടായിട്ടുണ്ടോ? സ്ക്രീനിൽ വില്ലൻമാരുടെ ഓരോ അടിയും സ്വന്തം തലയ്ക്കാണ് കൊള്ളുന്നതെന്ന് തോന്നിയിട്ടുണ്ടോ? ഹൊറർ അല്ലാത്ത ഒരു സിനിമ കണ്ടിരുക്കുമ്പോൾ അകാരണമായ ഒരു ഭയം നിങ്ങളുടെ ഉള്ളിൽ നാമ്പിട്ടിട്ടുണ്ടോ? ഇല്ലെങ്കിൽ തീരൻ അധികാരം ഒണ്‌ഡ്ര് എന്ന തമിഴ് സിനിമ കാണുക. ഈ അനുഭവങ്ങളെല്ലാം നിങ്ങൾക്കുണ്ടാകും.

⏺️ വർഷങ്ങൾക്ക് മുമ്പ് തമിഴ്നാട്ടിനെ പിടിച്ചുലച്ച ഹൈവേ കേന്ദ്രീകരിച്ച് നടന്ന നിരവധി അതിക്രൂരമായ കൊലപാതകങ്ങൾക്ക് കാരണക്കാരായവരെ പിടികൂടാൻ പോലീസ് നടത്തിയ സാഹസികമായ കേസന്വേഷണമാണ് ഈ ചിത്രത്തിന് പ്രചോദനമായത്. ഒരു സാധാരണ പോലീസ് സ്റ്റോറി പ്രതീക്ഷിച്ച് തിയേറ്ററിൽ എത്തുന്നവരെ അക്ഷരാർത്ഥത്തിൽ ഈ ചിത്രം ഞെട്ടിക്കും.തുടക്കത്തിലുള്ള കുറച്ച് റൊമാൻസ് കുടുംബ രംഗങ്ങൾ കഴിഞ്ഞാൽ ശ്വാസം വിടാൻ പോലും അനുവദിക്കാതെ പ്രേക്ഷകരെ പിടിച്ചിരുത്തുന്ന ഗംഭീര ത്രില്ലർ ആണ് ഈ ചിത്രം.

⏺️ ആദ്യ ചിത്രങ്ങളിൽ മികച്ച വേഷങ്ങളിൽ വന്ന് കഴിവ് തെളിയിച്ച് പിന്നീട് തെറ്റായ സെലക്ഷനുകളിലൂടെ അടുത്ത കാലത്ത് അത്ര ശ്രദ്ധിക്കപ്പെടാതായ കാർത്തിയുടെ തകർപ്പൻ തിരിച്ചുവരവാണ് ഈ ചിത്രം. ആക്ഷൻ രംഗങ്ങളിലും വൈകാരിക മുഹൂർത്തങ്ങളിലും കാർത്തി മികച്ച രീതിയിൽ പെർഫോം ചെയ്തു. ഓമ ബാവരിയ എന്ന ജീവിച്ചിരുന്ന കഥാപാത്രമായി അഭിമന്യു സിംഗ് ഞെട്ടിച്ചു കളഞ്ഞു. ക്രൂരത മാത്രം കൈമുതലാക്കിയ മനുഷ്യത്വം എന്തെന്നറിയാത്ത ആ കഥാപാത്രം ഇതിലും നന്നായി അവതരിപ്പിക്കാൻ മറ്റാർക്കും കഴിയില്ല എന്നുറപ്പിച്ച് പറയാം.

⏺️ഓപ്പറേഷൻ ബാവരിയ എന്ന പേരിൽ അറിയപ്പെടുന്ന തമിഴ്നാട് പോലീസിന് രാജ്യത്താകമാനം പ്രശസ്തി നേടിക്കൊടുത്ത പോലീസ് ഓപ്പറേഷനെ അതിന്റെ തീവ്രത ഒട്ടും നഷ്ടപ്പെടുത്താതെ യഥാർത്ഥ സംഭവങ്ങളിൽ വെള്ളം ചേർക്കാതെ അഭ്രപാളികളിലെത്തിച്ച H.വിനോത് എന്ന സംവിധായകന്റെ കഴിവിനെ എത്ര പുകഴ്ത്തിയാലും മതിയാവില്ല. എല്ലാത്തരം പ്രേക്ഷകരെയും ആകർഷിക്കാനായി കുറച്ച് ലൗ സ്റ്റോറിയും ഗാനങ്ങളും ഉൾപ്പെടുത്തിയിട്ടുണ്ടെങ്കിലും കഥയുടെ തീവ്രത അതേപടിയിൽ അദ്ദേഹം അവതരിപ്പിച്ചു. ആദ്യ പകുതിക്ക് മുമ്പുള്ള ആക്ഷൻ രംഗങ്ങൾ ശ്വാസമടക്കിപ്പിടിച്ചാണ് കണ്ടിരുന്നത്. ഒരു ക്രിമിനലിനെ പിടികൂടാനായി ബസിന് മുകളിലുള്ള ആക്ഷൻ രംഗങ്ങളൊക്കെ പ്രേക്ഷകന്റെ ഹൃദയമിടിപ്പ് കൂട്ടാൻ പര്യാപ്തമാണ്. ഒരു മികച്ച ക്രൈം ആക്ഷൻ ത്രില്ലർ കാണണമെന്നുണ്ടെങ്കിൽ മറ്റൊന്നും ആലോചിക്കാതെ തീരൻ അധികാരം ഒണ്ഡ്ര് കാണാൻ ടിക്കറ്റെടുക്കാം.

🔸RATING : 3.75/5 ( AN EDGE OF THE SEAT CRIME THRILLER. DON’T MISS IT )

©PRADEEP V K

Advertisements
4.0 Star (Very Good) · English · Superhero · USA

173. THOR : RAGNAROK (USA/SUPERHERO/2017)

🔸173) THOR : RAGNAROK 3D (2017)🔸 A REVIEW🔸

🔸What are you expecting from a Marvel Superhero film? Whatever it is, you will definitely get what you expect and something more from Thor: Ragnarok!

🔸COUNTRY : USA
LANGUAGE : ENGLISH
GENRE : SUPER HERO
DIRECTION : TAIKA WAITITI
THEATRE : ARIESPLEX SL CINEMAS, TRIVANDRUM

🔸 Thor : Ragnarok is the 3rd installment of Marvel’s Thor film series after Thor(2011)) and Thor:The Dark World(2013) and the 17th film of the Marvel Cinematic Universe (MCU). In this film The Mighty Thor joins hands with his evil brother Loki and fellow avenger Hulk in order to protect Asgard from Hela, the Goddess Of Death.

🔸 The film successfully created a complete different mood than the previous Thor films. It has all essential elements of a typical Marvel Superhero film like good comedy , mass action, fantastic visual effects, high quality CGI, top notch 3D effects, eye catching cinematography and fantastic performances . It is really a visual treat and watching from good quality theatres in 3D is highly recommended.

🔸 VERDICT : VERY GOOD

🔸More Reviews @
http://www.amazingcinemareviews.wordpress.com

🔸Join AMAZING CINEMA Telegram Channel @
http://t.me/AmazingCinema

©PRADEEP V K

4.0 Star (Very Good) · English · Science Fiction · UK

170. EX MACHINA (UK/SCIENCE FICTION/2015)

🔸170) EX MACHINA (2015)🔸 ഒരു അവലോകനം 🔸

🔸 എന്താണ് മനുഷ്യനും ആർട്ടിഫിഷ്യൽ ഇൻറലിജൻസും തമ്മിലുള്ള വ്യത്യാസം? പൂർണമായും മനുഷ്യരൂപത്തിലുള്ള മനുഷ്യന്റെ എല്ലാ വികാരങ്ങളുമുള്ള ഒരു റോബോട്ടിനെ മനുഷ്യൻ എന്ന് വിളിക്കാനാവുമോ?

🔸COUNTRY : UK
LANGUAGE : ENGLISH
GENRE : SCIENCE FICTION
DIRECTION : ALEX GARLAND
IMDB RATING : 7.7 / 10
‎ROTTEN TOMATOES RATING : 92%

🔸 ഒരു പ്രശസ്ത സേർച്ച് എൻജിൻ കമ്പനിയിലെ പ്രോഗ്രാമറായ കലേബ് സ്മിത്തിന് കമ്പനിയുടെ സി ഇ ഒ നഥാൻ ബേറ്റ്മാന്റെ ബംഗ്ലാവിൽ ഒരാഴ്ച കഴിയാനുള്ള ക്ഷണം ലഭിക്കുന്നു. ക്ഷണം സ്വീകരിച്ച് അവിടെയെത്തുന്ന കലേബിനെ അദ്ഭുതപ്പെടുത്തുന്നതായിരുന്നു അവിടെ കണ്ടതെല്ലാം. ആർട്ടിഫിഷ്യൽ ഇന്റലിജൻസ് ഉള്ള മനുഷ്യരൂപത്തിലുള്ള റോബോട്ടുകളെ നിർമ്മിക്കുന്നതിൽ വിദഗ്ദ്ധനായ നഥാൻ താൻ പുതിയതായ നിർമ്മിച്ച അവ എന്ന റോബോട്ടിനെ ടൂറിങ്ങ് ടെസ്റ്റ് നടത്താനായി കലേബിനെ നിയോഗിക്കുന്നു. മനുഷ്യ സ്ത്രീയുടെ രൂപത്തിലുള്ള അവ സാധാരണ മനുഷ്യന് സമാനമായോ അതിൽ കൂടുതലായോ ബുദ്ധിശക്തിയും കഴിവുകളും ഉള്ളവളാണെന്ന് മനസ്സിലാക്കുന്ന കലേബ് അവയുമായി മാനസികമായി അടുക്കുന്നു .എന്നാൽ നിഗൂഡതകൾ സൂക്ഷിക്കുന്ന നഥാന്റെ പെരുമാറ്റം കലേബിന് നിരവധി സംശയങ്ങൾ ഉണ്ടാക്കുന്നു.

🔸 പതിഞ്ഞ താളത്തിൽ തുടങ്ങി ഞെട്ടിക്കുന്ന ക്ലൈമാക്സോടുകൂടി അവസാനിക്കുന്ന ഈ ചിത്രം ഒരു ഇൻഡിപെൻഡന്റ് സയൻസ് ഫിക്ഷൻ ചിത്രമാണ്. സംവിധായകൻ അലക്സ് ഗാർലൻഡ് തന്നെ ഒരുക്കിയ തിരക്കഥയും വളരെ മികച്ച സ്പെഷ്യൽ ഇഫക്ടുകളും ബാക്ക് ഗ്രൗണ്ട് സ്കോറും അഭിനേതാക്കളുടെ പെർഫോർമൻസും ചിത്രത്തെ മനോഹരമാക്കുന്നു. 88th ഓസ്കാറിൽ മികച്ച വിഷ്വൽ ഇഫക്ടിനുള്ള പുരസ്കാരം ചിത്രം കരസ്ഥമാക്കിയിരുന്നു. മികച്ച തിരക്കഥയ്ക്കുള്ള ഓസ്കാർ നോമിനേഷനും ചിത്രം നേടിയിരുന്നു. അവ എന്ന ഹ്യൂമനോയ്ഡ് റോബോട്ട് ആയി Alicia Vikander തകർപ്പൻ പ്രകടനമാണ് കാഴ്ച വച്ചിരിക്കുന്നത്. വളരെ കുറച്ച് കഥാപാത്രങ്ങൾ മാത്രമുള്ള ഈ ചിത്രം മനുഷ്യനും റോബോട്ടും തമ്മിലുള്ള സ്ഥിരം സിനിമാക്കഥകളിൽ നിന്നും കഥയിലും ട്രീറ്റ്മെൻറിലും വളരെ വേറിട്ട് നില്ക്കുന്നു. 15 മില്യൺ ഡോളർ ചെലവിൽ നിർമ്മിച്ച ചിത്രം മികച്ച ബോക്സോഫീസ് വിജയവും നിരൂപകപ്രശംസയും ഏറ്റ് വാങ്ങിയിരുന്നു. സയൻസ് ഫിക്ഷൻ ചിത്രങ്ങൾ ഇഷ്ടപ്പെടുന്നവർക്ക് ഒരു മികച്ച അനുഭവം തന്നെയാവും ഈ ചിത്രം.

🔸RATING : 4/5 ( VERY GOOD )

🔸More Reviews @
http://www.amazingcinemareviews.wordpress.com

🔸Join AMAZING CINEMA Telegram Channel @
http://t.me/AmazingCinema

©PRADEEP V K

4.0 Star (Very Good) · Drama · Slovak · Slovakia

168. THE TEACHER (SLOVAKIA/DRAMA/2016)

🔸168) THE TEACHER (2016)🔸 ഒരു അവലോകനം 🔸

🔸 അധ്യാപകർക്ക് ഒരു വിദ്യാർത്ഥിയുടെ ഭാവി ജീവിതത്തിൽ വഹിക്കാനുള്ള പങ്ക് വളരെ വലുതാണ്. ഭാവിയുടെ വാഗ്ദാനങ്ങളാവേണ്ട ഒരു തലമുറയെ വാർത്തെടുക്കുന്ന അധ്യാപകർക്ക് എല്ലാ സമൂഹങ്ങളിലും ഉയർന്ന ഒരു സ്ഥാനമുണ്ടാവും. നമുക്കെല്ലാവർക്കും പ്രിയപ്പെട്ട ഒരു അധ്യാപകൻ അല്ലെങ്കിൽ അധ്യാപിക ഉണ്ടാകും. എന്നാൽ പലരും പുറത്ത് പറയാൻ മടിക്കുന്ന മറ്റൊരു സത്യമുണ്ട്. പ്രിയപ്പെട്ട അധ്യാപകരോടൊപ്പം നിങ്ങൾ ഇന്നും വെറുക്കുന്ന അധ്യാപകരും ഇല്ലേ?

🔸COUNTRY : SLOVAKIA
LANGUAGE : SLOVAK
GENRE : DRAMA
DIRECTION : JAN HREBEJK
IMDB RATING : 7.3 / 10
‎ROTTEN TOMATOES RATING : 86%

🔸 1983ൽ സ്ലോവാക്യയിലെ കമ്മ്യൂണിസ്റ്റ് ഭരണകാലത്തെ ഒരു ഹൈസ്കൂളിൽ പുതിയ അധ്യാപിക ആദ്യമായി ക്ലാസിലെത്തുകയാണ്. ഓരോ വിദ്യാർത്ഥിയേയും പ്രത്യേകം പരിചയപ്പെടുന്ന അവർ കുട്ടികളുടെ മാതാപിതാക്കളുടെ ജോലിയും താമസസ്ഥലവും എല്ലാം വിശദമായി ചോദിച്ച് നോട്ട് ചെയ്ത് വയ്ക്കുന്നു. പിന്നീട് പല ദിവസങ്ങളിലും കുട്ടികൾ വഴി പല കാര്യങ്ങളും അവർ മാതാപിതാക്കളോട് ആവശ്യപ്പെടുന്നു .അവരുടെ വീട്ടിലെ ചെറിയ അറ്റകുറ്റപ്പണികൾ ചെയ്യുക, സാധനങ്ങൾ വാങ്ങുക തുടങ്ങിയ ആവശ്യങ്ങളായിരുന്നു കൂടുതലും. എന്നാൽ ഒരു ദിവസം ക്ലാസിൽ മിടുക്കിയായ ഒരു കുട്ടിയുടെ അച്ഛനോട് അവർ ആവശ്യപ്പെട്ട കാര്യം ചെയ്ത് കൊടുക്കാൻ അദ്ദേഹത്തിന് കഴിയുന്നില്ല. എന്നാൽ അത് തങ്ങളുടെ മകളുടെ ജീവിതം തന്നെ കീഴ്മേൽ മറിക്കുമെന്ന് കുട്ടിയുടെ അച്ഛനമ്മമാർ ഒരിക്കലും പ്രതീക്ഷിച്ചിരുന്നില്ല.

🔸 വളരെയധികം ശ്രദ്ധേയമായ ഒരു വിഷയം അതിന്റെ തീവ്രതയോടെ തന്നെ ചിത്രത്തിൽ അവതരിപ്പിച്ചിരിക്കുന്നു. ശക്തമായ തിരക്കഥയും അതിനൊത്ത സംവിധാനവും ടീച്ചറായെത്തിയ Zuzana Maurery യുടെ പെർഫോർമൻസും ചിത്രത്തെ മികവുറ്റതാക്കുന്നു. ചിത്രം കൈകാര്യം ചെയ്യുന്ന വിഷയം എല്ലായിടത്തും സംഭവിക്കാവുന്നതോ സംഭവിച്ചിട്ടുള്ളതോ അണെന്നതാണ് പ്രധാന സവിശേഷത. ഒരാൾക്ക് ഒരു പ്രശ്നം ഉണ്ടാകുമ്പോൾ തങ്ങൾ സഹായിക്കുമെന്ന് വിശ്വസിക്കുന്ന പലരുടേയും യഥാർത്ഥ മുഖങ്ങൾ പുറത്ത് വരുന്ന രംഗങ്ങൾ ചിത്രത്തിൽ കാണാം. പല സ്കൂളുകളിലും നടക്കുന്ന സമാനമായ സംഭവങ്ങൾ വാർത്തയാവുന്ന ഈ കാലഘട്ടത്തിൽ നിർബന്ധമായും കണ്ടിരിക്കേണ്ട ചിത്രങ്ങളിൽ ഒന്നാണ് The Teacher.

🔸RATING : 4/5 (VERY GOOD)

🔸For More Movie Reviews Visit AMAZING CINEMA Blog @
http://www.amazingcinemareviews.wordpress.com

🔸 For Getting The Movie Download Link Join AMAZING CINEMA Telegram Channel @
http://t.me/AmazingCinema

©PRADEEP V K

4.0 Star (Very Good) · English · Mystery · Thriller · USA

167. WIND RIVER (USA/MYSTERY THRILLER/2017)

🔸167) WIND RIVER (2017)🔸 ഒരു അവലോകനം 🔸

🔸 മഞ്ഞ് മൂടിയ ആ മലനിരകളിൽ വളർത്തുമൃഗങ്ങളെ കൊന്ന് തിന്നുന്ന അജ്ഞാത ജീവിയുടെ കാല്പാടുകൾ പിന്തുടർന്നെത്തിയ ഏജന്റ് കോറി ലാംബർട്ട് കണ്ടെത്തിയത് മഞ്ഞിൽ ഉറച്ച് കമിഴ്ന്ന് കിടക്കുന്ന നിലയിലുള്ള ഒരു പെൺകുട്ടിയുടെ മൃതദേഹമാണ്. അവളുടെ ശരീരത്തിലെ മുറിവുകളും കട്ട പിടിച്ച രക്തവും കണ്ട ലാംബർട്ട് വിദൂരമായ ഓർമ്മകളിൽ ഞെട്ടി വെറുങ്ങലിച്ച് നിന്നു. നോക്കെത്താ ദൂരത്തോളം പരന്ന് കിടക്കുന്ന മഞ്ഞ് പാളികൾക്കിടയിൽ മരണത്തിന്റെ വിളിയുമായി അജ്ഞാതനായ ഒരു കൊലയാളി ഒളിച്ചിരിക്കുന്നുണ്ടോ?

🔸COUNTRY : USA
LANGUAGE : ENGLISH
GENRE : MYSTERY THRILLER
DIRECTION : TAYLOR SHERIDAN
IMDB RATING : 7.9 / 10
‎ROTTEN TOMATOES RATING : 87%

🔹BACKGROUND 🔹

🔸 ജനവാസം വളരെ കുറഞ്ഞ നേറ്റീവ് അമേരിക്കൻസിന് വേണ്ടിയുള്ള വിൻഡ് റിവർ ഇൻഡ്യൻ റിസർവേഷനിലെ വൈൽഡ് ലൈഫ് സർവീസ് ഏജൻറായ കോറി ലാംബർട്ട് അപകടകാരികളായ മൃഗങ്ങളെ കൊല്ലുന്നതിൽ വിദഗ്ദനാണ്. ശൈത്യ കാലത്ത് മഞ്ഞ് മൂടിക്കിടക്കുന്ന മലനിരകൾ നിറഞ്ഞ ആ പ്രദേശത്തിന്റെ മുക്കും മൂലയും അയാൾക്ക് കാണാപാഠമായിരുന്നു .എങ്കിലും നതാലി ഹാൻസൺ എന്ന പതിനെട്ടുകാരിയുടെ മരണം അന്വേഷിക്കാനെത്തിയ FBl ഏജന്റ് ജെയ്ൻ ബാനറിനെ സഹായിക്കാൻ തയ്യാറാവുന്നതിന് അയാൾക്ക് മറ്റ് ചില കാരണങ്ങൾ കൂടി ഉണ്ടായിരുന്നു.

🔹ANALYSIS🔹

🔸 അമേരിക്കൻ റിസർവേഷനുകളിലെ കാണാതാവുന്ന പെൺകുട്ടികളുമായി ബന്ധപ്പെട്ട നിരവധി യഥാർത്ഥ സംഭവങ്ങളിൽ നിന്ന് പ്രചോദനം ഉൾക്കൊണ്ടാണ് Taylor Sheridan ഈ ചിത്രത്തിന്റെ തിരക്കഥയും സംവിധാനവും നിർവഹിച്ചിരിക്കുന്നത്.ശക്തമായ തിരക്കഥയും അർത്ഥപൂർണമായ സംഭാഷണങ്ങളും ചിത്രത്തിന് കരുത്തേകുന്നു. ഏജന്റ് കോറി ലാംബർട്ട് എന്ന കഥാപാത്രമായെത്തിയ ജെറമി റെന്നറും FBl ഏജൻറ് ജെയ്ൻ ബാനറായെത്തിയ എലിസബത്ത് ഓൾസണും അടക്കം ചെറിയ കഥാപാത്രങ്ങളായെത്തിയവർ പോലും മികച്ച പ്രകടനം തന്നെ കാഴ്ച വച്ചു. ജെറമി റെന്നറുടെ വളരെ നല്ല കഥാപാത്രങ്ങളിൽ ഒന്നാണ് ഈ ചിത്രത്തിലേത്. വളരെ കുറച്ച് സമയം മാത്രമേ സ്ക്രീനിൽ വരുന്നുള്ളു എങ്കിലും നതാലി ഹാൻസൺ എന്ന കഥാപാത്രം പ്രേക്ഷകരുടെ ഉള്ളിൽ ഒരു നോവായി അവശേഷിക്കും .

🔸ഓരോ നിമിഷവും പ്രേക്ഷകനെ ആകാംഷയുടെ മുൾമുനയിൽ നിർത്തിയാണ് ചിത്രം മുന്നോട്ട് പോകുന്നത്. മഞ്ഞ് നിറഞ്ഞ മലനിരകളുടെ മനോഹാരിതയും ഭീകരതയും ഒന്നുപോലെ ബെൻ റിച്ചാർഡ്സൺ തന്റെ ക്യാമറയിൽ ഒപ്പിയെടുത്തിട്ടുണ്ട്. ചിത്രം കണ്ടിരിക്കുമ്പോൾ അറിയാതെ ഒരു തണുപ്പ് നിങ്ങളുടെ ദേഹത്തും അരിച്ചിറങ്ങും. എല്ലാത്തിലും ഉപരിയായി പ്രേഷകനെ പൂർണമായും തൃപ്തിപ്പെടുത്തുന്ന ഒരു ക്ലൈമാക്സ് ആണ് ചിത്രത്തിന്. ഈ വർഷം പുറത്തിറങ്ങിയ അമേരിക്കൻ ചിത്രങ്ങളിൽ എല്ലാ തരത്തിലും തൃപ്തിപ്പെടുത്തിയ ചിത്രങ്ങളിൽ ഒന്നാണ് വിൻഡ് റിവർ . നതാലി ഹാൻസൺ കുറിച്ചിട്ട ആ വാക്കുകൾ അവസാനിക്കാത്ത ഒരു കവിത പോലെ ആ മലനിരകളിൽ മുഴങ്ങുന്നത് എനിക്ക് ഇപ്പോഴും കേൾക്കാം. നഗ്നപാദയായി മഞ്ഞ് പാളികൾക്ക് മുകളിലൂടെ മൈലുകളോളം ഓടിയ അവളുടെ അവസാന വാക്കുകളും ഇതായിരുന്നു.

🔹🔹🔹There’s a meadow in my perfect world, where wind dances the branches of a tree, casting leopard spots of light across the face of a pond, the tree stands tall and grand and alone, shading the world beneath it . It is here, in the cradle of all I hold dear , I guard every memory of you . And when I find myself frozen in the mud, real far from your loving eyes, I will return to this place, and find solace in the simple perfection of knowing you🔹🔹🔹

🔸RATING : 4/5 (VERY GOOD)

🔸 For Getting The Movie Download Link Join AMAZING CINEMA Telegram Channel @
http://t.me/AmazingCinema

©PRADEEP V K

4.0 Star (Very Good) · Crime · India · Tamil · Thriller

160. THUPPARIVALAN (INDIA/CRIME THRILLER/2017)

🔹160) THUPPARIVALAN (2017)  🔹 A REVIEW 🔹

🔹 “കൊല്ലപ്പെട്ടത് ഒരു പട്ടി ആണെങ്കിലും അപകടസ്ഥലത്ത് നിന്ന് ലഭിച്ച തെളിവുകൾ അവിടെ കൂടുതൽ വലിയ എന്തോ സംഭവങ്ങൾ നടന്നതായി ഒരു സംശയം ഉണ്ടാക്കുന്നു . ഞാനറിയാത്ത ലോകം അറിയാത്ത ആരോ ഇതിനെല്ലാം പിന്നിലുണ്ടെന്ന് ഉറപ്പാണ് ”

🔹COUNTRY : INDIA

     LANGUAGE : TAMIL

     GENRE : CRIME THRILLER

     DIRECTION : MYSSKIN

🔹 BACKGROUND 🔹

🔼 സർ ആർതർ കോനൻ ഡോയൽ സൃഷ്ടിച്ച   ഡിറ്റക്ടീവ് ഷെർലക്ക് ഹോംസ്  യാതൊരു മുഖവുരയും ആവശ്യമില്ലാത്ത കഥാപാത്രമാണ്. തന്റെ അസാമാന്യമായ ബുദ്ധികൂർമ്മതയാൽ നോവലിലൂടെയും സിനിമകളിലൂടെയും സീരീസുകളിലൂടെയും ലോകമെമ്പാടും ഉള്ള ആസ്വാദകരെ വിസ്മയിപ്പിച്ച ആ കഥാപാത്രത്തിന് സമാനമായി മറ്റൊരാളെ സങ്കല്പിക്കാൻ പോലുമാവില്ല . ഷെർലക് ഹോംസിന് സമാനമായി മറ്റൊരു കഥാപാത്രത്തെ സൃഷ്ടിക്കാനുള്ള ശ്രമങ്ങളൊന്നും പൂർണമായി വിജയിച്ചു എന്ന് പറയാനുമാവില്ല. ബംഗാളി സിനിമയിൽ ബോംകേഷ് ബക്ഷി ഉണ്ടെങ്കിലും സൗത്ത് ഇൻഡ്യൻ സിനിമയിൽ അത് പോലെ ഒരു കഥാപാത്രം ഉണ്ടോ എന്ന് സംശയമാണ്. എന്നാൽ കഴിഞ്ഞ ദിവസം തുപ്പരിവാലൻ എന്ന തമിഴ് ചിത്രം കണ്ടതിന് ശേഷം അതിനുള്ള ഉത്തരം എനിക്ക് കിട്ടി .നമുക്കും ഒരു ഷെർലക് ഹോംസിനെ ലഭിച്ചു കഴിഞ്ഞു .അദ്ദേഹത്തിന്റെ പേര് കനിയൻ പൂങ്കുന്ദ്രൻ എന്നാണ്. 

🔼തന്റെ സുഹൃത്തും സഹപ്രവർത്തകനുമായ മനോഹറിനോടൊപ്പം പ്രൈവറ്റ് ഡിറ്റക്ടീവ് ഏജൻസി നടത്തുന്ന കനിയൻ എന്ന തുപ്പരിവാലൻ(ഡിറ്റക്ടീവ്) തന്റെ കഴിവിനൊത്തുള്ള ഒരു കേസ് ലഭിക്കാത്തതിൽ ദു:ഖിതനാണ്. എന്നാൽ തന്റെ പട്ടിയെ കൊന്നത് ആരാണെന്ന് കണ്ട് പിടിക്കണമെന്ന ആവശ്യവുമായി ഒരു കൊച്ചു കുട്ടി അദ്ദേഹത്തെ സമീപിച്ചപ്പോൾ താൻ ഇതുവരെയും അന്വേഷിച്ചിട്ടുള്ളതിൽ ഏറ്റവും കോംപ്ലിക്കേറ്റഡ് ആയ  അപകടകരമായ കേസ് ആണ് തന്റെ മുന്നിൽ എത്തിയിരിക്കുന്നതെന്ന് കനിയൻ ഒരിക്കലും വിചാരിച്ചിരുന്നില്ല. 

🔹 OBSERVATIONS 🔹

🔼 തമിഴ് സിനിമയിൽ ഒരു നവതരംഗത്തിന് തുടക്കം കുറിച്ച സംവിധായകനാണ് മിഷ്കിൻ. 2006 ൽ ചിത്തിരം പേശുതടി എന്ന ചിത്രത്തിൽ തുടങ്ങി തന്റെ എട്ടാമത്തെ സംവിധാന സംരംഭമായ തുപ്പരിവാലനിൽ എത്തി നില്ക്കുമ്പോൾ ഇന്ത്യൻ സിനിമയിലെ ഏറ്റവും മികച്ച സംവിധായകരുടെ നിരയിലേക്ക് അദ്ദേഹം എത്തിയിരിക്കുന്നതായി ധൈര്യപൂർവ്വം പറയാം .

🔼തന്റെ അഭിനയ ജീവിതത്തിലെ ഏറ്റവും മികച്ച കഥാപാത്രമായ വളരെ വ്യത്യസ്തമായ സ്വഭാവ സവിശേഷതകൾക്ക് ഉടമയായ കനിയൻ പൂങ്കുന്ദ്രനെ  വിശാൽ മനോഹരമായി അവതരിപ്പിച്ചു . ചിത്രത്തിന്റെ നിർമ്മാതാവും വിശാൽ തന്നെയായിരുന്നത് വിട്ടുവീഴ്ചയില്ലാത്ത ചിത്രീകരണത്തിന് കൂടുതൽ സഹായകമായി. കനിയന്റെ സന്തത സഹചാരിയായ മനോഹറിനെ പ്രസന്ന ഗംഭീരമാക്കി . എങ്കിലും ഞെട്ടിച്ചു കളഞ്ഞത് ചിത്രത്തിലെ പ്രധാന വില്ലൻ കഥാപാത്രമായെത്തിയ വിനയ് ആണ് .ഇത് വരെ നിഷ്കളങ്ക വേഷങ്ങളിൽ കണ്ടിട്ടുള്ള വിനയ് അവതരിപ്പിച്ച ഡെവിൾ എന്ന കഥാപാത്രം തമിഴ് സിനിമയിൽ വന്നിട്ടുള്ളവയിൽ ഏറ്റവും  മികച്ച വില്ലൻ കഥാപാത്രങ്ങളിൽ ഒന്നാണെന്ന് നിസംശയം പറയാം .നായകന് ഒത്ത എതിരാളിയായ ആ വില്ലൻ കഥാപാത്രം പ്രേക്ഷകരെ ഞെട്ടിക്കുമെന്ന് ഉറപ്പാണ്. ഭാഗ്യരാജ്, ആൻഡ്രിയ ജറേമിയ തുടങ്ങിയവരുടേയും നെഗറ്റിവ് വേഷങ്ങൾ ചിത്രത്തിന്റെ മാറ്റ് കൂട്ടി. 

🔼കഥയുടെ ഒഴുക്കിനെ ബാധിക്കുന്ന പാട്ടുകളോ കോമഡിയോ ഒന്നും ചിത്രത്തിലില്ല .വളരെ മികച്ച പശ്ചാത്തല സംഗീതവും ചടുലമായ എഡിറ്റിംഗും പ്രേക്ഷകരെ പിടിച്ചിരുത്താൻ പര്യാപ്തമായിരുന്നു. ഒരു പാളിച്ചകളുമില്ലാത്ത മിസ്ക്കിന്റെ ശക്തമായ തിരക്കഥ തന്നെയാണ് ചിത്രത്തിന്റെ പ്രധാന ശക്തി.  ചിത്രത്തിന്റെ ആക്ഷൻ രംഗങ്ങൾ എല്ലാം കാണികളിൽ രോമാഞ്ചമുണ്ടാക്കുമെന്ന് ഉറപ്പാണ് . കല്ലുകടി ആയി തോന്നിയത്  അനു ഇമ്മാനുവൽ അവതരിപ്പിച്ച കഥാപാത്രത്തിന്റെ ചില രംഗങ്ങൾ മാത്രമാണ്. ചിത്രത്തിലെ പ്രധാനപ്പെട്ട ഒരു രംഗത്തിലെ വിശാലിന്റെ പെർഫോർമൻസ് കുറ്റപ്പെടുത്തുന്നവർ കനിയൻ എന്ന കഥാപാത്രത്തെ പൂർണമായും ഉൾക്കൊള്ളാത്തത് കൊണ്ടാണെന്നാണ് എനിക്ക് തോന്നുന്നത് .

🔹LAST WORD 🔹

🔼ഒരു മികച്ച ക്രൈം ത്രില്ലർ എങ്ങനെയാവണം എന്നതിന്റെ ഉദാഹരണമാണ് തുപ്പരിവാലൻ . ആദ്യന്തം ആകാംക്ഷാഭരിതമായ ചടുലമായ ഈ ചിത്രം ഈ വർഷം തിയേറ്ററിൽ കണ്ട ഏറ്റവും മികച്ച ചിത്രങ്ങളിൽ ഒന്നായിരുന്നു. അത് തിയേറ്ററിൽ നിന്നു തന്നെ ആസ്വദിക്കാൻ ശ്രമിക്കുക .ഇത് വരെ കണ്ടിട്ടില്ലാത്ത തരത്തിലുള്ള കൊലപാതക ദൃശ്യങ്ങൾ നിറഞ്ഞ ഈ ചിത്രം കണ്ട പ്രേക്ഷകന്റെ ഉള്ളിൽ അകാരണമായ ഒരു ഭയം ഉണ്ടായാൽ അദ്ഭുതപ്പെടാനില്ല . ചിലപ്പോൾ ഒരു പെൻസിൽ മുനയുടെ രൂപത്തിൽ മരണം ആൾക്കൂട്ടത്തിനിടയിൽ നിങ്ങളെ കാത്ത് നില്ക്കുന്നുണ്ടാവാം .

🔹 Join AMAZING CINEMA Telegram Channel @

http://t.me/AmazingCinema

©PRADEEP V K

4.0 Star (Very Good) · English · Horror · USA

157. IT (USA/HORROR/2017)

🔹157.  IT (2017)  🔹 A Review 🔹

🔹”Try to stop me and I will kill you all! I will drive you crazy and then kill you all! You can’t stop me!”

🔹COUNTRY : USA

     LANGUAGE : ENGLISH

     GENRE : HORROR

     DIRECTION : ANDY MUSCHIETTI

🔹 BACKGROUND 🔹

▪ സ്റ്റീഫൻ കിങ്ങിന്റെ 1986 ൽ പ്രസിദ്ധീകരിക്കപ്പെട്ട IT എന്ന ഏറെ പ്രശസ്തമായ ഹൊറർ നോവലിനെ ആധാരമാക്കിയാണ് ഈ ചിത്രം ഒരുക്കിയിരിക്കുന്നത്. Andy Muschietti സംവിധാനം നിർവഹിച്ച് New Line Cinema യുടെ സഹനിർമ്മാണത്തിലുള്ള ഈ ചിത്രം വാർണർ ബ്രദേഴ്സ് പിക്ചേഴ്സ് ആണ് പ്രദർശനത്തിനെത്തിച്ചിരിക്കുന്നത്. 1989 ൽ ഡെറി എന്ന സാങ്കല്പിക നഗരത്തിൽ ജീവിക്കുന്ന ഏഴ് കൗമാരക്കാരായ കുട്ടികൾ തങ്ങളെ പല രൂപത്തിലും ഭയപ്പെടുത്തുന്ന കോമാളി വേഷത്തിലുള്ള ഒരു പൈശാചിക ശക്തിയെ നേരിടുന്നതാണ് ചിത്രത്തിന്റെ പ്രമേയം. MPAA, R റേറ്റിംഗ് നല്കിയിരിക്കുന്ന ചിത്രം ചില ദ്യശ്യങ്ങൾ മറച്ച് A സർട്ടിഫിക്കറ്റോടെയാണ് ഇന്ത്യയിൽ റിലീസ് ചെയ്തിരിക്കുന്നത്. 

🔹 OBSERVATIONS🔹

▪ സ്റ്റീഫൻ കിങ്ങ് എന്ന പേര് കേൾക്കുമ്പോൾ തന്നെ The Shining, Carrie, The Shawshank Redemption, Misery, The Green Mile തുടങ്ങിയ പ്രശസ്തമായ നിരവധി ചിത്രങ്ങൾ നമ്മുടെ മനസ്സിലേക്ക് ഓടിയെത്തും. അവയോടെല്ലാം ചേർത്ത് നിർത്താവുന്ന തരത്തിൽ സ്റ്റീഫൻ കിങ്ങിന്റെ നോവലിനോട് അങ്ങേയറ്റം നീതി പുലർത്തിയാണ്  Chase Palmer , Cary Fukunaga, Gary Dauberman എന്നിവർ പുതിയ ചിത്രമായ IT ന്റെ തിരക്കഥ തയ്യാറാക്കിയിരിക്കുന്നത്. ശക്തമായ പഴുതുകളില്ലാത്ത തിരക്കഥ തന്നെയാണ് ചിത്രത്തിന്റെ പ്രധാന ആകർഷണം .പ്രേക്ഷക പ്രശംസ നേടിയ Mama എന്ന ഹൊറർ ചിത്രത്തിന് ശേഷം Andy Muschietti സംവിധാനം നിർവഹിച്ച ഈ ചിത്രം  അദ്ദേഹത്തെ ഹൊറർ സിനിമ പ്രേമികളുടെ പ്രിയപ്പെട്ട സംവിധായകരിലൊരാളായി മാറ്റുമെന്ന് ഉറപ്പാണ്. മികച്ച സിനിമാറ്റോഗ്രഫി , BGM എന്നിവയോടൊപ്പം മേക്കപ്പും സ്പെഷ്യൽ ഇഫക്ടുകളും ചിത്രത്തിന്റെ ഹൊറർ മൂഡ് പ്രേഷകരിലേക്ക് എത്തിക്കാൻ സഹായകമായി .

▪ കുട്ടികൾ പ്രധാന വേഷത്തിലെത്തുന്ന ഈ ചിത്രത്തിൽ അഭിനയിച്ച ഓരോ കുട്ടിയും അസാമാന്യ അഭിനയ പാടവമാണ് കാഴ്ച വച്ചിരിക്കുന്നത് . ഭയപ്പെടുത്തുന്ന രംഗങ്ങളിലും കോമഡി രംഗങ്ങളിലും ഏഴ് കുട്ടികളും ഒന്നിനൊന്ന് മികച്ച് നിന്നു . കുറച്ച് വിക്കുള്ള Bill എന്ന കുട്ടി സംഘത്തിന്റെ നേതാവിന്റെ വേഷം ചെയ്ത Jaeden Lieberher ഉം തടിയനായ Ben ന്റെ വേഷം ചെയ്ത Jeremy Ray Taylor ഉം അവരിൽ മുമ്പിൽ നില്ക്കുന്നു. Pennywise/It എന്ന ടൈറ്റിൽ കഥാപാത്രമായെത്തിയ Bill Skarsgard അതി ഗംഭീര പ്രകടനത്തിലൂടെ കാണികളെ ഭയത്തിന്റെ മുൾമുനയിൽ നിർത്തുന്നു . ഓരോ കുട്ടിയുടേയും ഭയത്തിനനുസരിച്ച് രൂപം മാറാൻ കഴിവുള്ള Pennywise ഹോളിവുഡിലെ ഏറ്റവും ഭയപ്പെടുത്തുന്ന കഥാപാത്രങ്ങളിൽ ഒന്നായിത്തീരുമെന്ന്  ഉറപ്പാണ് . 1990 ൽ ഒരു മിനി സീരീസിൽ ഇതേ കഥാപാത്രം മുമ്പ് അവതരിപ്പിക്കപ്പെട്ടിരുന്നു എങ്കിലും സ്വന്തമായി ഒരു സ്ഥാനം നേടാൻ Bill Skarsgard ന്റെ Pennywise ന് കഴിയുന്നിടത്താണ് അദ്ദേഹത്തിന്റെ വിജയം .

🔹FINAL WORD🔹

▪ സ്റ്റീഫൻ കിങ്ങിന്റെ നോവലിന്റെ തീവ്രത ഒട്ടും ചോരാതെ തന്നെയാണ് സിനിമ രൂപത്തിൽ അവതരിപ്പിച്ചിരിക്കുന്നത് .സാധാരണ ഹൊറർ ചിത്രങ്ങളിൽ നിന്ന് വിഭിന്നമായി ക്ലീഷേ രംഗങ്ങൾ വളരെ കുറച്ച് എന്നാൽ പുതുമയുള്ള രീതിയിലുള്ള ഒരു ഹൊറർ അനുഭവമാണ് ചിത്രം നല്കുന്നത് .ഒരുപാട് ഭീകരമായ ഞെട്ടിപ്പിക്കുന്ന ഹൊറർ രംഗങ്ങൾ ഒന്നും ഇല്ലാത്തത് ചില പ്രേക്ഷകർക്ക് പരാതി സൃഷ്ടിക്കുമെങ്കിലും ചിത്രത്തിന്റെ സ്വഭാവം മനസ്സിലാക്കിയാൽ അത് അംഗീകരിക്കാവുന്നതേയുള്ളു . ഒരു Duology ആയി ഉദ്ദേശിക്കുന്ന ചിത്രത്തിന്റെ Chapter 1 ആണ് ഇപ്പോൾ റിലീസ് ആയത് . ചിത്രം കണ്ട് തീരുമ്പോൾ ഉണ്ടാകാവുന്ന പല സംശയങ്ങൾക്കും ഉള്ള ഉത്തരം അടുത്ത ചാപ്റ്ററിൽ ഉണ്ടാകുമെന്ന് പ്രതീക്ഷിക്കാം . തിയേറ്റർ അനുഭവത്തിന് വളരെ പ്രാധാന്യമുള്ള ചിത്രമായതിനാൽ സാധിക്കുമെങ്കിൽ മികച്ച ഒരു തിയേറ്ററിൽ തന്നെ ചിത്രം കാണാൻ ശ്രമിക്കുക

Join AMAZING CINEMA Telegram Channel @http://t.me/AmazingCinema

©PRADEEP V K